Kolombo

Kolombo (singal.: කොළඹ [ˈkəlɐmbɞ], tamil.: கொழும்பு [koɻumbu]) om Šrilankan kaikiš suremb lidn, valdkundan ižandusen i kul'turan keskuz. Se om Päivlaskmaižen agjan administrativine keskuz, mülüb sihe.

Kolombo
කොළඹ (singal.)
கொழும்பு (tamil.)

Valdkund	Šrilank
Eläjiden lugu (2011)	752,993 ristitud
Pind	37,32 km²
Telefonkod	+94−11
Aigvö	UTC+5:30

Istorii

Araban, Kitain i Riman torgovanad oleskeliba eländpunktan merikaras kaks' tuhad vozid tagaz. Portugalijalaižed tuliba lidnha 16. voz'sadal, alamalaižed anastiba sidä vl 1656. Vll 1802−1982 Kolombo oli saren oficialižeks pälidnaks: ezmäks britanižen Ceilon-kolonijan, vspäi 1948 Ceilon-dominionan, vspäi 1972 — ripmatoman Šrilank-valdkundan.

Kolombo šingotase järedal meriportal (kaikiš surembišpäi Suviazijas), industrii mülütab nenid sarakoid: himine, tekstiline, kivivoinümbriradai, stöklan i cementan pästand, punümbriradai, nahkoiden ümbriradmine i kengiden tehmine, juvelirtegesiden edheotandad.

Geografijan andmused

Lidn sijadase saren päivlaskmas, Indižen valdmeren randal, 1 m ü.m.t. keskmäižel korktusel. Valdkundan Šri Džajavardenepura Kotte-pälidn om saudud ani päivnouzmha Kolombospäi.

Klimat om ekvatorialine. Kun keskmäine lämuz om +26..+28 C°. Paneb sadegid 2423 mm vodes, vähemba vilukus-uhokus (58..73 mm kus).

Eläjad

Vl 2011 eläjiden lugu oli 752 993 ristitud. Kaik 5,6 mln ristituid elädas lidnaglomeracijas (2011), valdkundan nelländez.

Irdkosketused

• Lidnan oficialine sait (colombo.mc.gov.lk). (angl.) (singal.) (tamil.) (+ äikel'ne avtomatine känduz)

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.