Avaita pämenü

Jamaik (angl.: Jamaica) om sar'hine valdkund Keskuzamerikas, keskel Kariban mert, Kubalpäi suvhe. Pälidn da kaikiš suremb lidn om Kingston.

Jamaik
Jamaica
 Flag
Flag of Jamaica.svg
 Valdkundznam
Coat of arms of Jamaica.svg
Pälidn Kingston
Eläjiden lugu (2014) 2 930 050[1] ristitud
Pind 10 991[1] km²
Jamaik Jamaica
Kel' anglijan
Valdkundan pämez' Elizavet Toine
Päministr Poršija Simpson-Miller
Religii hristanuskond
Valüt jamaikan dollar (JMD)
Internet-domen .jm
Telefonkod +1-876
Aigvö UTC-5

Südäiolend

IstoriiRedaktiruida

Vl 1962 elokun 6. päiväl Jamaik tedoti ripmatomudes Sures Britanijaspäi. Sil-žo päiväl Jamaik sai ičeze Konstitucijan. Jäl'gmäine Konstitucijan udištamine oli vl 1997 (vajehtusidenke).

Geografijan andmusedRedaktiruida

 
Jamaikan topografine kart.

Jamaik sijadase Jamaik-sarel 145 km suvhe Kuban randaspäi, 160-190 km päivlaskmha Haitišpäi da 290 km suvipäivnouzmha Kaimanan Sarišpäi. Jamaik-sar' om 248 km pitte da 84 km levette.

Valdkundan randad lainištab Atlantižen valdmeren Kariban meri. Randanpird om 1022 km.

Mouckivesine plato otab läz kaht koumandest Jamaikan territorijad. Valdkundan kaikiš korktemb čokkoim om Blu Mauntin-mägi, 2256 m valdmeren pindan päl. Sarel jokstas äi ojid da penid jogid.

Londuseližed pävarad oma boksitad.

Politine sistemRedaktiruida

 
Jamaikan parlamentan südäimes (Kingston-lidn).

Ohjandusen form om unitarine parlamentine konstitucine monarhii.

Valdkundan pämez' om Suren Britanijan Elizavet Toine-kunigaznaine, hän kandab «Jamaikan kunigaznaine»-arvnimen. Hänen ezitai om sijaline pämez', jenaral-gubernator (nügüd'aigan (vl 2014) — Patrik Allen).

Jamaikan parlament om kaks'kodine. Üläkodi om Senat (angl. Senate of Jamaica), se mülüb 21 ühtnijad (päministran nevondan mödhe — 13 kandidatad, oppozicijan lideran nevondan mödhe — 8), pandas jenaral-gubernatoral. Alakodi om Ezitajiden Kodi (angl. House of Representatives), heid om 63 ristitud (kaik rahvaz valičeb 5 vodeks).

Administrativiž-territorialine jagandRedaktiruida

   Kacu kirjutuz: Jamaikan administrativiž-territorialine jagand.

Jamaik alajagase 14 tulendha (angl. parish). Tulendad ühtenzoittas koumhe istorižhe grafkundha: Kornuoll, Midlseks da Surrei.

EläjadRedaktiruida

Jamaikas elädas jamaikalaižed.

Toižed sured lidnad (enamba 70 tuh. ristitud vl 2012[2], surembaspäi penembha): Spaniš Taun, Portmor, Montego Bei. Vl 2012 kaikes Jamaikas oli 102 lidnad.

IžanduzRedaktiruida

Jamaikan päeksport om ratud korundad, boksitad (5nz' sija mail'mas), alüminii, kivivoin ümbriradmižen produktad, himižed heretused; toine eksport — rom, sobad, sahar, kofe.

HomaičendadRedaktiruida

IrdkosketusedRedaktiruida