Avaita pämenü

Trinidad da Tobago (angl.: Trinidad and Tobago [ˈtrɪnɪdæd ... təˈbeɪɡoʊ]), täuz' oficialine nimituz — Trinidadan da Tobagon Tazovaldkund (angl.: Republic of Trinidad and Tobago), om sar'hine valdkund Keskuzamerikas, Kariban meren suves, läz Venesuelan mererandištod. Pälidn om Port of Spein.

Trinidadan da Tobagon Tazovaldkund
Republic of Trinidad and Tobago
 Flag
Flag of Trinidad and Tobago.svg
 Valdkundznam
Coat of arms of Trinidad and Tobago.svg
Pälidn Port of Spein
Eläjiden lugu (2014) 1 223 916[1] ristitud
Pind 5 131 km²
Trinidadan da Tobagon Tazovaldkund Republic of Trinidad and Tobago
Kel' anglijan
Valdkundan pämez' Entoni Karmona
Päministr Kamla Persad-Bissessar
Religii hristanuskond, induizm
Valüt Trinidadan da Tobagon dollar (TTD)
Internet-domen .tt
Telefonkod +1-868
Aigvö UTC−4

IstoriiRedaktiruida

Vn 1962 elokun 31. päiväl Trinidad da Tobago tedištoiti ripmatomudes Sures Britanijaspäi.

Konstitucijan jäl'gmäine udištamine oli vl 1976.

Geografijan andmusedRedaktiruida

 
Trinidadan da Tobagon topografine kart.

Trinidad da Tobago sijadase 11 km pohjoižhe Venesuelan randaspäi da 130 km suvhe Grenadinoišpäi. Kaks' merisal'med om Trinidad-saren da Venesuelan keskes: Boka del' Serpiente da Boka del' Dragon. Trinidad- i Tobago-sariden keskes om 30 km.

Valdkundan randad lainištab Atlantižen valdmeren Kariban meri. Randanpird om 362 km.

Man 93% Trinidad-sar' otab. Molembiden järedoiden sariden mägisel'gad jätkatas Venesuelan mägisel'gid. Valdkundan kaikiš korktemb čokkoim om Aripo-mägi, 940 m kortte valdmeren pindan päl. Sarel jokstas äi ojid da penid jogid.

Londuseližed pävarad oma londuseline gaz, kivivoi da asfal't.

Politine sistemRedaktiruida

 
Trinidadan da Tobagon parlamentan sauvused (Rusked pert', 2008) Port of Speinas.

Ohjandusen form om unitarine konstitucine parlamentine tazovaldkund. Valdkundan pämez' om prezident. Valičijoiden Kollegii parlamentan Kodiden kaikiš ühtnijoišpäi valičeb händast kerdan vides vodes. Ei sa olda prezidentaks enamba kahtid strokuid jäl'geten. Päministr om valdkundan pämez' faktižešti, hän om vägestunuden partijan lider valičendoiden satusiden mödhe, ned oleskeldas kerdan vides vodes.

Trinidadan da Tobagon parlament om kaks'kodine. Üläkodi om Senat (angl.: Senate), se mülütab 31 ühtnijad (päministran nevondan mödhe — 16 kandidatad, oppozicijaspäi — 6, da ripmatomad kundusen sarakoišpäi — 9), pandas radnikusele prezidentan käsköl. Alakodi om Ezitajiden Kodi (angl. House of Representatives), heid om 41 ristitud, kaik rahvaz valičeb heid videks vodeks. Kaik 15 deputatad ratas Tobagon Suimas.

Käskuzkundaližen tobmuden pä om Arbitražkäskuzkund. Prezident paneb sen päsudijad radsijha.

Administrativiž-territorialine jagandRedaktiruida

   Kacu kirjutuz: Trinidadan da Tobagon administrativiž-territorialine jagand.

Trinidad da Tobago jagase Trinidad-saren 14 municipalitetaks (angl. corporation), sidä kesken 5 lidn- da 9 agjmunicipalitetad, i Tobago-sar' ičeohjandusenke.

EläjadRedaktiruida

Trinidadas da Tobagos elädas tribagolaižed.

Trinidadan da Tobagon kaikiš surembad lidnad (enamba 30 tuh. ristituid vn 2000 rahvahanlugemižen mödhe[2], surembaspäi penembha): Čaguanas, San Fernando, Port of Spein (pälidn), Arim.

IžanduzRedaktiruida

Trinidadan da Tobagon päeksport om nozoltadud londuseline gaz (6nz' sija mail'mas), kivivoi, londuseline asfal't; toine eksport om raud, sahar, kokosad.

HomaičendadRedaktiruida

IrdkosketusedRedaktiruida