Avaita pämenü

Havan (isp.: La Habana, täuzin San Cristóbal de La Habana) om Kuban pälidn da kaikiš suremb lidn. Se om üks' Kuban agjoišpäi.

Havan
La Habana
 Lidnanznam
Escudo de la Habana.svg
 Flag
Flag of City of Havana.svg
Valdkund Kuba
Eläjiden lugu (2012) 2 106 146[1] ristitud
Pind 728,26 km²
Havan La Habana
Pämez' Marta Fernandes Romero
(2 011—)
Telefonkod +53-07
Aigvö tal'vel UTC−5 
kezal UTC−4


Havan-lidnan municipalitetoiden kart.

Sada valdkundad oma ezitadud lidnas: 88 sur'oigenduzkundad (sidä kesken AÜV:oiden vs 2015 heinkun 20. päiväspäi, edel sidä — mel'hetartusen ezitaikund), 11 verazmašt konsulust da 1 torguindezitaikund (Armenii).

IstoriiRedaktiruida

Eländpunktan aluz om pandud vl 1519. Žilo sai lidnan statusad vl 1592.

Vspäi 1902 Havan om ripmatoman Kuban pälidnaks.

Geografijan andmusedRedaktiruida

Lidn sijadase Kuban saren lodehes, Meksikan lahten randal, 59 metrad ü.m.t. keskmäižel korktusel.

Klimat om tropine passatine. Havan om tropižile ciklonile alastui lidn. Vilukun keskmäine lämuz om +23 C°, heinkun — +28 C°. Paneb 1190 mm sadegid vodes.

Havan jagase vidhetoštkümnehe municipaližhe ühtnikha, ned alajagasoiš 105 rajonha (isp.: consejos populares).

EläjadRedaktiruida

Vl 1750 eläjiden lugu oli 70 tuh. ristituid. Nügüd' valdkundan kaikutte videnz' ristit eläb lidnas. Vn 2012 rahvahanlugemižen mödhe kuz' ristitud kümnespäi oma ispanijalaižiden jäl'gelaižed, mestizo (vaugedverižiden da indejalaižiden jäl'gelaižed) i mulatad (afrikaniž-ispaniženke augotižlibundanke) oma nelländez, 15% oma afrikalaižed, 0,2% oma azijalaižed (immigrantad Kitaišpäi).

Religijan mödhe religijatomad i katolikad oma enambuses. Om penemb hristanuskondan da afrikanižiden uskondoiden segoitadud kul'toiden polestajid.

TransportRedaktiruida

Avtobusad da kiruhavtobusad oma kundaližeks pätransportaks lidnan südäimes. Havan om valdkundan päraudtesol'm. Ei ole metrod lidnas, seižutihe sen sauvomišt NSTÜ:n čihodamižen jäl'ghe. Jügumeriport radab lidnas.

Om kaks' aeroportad. Rahvahidenkeskeine Hose Marti-nimel nimitadud lendimport (HAV) sijadase 11 kilometrad suvhe lidnan keskusespäi. Toine Plaja Barakoa-lendimport sijadase päivlaskmpolehe lidnaspäi, kävutadas sidä tehmaha südäireisid vaiše.

 
Havanan ühthine nägu.

HomaičendadRedaktiruida

IrdkosketusedRedaktiruida