Viborg (Danii)

Viborg (mugažo danijan kelel, virktas [ˈviˌpɒˀ]) om lidn Danijan pohjoižpalas. Se om Keskjutlandii-agjan administrativine keskuz.

Viborg

Lidnanznam
Valdkund	Danii
Eläjiden lugu (2022)	41,239 ristitud
Pind	25,2 km²
Pämez'	Ul'rik Vil'bek (viluku 2018—, Ulrik Wilbek)
Telefonkod	+45−8
Aigvö	tal'vel UTC+1, kezal UTC+2

Sil sanal voib olda toižid znamoičendoid; miše nähta niid, tulgat tänna.

Istorii

Eländpunkt om kaikiš amuižembišpäi Danijas, mainitase 8. voz'sadan lopuspäi kut vikingoiden žilo. Lidnan nimituz libub amuižskandinavijan kelespäi i kogoneb kahtes palaspäi: vé «pühäsija» i borg «lidnuz».

Danijan kaikiš amuižemb opendusen aluzkund radab lidnas, se om Viborgan kafedraline škol (dan.: Viborg Katedralskole, 1150 üläopenikad), vspäi 1060. Päjumalanpertin aluz om pandud 12. voz'sadal (dan.: Viborg Domkirke), nügüd'aigan se om lüteranižen Danijan jumalankodikundan Viborgan eparhijan keskuz.

Lidn eli lämoipaloiš läbi vll 1501, 1567 i 1726. Jäl'gmäižes statjas paloi lophu pol'lidnad, i se udessündutihe vitkos. Viborg-raudtestancii om avaitud vl 1863.

Geografijan andmused

Lidn sijadase agjan pohjoižes, 51 m ü.m.t. keskmäižel korktusel.

Vl 2022 Viborgan kundan eläjiden lugu oli 96 847 ristitud 1474 km² pindal.

Sebruzlidnad

• Suomenma Porvoo, Suomenma
• Islandii Dal'vik, Islandii
• Norvegii Hamar, Norvegii
• Ročinma Lund, Ročinma
• Saksanma Lüneburg, Alasaksonii-federacijanma, Saksanma (vspäi 1992)
• Mad'jaranma Kečkemet, Mad'jaranma
• Litvanma Marijampole, Litvanma

Irdkosketused

• Lidnan oficialine sait (viborg.dk). (dan.)