Šomod' (agj)

Šomod' (mad'j.: Somogy megye [ˈʃomoɟ]) om üks' Mad'jaranman agjoišpäi. Sen administrativine keskuz da kaikiš suremb lidn om Kapošvar.

Šomod'-agjan kart

Geografijan andmused

Agj levigandeb valdkundan suvipäivlaskmas. Balaton-järv om agjan pohjoižröunaks.

Šomod'-agj röunatab Horvatijanke suvipäivlaskmas i videnke agjanke: Zal-agjanke lodehes, Vesprem-agj sijadase pohjoižes, Fejer om pohjoižpäivnouzmas, Tol'n-agj levigandeb päivnouzmas, Baran'j-agj om suvipäivnouzmas.

Pind om 6 065,07 km².

Administrativine jagand

Agjan rajonad vspäi 2013

Šomod'-agj jagase kahesaks jarašaks (rajonaks). Edel vn 2013 administrativišt reformad üks'toštkümne kišteršegad (rajonad) oli niiden sijas.

Lidnad

Neciš agjas om kuz'toštkümne lidnad:

• Balatonboglar (Balatonboglár)
• Balatonföl'dvar (Balatonföldvár)
• Balatonlelle (Balatonlelle)
• Barč (Barcs)
• Čurgo (Csurgó)
• Fon'jod (Fonyód)
• Igal' (Igal)
• Kadarkut (Kadarkút)
• Kapošvar (Kaposvár) — agjan administrativine keskuz
• Lend'jel'toti (Lengyeltóti)
• Marcali (Marcali)
• Nad'jatad (Nagyatád)
• Nad'bajom (Nagybajom)
• Šiofok (Siófok)
• Tab (Tab)
• Zamardi (Zamárdi)

Šomod'as om 229 žilod lidnoihe ližaks, niišpäi kaks' oma sured žilod.

Eläjad

Vn 2011 Mad'jaranman rahvahanlugemižen mödhe agjan ristitišt oli 316 137 eläjad, vl 2015 — 312 084 eläjad. Kaikiš suremb eläjiden lugu oli 368 183 ristitud vl 1960.

Uskondan mödhe (2011): riman katolikad — 53,1 %, kal'vinistad — 6,7 %, lüteranižusen polenpidajad — 1,8 %, grekan katolikad — 0,2 %, toižed uskojad — 1,2 %, religijatomad — 11,2 %, ateistad — 1,0 %, märhapanendata — 24,8 %.

Irdkosketused

• Šomod'-agjan oficialine sait (som-omkorm.hu). (mad'j.)