Avaita pämenü


Kouvol (suom. i roč.: Kouvola, suomen virkand: [ˈkowvolɑ]) om Suomenman lidn valdkundan suves. Se om Kümenlakso-provincijan pälidn, valdkundan 11nz' lidn eläjiden lugun mödhe.

Kouvol
Kouvola (suom. i roč.)
Lidnanznam
Kouvola.vaakuna.2009.svg
Valdkund Suomenma
Eläjiden lugu (2018) 84 001 ristitud
Pind 2 883,30 km²
Kouvol Kouvola (suom. i roč.)
Pämez' Marita Toikka
(keväz'ku 2 017—)
Telefonkod +358-5
Aigvö tal'vel UTC+2 
kezal UTC+3

IstoriiRedaktiruida

Eländpunktan aluz om pandud vl 1922. Raudtesol'men istorine keskuz oli pandud mantazole nevondkundaližen bombardiruindan tagut Tal'vsodan aigan (1939−40). Žilo sai lidnan statusad vl 1960. Vl 2009 ližaduihe viž penembad lidnad Kouvolan municipalitetha: Anjalankoski, Elimäki, Jaal (suom. Jaala), Kuusankoski i Valkeal (suom. Valkeala).

Geografijan andmusedRedaktiruida

Lidnan keskuzpala sijadase Kümi-jogen (204 km pitte, suom.: Kymijoki, roč.: Kymmene älv, lankteb Suomen lahthe) hural randal tobjimalaz. Matkad Hel'sinkihesai om 134 km suvipäivlaskmha. Lähembaižed lidnad oma Kotk-meriport 40 km suvhe orhal, avtotel vai raudtel, i Laht 50 km päivlaskmha orhal, avtotedme vai raudtel.

Vl 2018 lidnan kogonaine pind oli 2 883,30 km², sidä kesken sokhan man ühesandez (324,98 km²), kuivma — 2 558,32 km².

EläjadRedaktiruida

Vl 2010 lidnan eläjiden lugu oli 88 072 ristitud. Kaikiš suremb kogonaine ristitišt oli 95 022 eläjad vl 1985, edel lidnoiden ühtištust.

Mamankel' (2016): suomen kel' — 95,4%, ročin kel' — 0,3%, toižed keled — 4,3%.

TransportRedaktiruida

Allegro-üläkiruhjonuz tegeb seižutest lidnas, keskust Piterihesai om 285 km.

GalereiRedaktiruida

 
Lidnan keskusen ühthine nägu vn 2017 elokus.

IrdkosketusedRedaktiruida