Dolgoprudnii

Dolgoprudnii
Долгопрудный
Lidnanznam;	Flag;
Valdkund	Venäma
Eläjiden lugu (2024)	119,089 ristitud
Pind	30,52 km²
Pämez'	Roman Istomin; (reduku 2024—)
Telefonkod	+7−495-xxx-xx-xx,; +7−498-xxx-xx-xx
Avtokod	50, 90, 150, 190, 750
Aigvö	UTC+3 (MSK+0)

Dolgoprudnii (ven.: Долгопру́дный) om Venäman lidn da lidnümbrik Moskvan agjan keskuzpalan pohjoižes. Se om Moskvan pohjoine ezilidn.

Istorii

Eländpunktan aluz om pandud vl 1931 kuti Dirižablestroi-žilo. Udesnimitihe nügüdläižikš vl 1938 Dolgoprudnai-raudteplatforman mödhe (Долгопрудная, om saudud vl 1914), platform om nimitadud Pit'kad-uitoiden mödhe (ven.: Долгие vai Виноградовские) ani päivnouzmha Dolgoprudnijaspäi. Radnikžilo sai lidnan statusad vl 1957. Aigan mändes mülütihe lidnha lähižid žiloid da külid. Lidn alištub agjan tobmudele oikti vspäi 1963.

Dolgoprudnii šingotase mašinansauvomižen tegimil (röunman kaičendan azegišt, laivankohenduztegim), henon organižen sintezan tegimel, sauvondmaterialiden pästandal (kivikombinat, asfal'tbetontegim, savičun tegim, standartatomad puižed konstrukcijad) i sömtegimištol (vintegim, jähižen fabrik, konditertegesed), mugažo teatraližiden ladlusiden fabrik, pehmdan meblin edheotand, avtomatikan konstruktorbüro i mujutimiden tedoinstitut ratas lidnas. Moskvan fiziž-tehnine institut om sätud lidnas vl 1946 kuti MVU:n fiziž-tehnine fakul'tet, erigoittud aluzkund vspäi 1951.

Geografijan andmused

Lidn sijadase Kläz'm-jogen da sen vezivaradimen molembil randoil, 180 m ü.m.t. keskmäižel korktusel. Vedase kümneks kilometraks suvespäi pohjoižhe.

Dolgoprudnii röunatab Moskvanke suves (Moskvan rengazavtote) i päivnouzmas (Pohjoine-mikrorajon). Toižed lähembaižed lidnad oma Himki ani päivlaskmha da suvipäivlaskmha i Lobn' ühtes kilometras pohjoižhe.

«Moskv (Savölovon päraudtestancii) — Dubn»-raudtekeskust läbitab kaiked lidnad. Matkad päraudtestancijhasai om 18 km. Platformad oma (Moskvaspäi): Novodačnai, Dolgoprudnai (päseižutez), Vodniki, Hlebnikovo, Šeremetjevskai. Rahvahidenkeskeine «Šeremetjevo»-lendimport radab ani päivlaskmha lidnaspäi, aeroekspress ühtenzoitab senke. Kanal Moskvan nimed om lidnan päivlaskmaižeks röunaks.

Tobmuz

Dolgoprudnii om lidnümbrikon üks'jäižeks eländpunktaks.

Lidnümbrikon tobmuden pämez' om sen Administracijan pämez', vll 2014−2019 Deputatoiden nevondkundan ezimez' oli lidnümbrikon pämehen. Edeližed lidnan Administracijan pämehed oma Vladislav Judin (reduku 2020 — reduku 2024), Aleksandra Kočetinina (Александра Кочетинина, kül'mku 2014 — sügüz'ku 2020), Oleg Troickii (2000−2014). Lidnan Deputatoiden nevondkundan ezimez' om Dmitrii Balabanov vn 2019 redukuspäi. Edeline nevondkundan ezimez' om Oleg Troickii (tal'vku 2015 — reduku 2019).

Eläjad

Vl 1939 žilon ristitišt oli 8 044 eläjad, vl 1959 lidnan — 32 959 eläjad. Vn 2010 Venäman rahvahanlugemižen mödhe lidnan eläjiden lugu oli 90 956 ristutud, vn 2021 — 120 907 ristitud (se ristitišt oli kaikiš suremb). Lidnan ristitišt ületi 100 tuhad eläjid vl 2016 i oli 104 238 eläjad vl 2017.

