Kapošvar

Kapošvar (mad'j.: Kaposvár [ˈkɒpoʃvaːr], saks.: Ruppertsburg, sloven.: Rupertgrad) om Mad'jaranman lidn valdkundan suvipäivlaskmas. Se om Šomod'-agjan administrativine keskuz.

Kapošvar
Kaposvár

Lidnanznam	Flag
Valdkund	Mad'jaranma
Eläjiden lugu (2018)	61,920 ristitud
Pind	113,59 km²
Pämez'	Karoi Sita (1994—)
Telefonkod	+36-(0)82
Aigvö	tal'vel UTC+1, kezal UTC+2

Lidnan sijaduz agjas i valdkundas (2017)

Istorii

Eländpunkt mainitase ezmäižen kerdan vn 1009 dokumentas Pečun episkopan tobmuden polhe. Saudihe lidnust 15. voz'sadal. Vll 1555−1686 turkad ohjastiba lidnal. Vl 1702 rušihe lidnusen seinid Leopol'd I-imperatoran käskön mödhe. 19. voz'sadal «Budapešt — Zagreb»-raudte läbiti lidnad.

Kapošvar šingotase metallan tehmižel, avtobustegimel, sauvondan edheotandoil, soban pästandal, sömtegimištol (sahar, trahmal, lihaproduktad, sagud) i turizmal. Vspäi 2000 universitet radab lidnas (4 tedokundad).

Geografijan andmused

Lidnan kart (2010)

Lidn sijadase Kapoš-jogen randoil (112 km pitte, mad'j.: Kapos, Dunain oigedpol'ne bassein), 82 metrad ü.m.t. keskmäižel korktusel.

Matkad Budapešthasai om 160 km pohjoižpäivnouzmha orhal, 187 km avtol vai raudtedme. Lähembaine järed lidn om Peč 46 km suvipäivnouzmha kaikil teil.

Eläjad

Vn 2011 Mad'jaranman rahvahanlugemižen mödhe lidnan eläjiden lugu oli 66 245 ristitud. Kaikiš suremb lidnan ristitišt oli 72 374 eläjad vl 1980.

Sebruzlidnad

• Sur' Britanii Bat, Anglii, Sur' Britanii (vspäi 1989)
• Saksanma Glinde, Šlezvig-Gol'štein, Saksanma (1990)
• Horvatii Koprivnic, Horvatii (1995)
• Romanii Merkurä Čuk, Romanii (1990)
• Francii Sen Sebast'jan sür Luar, Francii (2002)
• Italii Skio, Italii (1990)
• Venäma Tver', Tverin agj, Venäma (1995)
• Turkanma Üsküdar (Stambul-lidnan rajon), Turkanma (2013)

Irdkosketused

• Lidnan oficialine sait (kaposvar.hu). (mad'j.) (angl.)