Sergijev Posad


Sergijev Posad (ven.: Сергиев Посад) om Venäman lidn da lidnankund Moskvan agjan pohjoižes. Se om agjan 21nz' lidn eläjiden lugun mödhe, Sergijev Posadan lidnümbrikon administrativine keskuz (edel vn 2019 sulakud — rajonan) da kaikiš suremb lidn.

Sergijev Posad
Сергиев Посад
 Lidnanznam
Coat of Arms of Sergiev Posad (Moscow oblast).png
 Flag
Flag of Sergiev Posad (Moscow oblast).png
Valdkund Venäma
Eläjiden lugu (2020-01-01) 100,335 ristitud
Pind 50,40 km²
Sergijev Posad Сергиев Посад
Pämez' Mihail Tokarev
(sügüz'ku 2016—)
Telefonkod +7−496-xxx-xx-xx
Avtokod 50, 90, 150, 190, 750
Aigvö UTC+3 (MSK+0)

IstoriiRedigeeri

Eländpunktan aluz om pandud vl 1347 kuti ortodoksižen hristanuskondan kel'j da pen' pühäkodi. Sauvoškanzihe jumalankodid läz sidä, aidoidud lidnudeks. Radonežan Sergijan manahad-jäl'gendajad služiba siš. Eländpunktad mez'jumalankodinno oliba ühtenzoittud da saiba lidnan statusad vl 1782 kuti Sergijevskii posad.

Vozil 1919−1930 nimitihe lidnad Sergijev:aks, vozil 1930−1991 sen nimi oli Zagorsk.

Sergijev Posad šingotase tarkoiktan mašinansauvomižen tegimil, sömtegimištol i turizmal. Moskvan hengeline akademii i nell' tedoinstitutad ratas lidnas.

Geografijan andmusedRedigeeri

Lidn sijadase lidnümbrikon suvipalas, seižub Končur-jogen muugotil randoil (ven.: Кончура, Kläz'man hura randpol'), 210 metrad valdmeren pindan päl keskmäižel korktusel. Matkad Moskvan röunhasai (Moskvan rengazavtotehesai) om 52 km suvipäivlaskmha. Lähembaižed lidnad oma mülüjad lidnümbrikho Hot'kovo suvipäivlaskmha, Peresvet i Krasnozavodsk pohjoižhe.

EläjadRedigeeri

Vl 1897 lidnan ristitišt oli läz 25 tuhad. Vn 2010 Venäman rahvahanlugemižen mödhe lidnan eläjiden lugu oli 111 179 ristitud, lidnankundan — 118 025 ristitud. Vl 2017 kaik 104 579 ristitud elihe lidnas, 111 497 ristitud — lidnankundas. Ortodoksižen hristanuskondan vižsadavozne keskuz sijadase lidnas — Pühän Stroican da Sergijan Laur i sen arhitekturine ansambl' (enamba 50 pertid), 20 tošt jumalanpertid i viž časounäd[1].

Rahvahad (2010): venälaižed — 95,2%, ukrainalaižed — 1,8%, toižed rahvahad — 3,0%.

Professionaližen opendusen aluzkundad oma gumanitarine institut, agrarine kolledž, Moskvan agjan professionaline kolledž, mugažo üläopendusen aluzkundoiden viž filialad i agjan medicinižen kolledžan filial.

HomaičendadRedigeeri

  1. Sergijev Posadan pühäpertid sobory.ru-saital. (ven.)

IrdkosketusedRedigeeri



Moskvan agjan lidnad
Aprelevk | Balaših | Beloozörskii | Bronnici | Čehov | Černogolovk | Dedovsk | Dmitrov | Dolgoprudnii | Domodedovo | Drezn | Dzeržinskii | Dubn | Elektrogorsk | Elektrostal' | Elektrougli | Fräzino | Golicino | Himki | Hot'kovo | Istr | Ivantejevk | Jahrom | Jegor'jevsk | Kašir | Klin | Kolomn | Korolöv | Kotel'niki | Krasnoarmeisk | Krasnogorsk | Krasnozavodsk | Krasnoznamensk | Kubink | Kurovskoje | Likino-Dulövo | Litkarino | Lobn' | Losino-Petrovskii | Luhovici | Lüberci | Mitišči | Možaisk | Naro-Fominsk | Noginsk | Odincovo | Orehovo-Zujevo | Ozöri | Pavlovskii Posad | Peresvet | Podol'sk | Protvino | Puščino | Puškino | Ramenskoje | Reutov | Rošal' | Ruz | Sergijev Posad | Serpuhov | Solnečnogorsk | Stupino | Šatur | Ščolkovo | Zaraisk | Zvenigorod | Žukovskii | Taldom | Vanh Kupavn | Verei | Vidnoje | Visokovsk | Volokolamsk | Voskresensk