Avaita pämenü

Kuba (isp.: Cuba), oficialižikš — Kuban Tazovaldkund (isp.: República de Cuba), oficialitomikš vspäi 1959 — Joudjuden Sar' , om sar'hine valdkund Kariban meren pohjoižpalas. Sen päine da kaikiš suremb lidn om Havan.

Kuban Tazovaldkund
República de Cuba
 Flag
Flag of Cuba.svg
 Valdkundznam
Coat of arms of Cuba.svg
Pälidn Havan
Eläjiden lugu (2012) 11 163 934[1] ristitud
Pind 110 860[2] km²
Kuban Tazovaldkund República de Cuba
Kel' ispanijan
Valdkundan pämez' Raul' Kastro
Päministr hän-žo
Religii hristanuskond
Valüt kuban peso (CUP) 
konverturuidud kuban peso (CUC)
Internet-domen .cu
Telefonkod +53
Aigvö tal'vel UTC−5,
kezal UTC−4

Südäiolend

IstoriiRedaktiruida

Vl 1895 sügüz'kus Kuba tedištoiti ičeze ripmatomudes Ispanijaspäi. Vn 1898 10. päiväl tal'vkud Ispanii tundišti sidä da kändi Kubad dominionaks, no päliči severziš-se kuiš ispaniž-amerikaine soda zavodihe, i Kuba putui AÜV:oiden ohjandusen alle. Vn 1902 20. päiväl semendkud Kuba sai ripmatomut okkupacijan lopindan satuseks da kändihe tazovaldkundaks.

Geografijan andmusedRedaktiruida

 
Kuban topografine kart.

Valdkund otab Kuban saren, Huventud-saren da äjiden penembiden sariden territorijoid Suriden Antiliden sariden mülündas. Kuba om jagadud Pohjoižamerikaspäi Atlantižen valdmeren Floridan sal'mel pohjoižes da Jukatanan sal'mel päivlaskmas. Matkad AÜV:oihesai Floridan sal'men kal't om 180 km (kaikiš kaidas sijas), Gaitihesai Tulleipol'žen sal'men kal't — 77 km, Jamaikahasai Kolon-sal'men kal't — 140 km, Meksikhasai Jukatanan sal'men kal't — 210 km. Saren piduz päivlaskmaspäi päivnouzmha om 1250 km. Kariban meren randanpird om 3735 km.

Kubal eile valdkundröunoid madme. Guantanamon sodameribaz om anttud kortomha AÜV:oile Kuban territorii röunanke 28,5 km madme.

Kaikiš korktemb čokkoim om Turkino-mägi, 1972 m ü.m.t. keskmäižel korktusel.

Londuseližed pävarad oma kivivoi, londuseline gaz, metallad (raudkivend, vas'k, kobal't, hrom, nikel'), azbest; toižed varad — silikatad, keitandsol, mec, mahuz.

Politine sistemRedaktiruida

 
Kapitolii vl 2012 — Kuban parlamentan ištundoiden sija Havanas.

Kuba om unitarine socialistine parlamentine tazovaldkund.

Rahvahan Tobmuden Nacionaline Suim (isp.: Asamblea Nacional del Poder Popular) — se om üks'kodine valdkundan parlament. Deputatoiden lugu om 614 ristitud, valitas heid kerdan vides vodes. Parlament formiruib ohjastusen da paneb sen pämest, mugažo Valdkundan Nevondkundan (31 ühtnijad) pämest, radnikusele.

Nügüd' ohjastusen pämez' da Valdkundan Nevondkundan pämez' om üks' person, Raul' Kastro. Hänen valdatusiden strok om viž vot.

Administrativine jagandRedaktiruida

   Kacu kirjutuz: Kuban administrativiž-territorialine jagand.

Administrativiž-territorialižikš Kuba jagase 16 agjaha (provincijha) (isp.: provincia) da specialižhe Huventud-municipijha. Kaik agjad alajagasoiš municipijoihe (isp. municipio), niid om 169.

EläjadRedaktiruida

Kuban toižed järedad lidnad (enamba 200 tuh. ristituid, surembaspäi penembha): Santjago de Kuba, Kamaguei, Ol'gin, Guantanamo, Santa Klar.

RahvahanižanduzRedaktiruida

Vl 2009 Kuban päeksport oli nikel' (16%), sahar (13%), zelläd da vakcinad (13%), sigarad (10%); toine eksport — vin (5%), merenproduktad (3%), toižed metallad (2%), cement (2%), kivivoi (1%), raud (1%).

HomaičendadRedaktiruida

IrdkosketusedRedaktiruida