Kajani

Kajani (ven.: Kajaani, roč.: Kajana) om Suomenman lidn da lidnankund valdkundan keskuzpalas. Se om Kainu-agjan pälidn.

Kajani
Kajaani (suom.)
Kajana (roč.)

Lidnanznam
Valdkund	Suomenma
Eläjiden lugu (2020-01-01)	36,700 ristitud
Pind	2,263,98 km²
Pämez'	Jari Tolonen (2009—)
Telefonkod	+358−20
Aigvö	tal'vel UTC+2, kezal UTC+3

Istorii

Eländpunktan aluz om pandud vl 1651, nimitihe jogen mödhe. Kivižen lidnusen jändused oma Kajani-jogen sarel, saudihe vspäi 1604. Vll 1833−1853 Elias Lönnrot oli sänu Kalevala-eposad täs.

Lidn šingotase cellülozbumagaižel tehmižel i mecan ümbriradmižel, mugažo Suomenman armijan palakundad seištas lidnan ümbrištos.

Geografijan andmused

Kajani sijadase ühtennimižen jogen muugotil randoil, suvipäivnouzmaižhe Oulujärven randalpäi, Kajaninjogi jokseb Nuasjärvespäi Oulujärvhe. Matkad Hel'sinkihesai om 558 km suvhe. Lähembaižed järedad lidnad oma Kuopio 170 km suvhe, Oulu 182 km lodeheze i Kostamukš (Venäma) 150 km päivnouzmha.

Vl 2020 lidnankundan pind om 2 263,98 km², sidä kesken kuivma 1 834,78 km², vezi da sokaz tahond ottas 429,20 km².

Klimat om ven. Heinkun lämuz om +16 C°, vilukun — −10 C°, voden keskmäine lämuz +3 C°. Paneb sadegid 330 mm vodes, enamba kezakus-elokus (39..47 mm kus).

Eläjad

Vn 2015 Suomenman rahvahanlugemižen mödhe eläjiden lugu oli 37 622 ristitud, agjan pol'. Kaikiš suremb ristitišt oli 39 827 eläjad vl 1995.

Suomen kel' om mamankeleks 96,6% täht, ročin kel' — 0,1%, toižed keled — 3,3% (2016).

Irdkosketused

• Lidnan ohjastusen oficialine sait (kajaani.fi). (suom.) (angl.)