Komarom-Estergom

Komarom-Estergom (mad'j.: Komárom-Esztergom megye [ˈkomaːrom ˈɛstɛrɡom]) om üks' Mad'jaranman agjoišpäi. Sen administrativine keskuz da kaikiš suremb lidn om Tataban'j.

Komarom-Estergom-agjan kart

Geografijan andmused

Agj levigandeb valdkundan lodehes-pohjoižes. Röunatab Slovakijanke pohjoižes (Nitran rand) i nellänke agjanke: Peštanke suvipäivnouzmas, Fejer levigandeb suves, Vesprem-agj sijadase suvipäivlaskmas, D'jor-Mošon-Šopron om päivlaskmas. Dunai om valdkundröunaks agjas.

Pind om 2 264,52 km², se om kaikiš penemb agj pindan mödhe Budapeštad lugemata.

Administrativine jagand

Agjan rajonad vspäi 2013

Komarom-Estergom-agj jagase kudeks jarašaks (rajonaks). Edel vn 2013 administrativišt reformad seičeme kišteršegad (rajonad) oli niiden sijas.

Lidnad

Neciš agjas om kaks'toštkümne lidnad:

• Ač (Ács)
• Babol'n (Bábolna)
• Dorog (Dorog)
• Estergom (Esztergom)
• Kišber (Kisbér)
• Komarom (Komárom)
• Labatlan (Lábatlan)
• N'jergešuifalu (Nyergesújfalu)
• Oroslan' (Oroszlány)
• Tat [PI: 2534] (Tát)
• Tat [PI: 2890] (Tata)
• Tataban'j (Tatabánya) — agjan administrativine keskuz

Agjas om 64 žilod lidnoihe ližaks, niišpäi koume oma sured žilod.

Eläjad

Vn 2011 Mad'jaranman rahvahanlugemižen mödhe agjan ristitišt oli 304 568 eläjad, vl 2015 — 299 110 eläjad. Kaikiš suremb agjan ristitišt oli 322 893 eläjad vl 1980.

Uskondan mödhe (2011): riman katolikad — 36,3 %, kal'vinistad — 10,0 %, lüteranižusen polenpidajad — 1,5 %, grekan katolikad — 0,4 %, toižed uskojad — 1,3 %, religijatomad — 20,2 %, ateistad — 1,4 %, märhapanendata — 28,9 %.

Irdkosketused

• Komarom-Estergom-agjan oficialine sait (kemoh.hu). (mad'j.)