Avaita pämenü

Barbados (mugažo anglijan kelel, nece om täuz' oficialine nimituz) om sar'hine valdkund Pohjoižamerikas, Kariban meren ühtennimižel sarel. Pälidn da kaikiš suremb lidn om Bridžtaun.

Barbados
 Flag
Flag of Barbados.svg
 Valdkundznam
Coat of arms of Barbados (2).svg
Pälidn Bridžtaun
Eläjiden lugu (2018) 293 131[1] ristitud
Pind 430 km²
Barbados
Kel' anglijan
Valdkundan pämez' Elizavet Toine
Päministr Mia Mottli
Religii hristanuskond
Valüt barbadosan dollar (BBD) (Bds$)
Internet-domen .bb
Telefonkod +1-246
Aigvö UTC−4

IstoriiRedaktiruida

Vn 1966 30. päiväl kül'mkud Barbados tedištoiti ripmatomudes Sures Britanijaspäi, sil-žo päiväl valdkundan Konstitucii[2] tuli väghe. Se om väges nügüd' äiluguižidenke vajehtusidenke (vozil 1974, 1978, 1990, 1992, 1995, 2002, 2003).

Geografijan andmusedRedaktiruida

 
Barbadosan geografine kart.

Barbados sijadase ühtennimižel sarel 434 km pohjoižpäivnouzmpolehe Suviamerikaspäi (Venesuelaspäi). Valdkundan pind om 430 km². Randanpird — 97 km.

Kaikiš korktemb čokkoim om Hillabi-mägi 336 metrad kortte valdmeren pindan päl.

Klimat om meren tropine mussonine. Vihmsezon om kezakuspäi kül'mkuhusai.

Londuseližed pävarad oma kivivoi da londuseline gaz, kala.

Politine sistemRedaktiruida

 
Barbadosan parlamentan pert' Bridžtaunas.

Ohjandusen form om unitarine konstitucine monarhii parlamentiženke demokratijanke. Valdkundan pämez' om britanine Elizavet Toine-kunigaznaine. Päministr om otnuden tobmut alakodin partijan lider. Jenaral-gubernator vahvištab ohjastusen ministrid.

Parlament om kaks'kodine. Üläkodi om Senat (angl.: Senate) 21 ühtnijanke, jenaral-gubernator paneb heid radsijha. Alakodi om sädud vl 1639 Suiman Kodi (angl.: House of Assembly) 30 ezitajanke, kaik rahvaz valičeb heid videks vodeks.

Päjärgvaličendad parlamentan alakodihe oliba vn 2018 24. päiväl semendkud. Nügüdläine jenaral-gubernator om Sandra Meison vs 2018 vilukun 8. päiväspäi. Mia Mottli radab päministran vs 2018 semendkun 25. päiväspäi. Edeline päministr om Freindel' Stüart (2010−2018).

Administrativiž-territorialine jagandRedaktiruida

   Kacu kirjutuz: Barbadosan administrativiž-territorialine jagand.

Barbados jagase 11 tulendha (angl.: parish), niišpäi vaiše kaks' oma mererandatomad.

EläjadRedaktiruida

Barbadosal elädas barbadosalaižed. Rahvahad augotižlibundan mödhe (2010): afrikalaižed — 92,4%, segoitadud rodul — 3,1%, vaugedverižed — 2,7%, indijalaižed — 1,3%, toižed rahvahad i rahvahuden ozutandata — 0,5%. Uskondan mödhe kaks' koumandest oma hristanuskondan protestantad, videndez — ateistad.

Toižed lidnad (1,5..2,5 tuh. ristituid vl 2012, surembaspäi penembha): Speitstaun, Houltaun, Oistins.

Vl 2009 eläjiden lugu oli 284 589 ristitud, vl 2014 — 289 680 eläjad.

IžanduzRedaktiruida

Vl 2009 Barbadosan päeksport oli zelläd (10%), kundaližen transportan likkuimed (10%), alkogoližed jomad (9%); toine eksport — rogosahar (4%), cement (4%), sömrazvad (4%, margarin tobjimalaz), juvelirižed tegesed (3%), kivivoi (3%), radiopalad (3%), časud (3%), parfümerii (3%), argvoi (1%), sobad (1%), ladimed navigacijan täht (1%).

HomaičendadRedaktiruida

IrdkosketusedRedaktiruida