Kuopio

Kuopio (mugažo suomen i ročin kelil) om Suomenman lidn valdkundan suvipalan keskuses. Se om valdkundan ühesanz' lidn eläjiden lugun mödhe, Pohjoižsavo-agjan pälidn.

Kuopio

Lidnanznam
Valdkund	Suomenma
Eläjiden lugu (2020-01-01)	119,379 ristitud
Pind	4,326,35 km²
Pämez'	Jarmo Pirhonen (tal'vku 2017—)
Telefonkod	+358−17
Aigvö	tal'vel UTC+2, kezal UTC+3

Istorii

Eländpunktan aluz om pandud vl 1775. Raudte tuli lidnha vl 1889.

Kuopio šingotase lidnan ohjastusen holitišil, opendusen da tedoidamižen keskusil, mašiništonsauvomižel (Honeywell), sömtegimištol (Kesko), sauvondal (Lemminkäinen), turistoiden kezalebul personaližiš kottedžiš i tal'veližil sportansuguil.

Geografijan andmused

Lidn sijadase Kallavesi-järven randal da sen saril, 82 m ü.m.t. keskmäižel korktusel. Voib ujuda Saiman kanaladme merhesai. Matkad Hel'sinkihesai om 335 km suvhe-suvipäivlaskmha orhal, 390 km avtotel vai raudtedme.

Vl 2016 lidnan pind oli 3 740,10 km², sidä kesken sokaz tahond i vezi otiba nelländest (964,37 km²). Vl 2020 kuiv ma otab 3 241,01 km², vezi i sokaz tahond — 1 085,34 km².

Eläjad

Vl 2013 eläjiden lugu oli 105 651 ristitud. Kaikiš suremb ristitišt om nügüd'.

Mamankeled (2016): suomen kel' — 96,3%, ročin kel' — 0,1%, toižed keled — 3,6%.

Professionaližen opendusen aluzkundad: Päivnouzmaižen Suomen universitet (edel 2010 Kuopion i Jogensun eriži), Savonijan sättutoitud tedoiden korged škol, Kuopion civiline akademii, Savon profškol, licei täuz'kaznuziden täht.

Edeline lidnan pämez' om Petteri Paronen, radoi vspäi 2001.

Galerei

• 
  Lidnan ohjastusen pert' vl 2010
• 
  Lidnan muzei
• 
  Tehnologijoiden keskuz vl 2006
• 
  Universitetan läžundkodi
• 
  Kuopion aren ümbrištonke vl 2008

Irdkosketused

• Lidnan ohjastusen sait (kuopio.fi). (suom.) (angl.) (ven.)