Jas-Nad'kun-Sol'nok

Jas-Nad'kun-Sol'nok (mad'j.: Jász-Nagykun-Szolnok megye [ˈjaːs ˈnɒckun ˈsolnok]) om üks' Mad'jaranman agjoišpäi. Sen administrativine keskuz da kaikiš suremb lidn om Sol'nok.

Jas-Nad'kun-Sol'nok-agjan kart

Geografijan andmused

Agj levigandeb valdkundan keskuzpalas i päivnouzmas. Znamasine jogi om Tis sen Köröš-ližajogenke.

Röunatab kudenke agjanke: Bekešanke suvipäivnouzmas, Čongrad-Čanad sijadase suves, Bač-Kiškun om suvipäivlaskmas, Pešt levigandeb päivlaskmas, Heveš om pohjoižes, Boršod-Abaui-Zemplen-agjan lühüd röun om pohjoižpäivnouzmas.

Pind om 5 581,61 km². Ristitišt — 379 897 eläjad (2015). Kaikiš suremb eläjiden lugu oli 461 307 ristitud vl 1960.

Administrativine jagand

Agjan rajonad vspäi 2013

Jas-Nad'kun-Sol'nok-agj jagase ühesaks jarašaks (rajonaks). Edel vn 2013 administrativišt reformad seičeme kišteršegad (rajonad) oli niiden sijas.

Lidnad

Neciš agjas om kaks'kümne kaks' lidnad:

• Abadsalok (Abádszalók)
• Bešen'sög (Besenyszög)
• Fed'vernek (Fegyvernek)
• Jasapati (Jászapáti)
• Jasaroksallaš (Jászárokszállás)
• Jasberen' (Jászberény)
• Jasfen'saru (Jászfényszaru)
• Jaskišer (Jászkisér)
• Karcag (Karcag)
• Kendereš (Kenderes)
• Kišuisallaš (Kisújszállás)
• Kunhed'ješ (Kunhegyes)
• Kunsentmarton (Kunszentmárton)
• Martfü (Martfű)
• Mezötur (Mezőtúr)
• Rakoczifal'v (Rákóczifalva)
• Sol'nok (Szolnok) — agjan administrativine keskuz
• Tisaföl'dvar (Tiszaföldvár)
• Tisafüred (Tiszafüred)
• Töröksentmikloš (Törökszentmiklós)
• Turkeve (Túrkeve)
• Uisas (Újszász)

Lidnoihe ližaks, agjas om 78 žilod.

Irdkosketused

• Jas-Nad'kun-Sol'nok-agjan oficialine sait (jnszm.hu). (mad'j.)