Sent Lüsii: Erod versijoiden keskes
Om sätud uz' lehtpol', kudamban südäiolend om '{{Valdkund | Nimi = Sent Lüsii<br />Saint Lucia | Valdkundznam = Coat of arms of Saint Lucia.svg | Flag = Flag of Saint Lucia.svg | Valdkundzna...' |
(Nimittušt erod)
|
Vajehtuz 23. Sulaku 2015, kell 22:16
Sent Lüsii (angl.: Saint Lucia), se om täuz' oficialine nimituz, om valdkund ühtennimižel sarel Kariban meren päivnouzmpoles. Sen pälidn da kaikiš suremb lidn om Kastri.
Flag |
Valdkundznam |
Pälidn | Kastri |
Eläjiden lugu (2014) | 163,362[1] ristitud |
Pind | 616 km² |
Kel' | anglijan |
Valdkundan pämez' | Elizavet Toine |
Päministr | Kenni Entoni |
Religii | hristanuskond |
Valüt | päivnouzmkariban dollar (XCD) |
Internet-domen | .lc |
Telefonkod | +1 758 |
Aigvö | UTC-4 |
Istorii
Vl 1979 uhokun 22. päivän Sent Lüsii tedištoiti ičeze ripmatomudes Sures Britanijaspäi, nügüdläine Konstitucii[2] tuli väghe sil-žo päiväl (vn 1980 da möhembaižiden vajehtusidenke).
Geografijan andmused
Valdkund om meriröunoiš Francijan merentagaižen sar'hižen Martinik-departamentanke pohjoižpoles, Sent Vinsent da Grenadinoidenke suvipoles. Randanpird — 158 km.
Amuižiden vulkanoiden jono sädi Sent Lüsijan territorijad. Nened vulkanad voidas ozutada aktivižut tähäsai. Kaikiš korktemb čokkoim om Žimi-vulkan, 950 metrad valdmeren pindan päl.
Klimat om tropine passatine. Kuiv sezon oleskeleb vilukus-sulakus, vihm sezon vedase semendkuspäi elokuhusai. Tropižed ciklonad oma paksud kezan lopus. Kaikuččen kun kesklämuz +18..+26°C. Paneb sadegid 1500-3000 mm vodes.
Londuseližed resursad — mec, termaližed purtked. Om 3 kel'dtahod da 2 nacionališt puištod.
Politine sistem
Ohjandusen form om unitarine parlamentine monarhii äjiden partijoiden sistemanke. Valdkundan pämez' om britanine Elizavet Toine-kunigaznaine. Hän vahvištab ičeze ezitajad — jenaral-gubernatorad — Sent Lüsijan päministran nevondan mödhe. Jenaral-gubernator vahvištab valitud parlamental ohjastust, allekirjutab käskusid, paneb uziden valičemižiden datad.
Parlament om kaks'kodine. Üläkodi om Senat (angl.: Senate) 11 ühtnijanke, jenaral-gubernator paneb heid radsijha. Alakodi om Suiman Kodi (angl.: House of Assembly) 17 ühtnijanke, kaik rahvaz valičeb heid vodeks vodeks. Jenaral-gubernatorale sab pästta parlamentad radmaspäi miččel taht aigal, miččen taht sün tagut, sidä kesken päministran pätandan mödhe. Parlament formiruib ohjastust jenaral-gubernatoran andmižen mödhe. Päministr om parlamentan ezipartijan lider tobjimalaz.
Vl 2011 kül'mkun 28. päivän Sent Lüsijan järgvaličendad oliba valdkundan parlamentha. Vl 1997 sügüz'kun 17. päivän Kalliopa Perlett Luizi-emänd oli pandud radsijha nügüdläižeks jenaral-gubernatoraks.
Administrativiž-territorialine jagand
Kacu kirjutuz: Sent Lüsijan administrativiž-territorialine jagand.
Sent Lüsii alajagase 11 administrativižhe tulendha (angl. parish).
Eläjad
Sent Lüsijas elädas sentlüsijalaižed.
Vl 2005 oli 16 eländpunktad enamba 1 tuhad kaikenaigaižen ristitištonke.
Ižanduz
Sent Lüsijan päeksport om kivivoi (33%), bananad (22%), olud (12%), antennad da antennkuvastimed (11%); toine eksport — elektromašiništ (5%), lämänmäričimed (3%), karton (3%), vas'k (1%), kakao, kokospähkmed, kokosvoi, kaikenvuiččed tropižed fruktad.
Homaičendad
- ↑ Sent Lüsijan ristitišton endustuz vl 2014 heinkus. — Mail'man faktoiden kirj (Cia.gov). (angl.)
- ↑ Sent Lüsijan Konstitucii 31.12.2006-datal vajehtusidenke valdkundaližel portalal (govt.lc). (angl.)
Irdkosketused