Kečkemet

Kečkemet (mad'j.: Kecskemét [ˈkɛt͡ʃkɛmeːt], latin.: Aegopolis) om lidn Mad'jaranman keskuzpalas. Se om Bač-Kiškun-agjan administrativine keskuz, valdkundan kahesanz' lidn eläjiden lugun mödhe.

Kečkemet
Kecskemét

Lidnanznam	Flag
Valdkund	Mad'jaranma
Eläjiden lugu (2021)	109,651 ristitud
Pind	322,57 km²
Pämez'	Klaudija Pataki Semereine (kezaku 2014—, Szemereyné Pataki Klaudia)
Telefonkod	+36-(0)76
Aigvö	tal'vel UTC+1, kezal UTC+2

Istorii

Amuine eländpunkt oli pandud mantazole 13. voz'sadan mongoližel vägitungendal. Udessündutihe sidä teravas hüvän sijadusen tagut, i Laioš Sur'-kunigaz andoi Kečkemetale lidnan oiktusid vl 1348. Nimituz libub mad'jaran kecske-sanaspäi «ižakoza» i kuvastab regionan živatvodindan edeližid veroid.

Kečkemet šingotase Mercedes-Benz-kompanijan avtotegimel (100 tuhad avtoid vodes), avtopaloiden i kabeliden tehmižel, logistikan «Duvenbeck IMMO»-kompanijal, sömtegimištol (paštatesen tegim, konservtegim).

Geografijan andmused

Lidn sijadase agjan pohjoižes, 102 m ü.m.t. keskmäižel korktusel. Matkad Budapešt-pälidnhasai om 86 km lodeheze-pohjoižhe.

Kečkemet-raudtestancii radab lidnas, aigad Budapeštaspäi jonusel om 1 čas 20 minutad.

Eläjad

Vl 2011 Mad'jaranman rahvahanlugemižen mödhe eläjiden lugu oli 111 411 ristitud. Kaikiš suremb ristitišt oli 114 226 eläjad vl 2012.

Edeline lidnan pämez' om Zombor Gabor (2006−2014, Zombor Gábor).

Sebruzlidnad

Japonii Aomori, Japonii (vspäi 1994) Francii Arköi, Francii (1976) Ukrain Beregovo, Ukrain (2001) Sur' Britanii Koventri, Anglii, Sur' Britanii (1963) Avstrii Dornbirn, Forarl'berg-federacijanma, Avstrii (1993) Slovakii Galant, Slovakii (2002) Suomenma Hüvinkä, Suomenma (1985)

Izrail' Nagarii, Izrail' (1990) Saksanma Rüssel'shaim, Gessen-federacijanma, Saksanma (1991) Ukrain / Venäma Simferopol', Krim, Ukrain / Venäma (1963) Turkanma Tekirdag, Turkanma (2001) Romanii Tirgu Mureš, Romanii (1999) Pol'šanma Vadovice, Pol'šanma (2007) Danii Viborg, Danii (1997)

Irdkosketused

• Lidnan tobmuden sait (kecskemet.hu). (mad'j.)