Avaita pämenü

Rovanem' (suom. i roč.: Rovaniemi; pohjoižsaam.: Roavvenjárga vai Roavenjárga, inarisaam.: Ruávinjargâ) om Suomenman lidn valdkundan pohjoižes. Se om Laplandii-provincijan pälidn, valdkundan seičemetoštkümnenz' lidn eläjiden lugun mödhe, kaikiš suremb Evropan lidn pindan mödhe.

Rovanem'
Rovaniemi (suom. i roč.)
Roavvenjárga / Roavenjárga (pohjoižsaam.)
Lidnanznam
Rovaniemi.vaakuna.svg
Valdkund Suomenma
Eläjiden lugu (2018-12-31) 62 963 ristitud
Pind 8 016,75 km²
Rovanem' Rovaniemi (suom. i roč.) Roavvenjárga / Roavenjárga (pohjoižsaam.)
Pämez' Esko Lotvonen
(eloku 2 012—)
Telefonkod +358-16
Aigvö tal'vel UTC+2 
kezal UTC+3


Lidnan keskusen transportine kart (2012).

IstoriiRedaktiruida

Ristitud mecaziba hirvid Rovanemin tahondas 8 tuhad vot tagaz. Nügüdläine eländpunkt mainitase ezmäižen kerdan vl 1453. Se šingotase kuldan samižen keskuseks 19. voz'sadaspäi i mecan varhapanendan edheotandoil.

Vspäi 1909 Rovanem'-raudtestancii om saudud. Laplandijan sodan aigan (sügüz'ku 1944 — sulaku 1945) vn 1944 redukus Germanijan imperijan sodaväged paniba eländpunktad mantazole lämoipaloil da poukahtusil. Om udessündutadud sodan jäl'ghe. Rovanem' sai lidnan statusad vl 1960.

Rovanem' šingotase mašiništonsauvomižel (gidravlik, veičed), kodielektronikan tehmižel, elektrusen pästandal i turizmal torguindanke. Joulupukkin rezidencii om saudud lidnas, bobuštuzkülä om avaitud vl 1985.

Geografijan andmusedRedaktiruida

Lidn sijadase Ounasjogen da Kemijogen ühthejoksmusen randoil (Baltijan meren bassein), 197 m ü.m.t. keskmäižel korktusel. Rovanemin fartalad sijadasoiš 8 km suvhe Pohjoižes polärižes pirdaspäi. Matkad Hel'sinkihesai om 832 km suvhe avtotel vai raudtedme.

Vl 2018 lidnan ühthine pind oli 8 016,75 km², sidä kesken kuivma 7 581,51 km², sokaz ma oti 435,24 nellikkilometrad.

Klimat om ven. Heinkun lämuz +15,2 C°, vilukun — −11,8 C°, voden keskmäine lämuz om +0,6 C°. Paneb sadegid 618 mm vodes, enamba kezaku-elokus (61..79 mm kus). Lumikate venub pol'vot (kül'mku—sulaku).

EläjadRedaktiruida

Vl 1980 eläjiden lugu oli 48 056 ristitud. Vl 2010 ristitišt oli 60 090 eläjad, provincijan koumandez. Kaikiš suremb ristitišt om nügüd'.

Mamankelen mödhe (2016): suomen kel' — 96,4%, ročin kel' — 0,2%, saamen keled — 0,2%, toižed keled — 3,2%.

TransportRedaktiruida

Raudtestancii sijadase Kemijogen oiktal randpolel. Avtobusühtenzoittuz om Venäman Murmansk- da Kandalakš-lidnoidenke.

Rahvahidenkeskeine soda- da civiline lendimport (RVN) sijadase 10 km pohjoižhe lidnan keskusespäi. Tehtas reisid Hel'sinkihe, sezonal Murmanskha, Amsterdamha i Parižha, tal'veližid čarterreisid Evropan äjihe maihe.

GalereiRedaktiruida

IrdkosketusedRedaktiruida