Kirovgrad

Kirovgrad
Кировград
Lidnanznam;	Flag;
Valdkund	Venäma
Eläjiden lugu (2021)	18,577 ristitud
Pind	10 km²
Pämez'	Aleksandr Os'kin; (reduku 2017—)
Telefonkod	+7−34 357-xx-xxx
Avtokod	66, 96, 196
Aigvö	UTC+5 (MSK+2)

Kirovgrad (ven.: Кировград), edel 1936. vot Kalat (ven.: Калата́), om Venäman lidn Sverdlovskan agjan suvipäivlaskmas. Se om Kirovgradan lidnümbrikon administrativine keskuz.

IstoriiRedigeeri

Eländpunkt mainitase dokumentoiš ezmäižen kerdan vl 1808 kuti Kalat-žilo (ven.: посёлок Калата), nimi libub ezimeletaden türkan kelišpäi (kala-ata «tatan külä»). Vl 1812 löutihe vas'kkivendod lidnanno, 19. voz'sadan keskes avaitihe kuldan sijid. Vspäi 1914 vas'kensuladuztegim radoi, saudihe kaks' raudtesarakod sen täht «Jekaterinburg — Alatagil»-keskustaspäi. Vl 1932 Kalat-žilo sai lidnan statusad, udesnimitihe sidä nügüdläižikš vn 1935 tal'vkus kompartijan Sergei Kirov-šingotajan kanzannimen mödhe. Vodele 1941 vas'ken sijaline samine tuli lophu, ei jänd kivendod. Vspäi 1963 lidn alištub agjan tobmudele oikti.

Kirovgrad šingotase koviden ühthesuladusiden tegimel (vspäi 1942, vol'framan i kobal'tan ühtnendad) i tegimištoližsegoitusiden tegimel^[1] (vspäi 1994, čomitandsauvondmaterialad, letked, röntgenvastaižed segoitused, substancijad samha kivivoid).

Geografijan andmusedRedigeeri

Lidn sijadase Kalat (Kalatink) jogen randoil (Turan oigedpol'ne bassein, Obin hurapol'ne bassein), Keskmäižen Uralan päivnouzmaižil pautkil, 290 m keskmäižel korktusel valdmeren pindan päl. Pened vezivaradimed oma lidnan pohjoižes i suves. Matkad Jekaterinburghasai om 73 km suvhe-suvipäivnouzmha orhal, 92 km avtotedme vai raudtedme. Lähembaižed lidnad oma Nevjansk 10 km pohjoižpäivnouzmha, Ülätagil 10 km suvipäivlaskmha i Novoural'sk 20 km suvhe.

EläjadRedigeeri

Vn 2010 Venäman rahvahanlugemižen mödhe lidnan eläjiden lugu oli 21 035 ristitud, lidnümbrikon koume nelländest. Kaikiš suremb lidnan ristitišt oli 25 598 eläjad vl 1989.

Rahvahad (2010, ozutadud rahvahudenke): venälaižed — 90,9%, totarlaižed — 5,2%, toižed rahvahad — 3,9%.

Ortodoksižen hristanuskondan kaks' jumalanpertid^[2] oma olmas lidnas: ph. Amvrosii Optijanalaižen (letihe vll 2003−2004) i Jumalanmaman Vladimiran jumalaižen (om saudud vl 1997). Islaman pühäpert' om sauvomižes.

Uralan valdkundaližen kolledžan Ivan Polzunovan nimed (Jekaterinburg) filial^[3] om professionaližen opendusen aluzkundaks.

GalereiRedigeeri

Ježovai-mägen suks'paute vn 2015 uhokus
Ph. Amvrosii Optijanalaižen jumalanpert', vn 2016 nägu
Hoštusen memorial vl 2016
«Sputnik»-kul'turkeskuz (2016, Kaimdai)
Ježovai-raudtestancijan sauvuz (ven.: Ежёвая) vl 2010

HomaičendadRedigeeri

IrdkosketusedRedigeeri

Kirovgrad Vikiaitas

	Sverdlovskan agjan lidnad
	Alapajevsk \| Alasald \| Alasergid \| Alatagil \| Alatur \| Aramil' \| Artömovskii \| Asbest \| Berözovskii \| Bogdanovič \| Degtärsk \| Irbit \| Ivdel' \| Jekaterinburg \| Kačkanar \| Kamensk Uralal \| Kamišlov \| Karpinsk \| Kirovgrad \| Krasnoturjinsk \| Krasnoufimsk \| Krasnoural'sk \| Kušv \| Lesnoi \| Mihailovsk \| Nevjansk \| Novoural'sk \| Pervoural'sk \| Polevskoi \| Rež \| Revd \| Serov \| Severoural'sk \| Sisert' \| Sredneural'sk \| Suhoi Log \| Zarečnii \| Talic \| Tavd \| Turinsk \| Uz' Läl' \| Verhoturje \| Volčansk \| Üläpišm \| Üläsald \| Ülätagil \| Ülätur

[1] Kirovgradan tegimištoližsegoitusiden tegimen sait (kzps.ru). (ven.)

[2] Kirovgradan pühäpertid sobory.ru-saital. (ven.)

[3] Kirovgradan filialan lehtpoled Uralan valdkundaližen kolledžan ugkp.ru-saital. (ven.)

[1]

[2]

[3]

Lidnanznam	Flag
Valdkund	Venäma
Eläjiden lugu (2021)	18,577 ristitud
Pind	10 km²

Pämez'	Aleksandr Os'kin (reduku 2017—)
Telefonkod	+7−34 357-xx-xxx
Avtokod	66, 96, 196
Aigvö	UTC+5 (MSK+2)