D'jor-Mošon-Šopron

D'jor-Mošon-Šopron (mad'j.: Győr-Moson-Sopron megye [ˈɟøːr ˈmoʃon ˈʃopron ˈmɛɟɛ]) om üks' Mad'jaranman agjoišpäi. Agjan administrativine keskuz da kaikiš suremb lidn om D'jor.

D'jor-Mošon-Šopron-agjan kart

Geografijan andmused

Agj levitase valdkundan lodehes. Röunatab Avstrijanke päivlaskmas (Burgenland-federacijanma) i Slovakijanke pohjoižes, mugažo koumenke agjanke: Komarom-Estergomanke päivnouzmas, Vesprem-agj i Vaš levigatas suves.

Pind om 4 208,05 km².

Administrativine jagand

Agjan rajonad (vspäi 2013)

D'jor-Mošon-Šopron-agj jagase seičemeks jarašaks (rajonaks). Edel vn 2013 administrativišt reformad seičeme kišteršegad (rajonad) oli niiden sijas.

Lidnad

Neciš agjas om kaks'toštkümne lidnad:

• Beled (Beled)
• Čorn (Csorna)
• Fertöd (Fertőd)
• Fertösentmikloš (Fertőszentmiklós)
• D'jor (Győr) — administrativine keskuz
• Janoššomorj (Janossomorja)
• Kapuvar (Kapuvár)
• Leben' (Lébény)
• Mošonmad'jarovar (Mosonmagyaróvár)
• Pannonhal'm (Pannonhalma)
• Šopron (Sopron, agjan toine järed lidn)
• Tet (Tét)

Lidnoihe ližaks, agjas om 171 žilod, niiden kesken nell' oma sured žilod.

Eläjad

Vn 2011 Mad'jaranman rahvahanlugemižen mödhe agjan ristitišt oli 447 985 eläjad, vl 2015 — 452 638 eläjad. Vl 2018 agjan eläjaiden lugu oli 461 618 ristitud, se lugu oli kaikiš suremb kaikes aigas. Nügüd'aigan se om üks'jäine valdkundan agj ližadujanke ristitištonke.

Uskondan mödhe (2011): riman katolikad — 54,3 %, lüteranižusen polenpidajad — 4,7 %, kal'vinistad — 3,3 %, grekan katolikad — 0,2 %, toižed uskojad — 1,0 %, religijatomad — 9,2 %, ateistad — 1,0 %, märhapanendata — 26,3 %.

Irdkosketused

• D'jor-Mošon-Šopron-agjan oficialine sait (gymsmo.hu). (mad'j.) (angl.)