Kastri

Kastri (angl.: Castries [kəˈstriːz], francine virkand [kastri]) om Sent Lüsijan pälidn da kaikiš suremb lidn, valdkundan ižandusen da politikan keskuz. Merivaldmad oma saudud siš.

Kastri
Castries

Flag
Valdkund	Sent Lüsii
Eläjiden lugu (2013)	20,000 ristitud
Pämez'	Džeral'din Lendor-Gabriel' (sügüz'ku 2021—, Geraldine Lendor-Gabriel)
Telefonkod	+1−758
Aigvö	UTC−4

Istorii

Eländpunktan aluz om pandud francijalaižil vl 1650 kuti Karenaž-külä (franc.: Carénage). Paloi vozil 1785, 1812 i 1948, istorižiden sauvusiden enambuz kadoi sen tagut. Udesnimitihe vl 1785 Francijan laivišton da kolonijoiden ministran De Kastri-markizan oiktastuseks.

Kastri šingotase eksportan i importan meriportal, torguindal, pälidnan funkcijoil, valdkundan turizman (kruizlaivad, purehsport, daiving), opendusen i transportan keskuseks.

Geografijan andmused

Lidn sijadase Sent Lüsii-saren lodehližel randal, kaks' metrad ü.m.t. keskmäižel korktusel. Ehtatimed ühtenzoittas sar'hižen Martinik-territorijan For-de-Frans-pälidnanke 65 kilometras.

Klimat om tropine kaks'sezonine päivoikaz. Kun keskmäine lämuz om +26..+28 C° vodes läbi. Paneb sadegid 1015 mm vodes, enamba heinkus-redukus (130..153 mm kus), vähemba tal'vkus-keväz'kus (13..33 mm kus).

Eläjad

Vl 2012 tulendan eläjiden lugu oli 80 753 ristitud 90,33 km² pindal, valdkundan nell' ühesandest. Sil-žo aigal vaiše läz 20 tuhad ristitud om Kastri-lidnas ezilidnoidenke, toižiden eläjiden kodid oma tulendan külätahondas.

Irdkosketused

• Lidnan tobmuden sait (castriescitycouncil.org). (angl.)