Ivantejevk (ven.: Иванте́евка) om Venäman lidn da lidnümbrik Moskvan agjan keskuzpalan pohjoižpäivnouzmas. Se om Moskvan pohjoižpäivnouzmaine ezilidn, agjan 24nz' lidn eläjiden lugun mödhe.

Ivantejevk
Ивантеевка
 Lidnanznam
Coat of Arms of Ivanteevka (Moscow oblast).png
 Flag
Flag of Ivanteevka (Moscow oblast).png
Valdkund Venäma
Eläjiden lugu (2020-01-01) 81,254 ristitud
Pind 14,59 km²
Ivantejevk Ивантеевка
Pämez' Maksim Krasnocvetov
(tal'vku 2018—)
Telefonkod +7−496-xxx-xx-xx
Avtokod 50, 90, 150, 190, 750
Aigvö UTC+3 (MSK+0)

IstoriiRedigeeri

Eländpunktan aluz om pandud vl 1564 kuti Vantejevo-žilo (i lähine Kopnino, mainitase село Копнино и Ванте́ево тож). Vll 1576−1628 Vantejevo-külä oli Stroican jumalankodin tobmuden al. Koume fabrikad radoiba žilonno 18. voz'sadaspäi: vatken, kirjutandbumagan i špaleroiden. Nell' fabrikad oliba rados vodele 1917: kaks' tekstilišt, kanghiden mujutandan, villan kezerdusen. Kätihe Ivantejevskii-radnikžiloks vn 1928 21. päiväl semendkud. Raudte ühtenzoiti Moskvanke vll 1929−1930. Vl 1931 ühtištuihe tekstil'fabrikoid trikotažkombinataks. Mülütihe lähižid žiloid da anttihe lidnan statusad nügüdläiženke nimitusenke vn 1938 uhokus.

Ivantejevk šingotase sauvondan betonsol'mel i edheotandoil (betonantegimed, raudbetontegesed, metalližen vanundan varažomad, elektrolämbitusen sistemad), sömtegimištol (leibänkombinat, oluden tegim) i mecan tedokeskusel. Vaiše pened tekstiližed edheotandad jäihe rados nügüd'.

Geografijan andmusedRedigeeri

Lidn sijadase -jogen randoil (ven.: Уча́ 42 km pitte, Kläz'man hura ližajogi), 150 m ü.m.t. keskmäižel korktusel. Matkad Moskvhasai (Moskvan rengazavtotehesai) om 17 km suvipäivlaskmha. Lähembaižed lidnad oma Puškino ani päivlaskmha i lodeheze, Fräzino 5 km päivnouzmha, Ščolkovo 2 km suvipäivnouzmha, Korolöv 1 km suvipäivlaskmha.

Ivantejevk-2-, Ivantejevk- (edeline vspäi 1936, nüg. vspäi 1967) i Detskai- (vspäi 1946) raudteplatformad ratas «Moskv (Jaroslavlin päraudtestancii) — Fräzino»-keskustal. «Holmogori»-avtote (M8-trass) mäneb 1..3 km päivlaskmha lidnaspäi.

Ivantejevk om lidnümbrikon üks'jäine eländpunkt. Lidn röunatab Korolövanke suves, Ščolkovon lidnümbrikonke päivnouzmas, Puškinon lidnümbrikon territorijanke pohjoižes i päivlaskmas.

EläjadRedigeeri

Vl 1939 lidnan ristitišt oli 22 207 eläjad, vl 1959 — 30 945 eläjad. Vn 2010 Venäman rahvahanlugemižen mödhe lidnan eläjiden lugu oli 58 626 ristutud. Kaikiš suremb ristitišt om nügüd'.

Rahvahad (2010): venälaižed — 93,0%, ukrainalaižed — 1,6%, armenijalaižed — 1,1%, toižed rahvahad — 4,3%.

Professionaližen opendusen aluzkundad oma Moskvan politehnižen universitetan Ivantejevkan filial[1] i Moskvan telikundan inspekcijan openduzkeskuz.

GalereiRedigeeri

HomaičendadRedigeeri

  1. Moskvan politehnine universitet — Ivantejevkan filialan sait (ivanteevka.mospolytech.ru). (ven.)

IrdkosketusedRedigeeri



Moskvan agjan lidnad
Aprelevk | Balaših | Beloozörskii | Bronnici | Čehov | Černogolovk | Dedovsk | Dmitrov | Dolgoprudnii | Domodedovo | Drezn | Dzeržinskii | Dubn | Elektrogorsk | Elektrostal' | Elektrougli | Fräzino | Golicino | Himki | Hot'kovo | Istr | Ivantejevk | Jahrom | Jegor'jevsk | Kašir | Klin | Kolomn | Korolöv | Kotel'niki | Krasnoarmeisk | Krasnogorsk | Krasnozavodsk | Krasnoznamensk | Kubink | Kurovskoje | Likino-Dulövo | Litkarino | Lobn' | Losino-Petrovskii | Luhovici | Lüberci | Mitišči | Možaisk | Naro-Fominsk | Noginsk | Odincovo | Orehovo-Zujevo | Ozöri | Pavlovskii Posad | Peresvet | Podol'sk | Protvino | Puščino | Puškino | Ramenskoje | Reutov | Rošal' | Ruz | Sergijev Posad | Serpuhov | Solnečnogorsk | Stupino | Šatur | Ščolkovo | Zaraisk | Zvenigorod | Žukovskii | Taldom | Vanh Kupavn | Verei | Vidnoje | Visokovsk | Volokolamsk | Voskresensk