Baran'j (agj)

Baran'j (mad'j.: Baranya megye [ˈbɒrɒɲɒ]) om üks' Mad'jaranman agjoišpäi. Sen administrativine keskuz da kaikiš suremb lidn om Peč.

Baran'j-agj valdkundan kartal

Geografijan andmused

Agj levitase valdkundan suvipäivlaskmas. Läz kaik Mad'jaranman hilen löudmižsijad oma keskitadud Baranj-agjas. Pohjoižes om kattud mecoil mägid, tazangištod oma suves i päivnouzmas.

Röunatab koumenke agjanke: Šomod'-agjanke päivlaskmas i lodehes, Tol'n levigandeb pohjoižes i pohjoižpäivnouzmas, Bač-Kiškun om päivnouzmas, mugažo om valdkundröunad Horvatijanke suves Dunain oigedme Drav-ližajogedme. Dunai om agjan päivnouzmaižeks röunaks.

Klimat om päivoikaz Keskmeren. Termaližiden purtkiden sur' lugumär om olmas agjas.

Pind om 4 429,59 km².

Administrativine jagand

Agjan rajonad vspäi 2013

Baran'j-agj jagase kümneks jarašaks (rajonaks). Edel vn 2013 administrativišt reformad ühesa kišteršegad (rajonad) oli niiden sijas.

Lidnad

Neciš agjas om nell'toštkümne lidnad:

• Boi (Bóly)
• Harkan' (Harkány)
• Komlo (Komló)
• Kozarmišlen' (Kozármisleny)
• Magoč (Mágocs)
• Mohač (Mohács)
• Peč (Pécs)
• Pečvarad (Pécsvárad)
• Šašd (Sásd)
• Šell'je (Sellye)
• Šikloš (Siklós)
• Sentlörinc (Szentlőrinc)
• Sigetvar (Szigetvár)
• Villan' (Villány)

Baran'jas om 301 žilod lidnoihe ližaks.

Eläjad

Vl 2001 agjan ristitišt oli 407 448 eläjad, vl 2015 — 371 110 eläjad. Kaikiš suremb eläjiden lugu oli 432 617 ristitud vl 1980.

Rahvahad (2001, kaks'jaižidenke vastusidenke): mad'jaralaižed — 92,2 %, saksalaižed — 5,6 %, čiganalaižed — 2,6 %, horvatijalaižed — 1,8 % i toižed rahvahad. Baran'j om agj rahvahanvähembusiden kaikiš surembanke lugunke, kaks' kerdad enamba mi keskmäras valdkundadme, heiden keskes Mad'jaranman saksalaižiden 34 % i suvislavilaižiden 32 %.

Irdkosketused

• Agjan oficialine sait (baranya.hu). (mad'j.).