Zalaegerseg

Zalaegerseg (mad'j.: Zalaegerszeg [ˈzɒlɒɛɡɛrsɛɡ], saks.: Egersee) om lidn Mad'jaranman päivlaskmas. Se om Zal-agjan administrativižeks keskuseks.

Zalaegerseg
Zalaegerszeg

Lidnanznam	Flag
Valdkund	Mad'jaranma
Eläjiden lugu (2017)	58,154 ristitud
Pind	102,41 km²
Pämez'	Zoltan Balaič (reduku 2014—)
Telefonkod	+36-(0)92
Aigvö	tal'vel UTC+1, kezal UTC+2

Lidnan sijaduz agjas i valdkundas (2017)

Istorii

Eländpunkt mainitase ezmäižen kerdan vl 1247 kuti Egerskug (mad'j.: Egurscug). Vozil 1266−1848 Vespreman arhijerejad oliba lidnan pämehikš. Lidnuz om saudud voden 1526 jäl'ghe i se ei olend anastadud turkoil 1570-nzil vozil i vl 1616. Oli andnus turkoile vaiše vl 1664, no avstrižed sodaväged päzutiba kaik Mad'jaranmad 17. voz'sadan lopus.

Vl 1890 raudte tuli lidnha, i se abuti Zalaegersegale jäda ümbrišton keskuseks. Toižen mail'man sodan jäl'ghe šingotihe teravas, mülüti äi žiloid, saudihe tekstil'fabrikad i kivivoinümbriradajad edheotandad.

Geografijan andmused

Lidnan kart (2021)

Lidn sijadase Zalanjogen randoil (lankteb Balaton-järvhe, Dunain bassein), 166 m ü.m.t. keskmäižel korktusel.

«Vašvar — Nad'kaniž»-avtote (E65) läbitab lidnad. Matkad Budapešthasai om 200 km pohjoižpäivnouzmha, Avstrijan i Slovenijan valdkundröunoihesai om 40 km päivlaskmha.

Eläjad

Vn 2011 Mad'jaranman rahvahanlugemižen mödhe lidnan eläjiden lugu oli 59 499 ristitud. Kaikiš suremb lidnan ristitišt oli 62 214 eläjad vl 1990.

Rahvahad (2011): mad'jaralaižed — 95,9 %, čiganalaižed — 1,6 %, saksalaižed — 1,0 %, toižed rahvahad — 1,5 %.

Irdkosketused

• Lidnan tobmuden oficialine sait (zalaegerszeg.hu). (mad'j.) (angl.) (saks.)