Lapenrand

Lapenrand (suom.: Lappeenranta [ˈlɑpːeːnˌrɑntɑ], roč.: Villmanstrand) om Suomenman lidn valdkundan suvipäivnouzmas. Se om valdkundan koumanz'toštkümnenz' lidn eläjiden lugun mödhe, om Suvikarjal-provincijan administrativižeks keskuseks.

Lapenrand
Lappeenranta (suom.)
Villmanstrand (roč.)

Lidnanznam
Valdkund	Suomenma
Eläjiden lugu (2024)	73,084 ristitud
Pind	1,723,57 km²
Pämez'	Tuomo Sallinen (2024—)
Telefonkod	+358-(0)5
Aigvö	tal'vel UTC+2, kezal UTC+3

Lidnankundan sijaduz agjas i valdkundas (2020)

Istorii

Eländsijad oliba olmas lidnan territorijal raudaigan augotišes. Nügüdläižen eländpunktan aluz om pandud vl 1649 lidnan statusanke, se om anttud ročilaižel Kristina-kunigaznaižel.

Geografijan andmused

Lapenrand sijadase Saimanjärven suvirandal. Saiman kanal zavodiše siš vspäi 1856. Matkad Viipurihesai Venäman Leningradan agjas om 60 km suvhe.

Vn 2022 andmusiden mödhe lidnan pind om 1 723,57 km², sidä kesken man pind otab 1 433,97 km², sokhan man saum om kudendez (289,60 km²).

Tobmuz

Lidnankundan kart ende erigoittud kundoidenke (2022)

Lapenrandan municipalitet jagase 51 lidnrajonaks da kümneks küläks.

Edeline lidnan pämez' om Kimmo Jarva (tal'vku 2011 — kül'mku 2023).

Eläjad

Vl 1980 lidnankundan nügüdläižen territorijan eläjiden lugu oli 68 814 ristitud, vl 2000 — 70 587 ristitud, vl 2010 — 71 982 ristitud, vl 2020 — 72 667 ristitud. Kaikiš suremb kundan ristitišt oli 72 872 eläjad vl 2016 i om nügüd'.

Mamankelen mödhe (2016): suomen kel' — 92,7 %, ročin kel' — 0,2 %, toižed keled — 7,1 %.

Transport

Avtobusad-maršruttaksid (suom.: linja-taxi) oma kundaližeks transportaks lidnas, vl 2016 oli ühesa maršrutad. «Pendolino»-kiruhjonused ühtenzoittas lidnad Hel'sinkinke da Oulunke, Allegro-kiruhjonused («Pendolino:n» toižend) — Hel'sinkinke da Piterinke.

Rahvahidenkeskeine civiline Lapenrand-lendimport (LPP / EFLP, 81,1 tuh. passažiroid vl 2019) sijadase lidnas, kahtes polenke kilometras suvipäivlaskmha lidnan keskuzpalaspäi sen päraudtestancijanke. Vspäi 2018 tehtas rahvahidenkeskeižid čarterreisid vaiše: Grekanmaha, Berlinha, Milanha i Italijan toižihe lidnoihe.

Galerei

• 
  Lidnankundan ohjandusen pert' (1982)
• 
  Joutsenon jumalanpert', vn 2008 nägu (om saudud vl 1921)
• 
  Kaukaan cellülozbumagaine kombinat vl 2009
• 
  IsoKristiina-torguindkeskuz lidnan teatranke koumandel žirul (2024)
• 
  Suvikarjal-agjan muzei (2005)
• 
  Lapenrandan-Lahten Tehnologine universitet, pätulend vl 2007
• 
  Lapenrandan lendimport vl 2011
• 
  Lapenrandan päraudtestancii vl 2010

Irdkosketused

• Lidnan ohjastusen sait (lappeenranta.fi). (suom.) (angl.) (ven.)