Rahvahad (enamba 0,4 % vl 2021): venälaižed — 84,2 %, armenijalaižed — 1,2 %, kirgizlaižed — 0,7 %, ukrainalaižed — 0,6 %, tadžikalaižed — 0,6 %, totarlaižed — 0,5 %, uzbekad — 0,4 %, toižed rahvahad — 3,3 %, rahvahuden ozutandata — 8,5 %.

Ortodoksižen hristanuskondan kümne jumalanpertid^[1] i časoun' oma restavriruidud i saudud lidnas.

Lapsiden opendusen aluzkundad oma severz'-se päivkodid (sen paloin kümne privatišt da kommercijatomišt), ühesa keskškolad (nomer 1, 6, 7, 9..11, 14, 16, 17), fiziž-matematine licei (nomer 5), Fizteh-licei P.L. Kapican nimed, gimnazii (nomer 13), lapsiden da norišton sädamižen šingotesen Moskovija-keskuz, lidnümbrikon sportškol. Professionaližen opendusen aluzkundad oma Fiziž-tehnine kolledž^[2] (edel 2019. vot Dolgoprudnijan (avia)tehnikum) i Moskvan fiziž-tehnine institut^[3] (MFTI).

Galerei

Lidnümbrikon tobmuden pert' (2008)
Eläban Eziauguižen Stroican jumalanpert', vn 2015 nägu
Moskvan fiziž-tehnine institut vl 2007
Vperöd-kul'turkeskuz (2008, «Edehepäi»)
Dolgoprudnai-raudteplatform vl 2007

Homaičendad

↑ Dolgoprudnijan pühäpertid sobory.ru-saital. (ven.)
↑ Fizteh-kolledžan sait (phystech.pro). (ven.)
↑ Moskvan fiziž-tehnižen institutan sait (mipt.ru). (ven.)

Irdkosketused

Dolgoprudnii Vikiaitas

	Moskvan agjan lidnad
	Aprelevk \| Balaših \| Beloozörskii \| Bronnici \| Čehov \| Černogolovk \| Dedovsk \| Dmitrov \| Dolgoprudnii \| Domodedovo \| Drezn \| Dzeržinskii \| Dubn \| Elektrogorsk \| Elektrostal' \| Elektrougli \| Fräzino \| Golicino \| Himki \| Hot'kovo \| Istr \| Ivantejevk \| Jahrom \| Jegor'jevsk \| Kašir \| Klin \| Kolomn \| Korolöv \| Kotel'niki \| Krasnoarmeisk \| Krasnogorsk \| Krasnozavodsk \| Krasnoznamensk \| Kubink \| Kurovskoje \| Likino-Dulövo \| Litkarino \| Lobn' \| Losino-Petrovskii \| Luhovici \| Lüberci \| Mitišči \| Možaisk \| Naro-Fominsk \| Noginsk \| Odincovo \| Orehovo-Zujevo \| Ozöri \| Pavlovskii Posad \| Peresvet \| Podol'sk \| Protvino \| Puščino \| Puškino \| Ramenskoje \| Reutov \| Rošal' \| Ruz \| Sergijev Posad \| Serpuhov \| Solnečnogorsk \| Stupino \| Šatur \| Ščolkovo \| Zaraisk \| Zvenigorod \| Žukovskii \| Taldom \| Vanh Kupavn \| Verei \| Vidnoje \| Visokovsk \| Volokolamsk \| Voskresensk

[1] Dolgoprudnijan pühäpertid sobory.ru-saital. (ven.)

[2] Fizteh-kolledžan sait (phystech.pro). (ven.)

[3] Moskvan fiziž-tehnižen institutan sait (mipt.ru). (ven.)

[1]

[2]

[3]

Lidnanznam	Flag
Valdkund	Venäma
Eläjiden lugu (2024)	119,089 ristitud
Pind	30,52 km²

Pämez'	Roman Istomin (reduku 2024—)
Telefonkod	+7−495-xxx-xx-xx, +7−498-xxx-xx-xx
Avtokod	50, 90, 150, 190, 750
Aigvö	UTC+3 (MSK+0)