Vas (suom.: Vaasa, roč.: Vasa) om Suomenman lidn valdkundan päivlaskmas, Botnižen lahten randpolel. Se om Pohjanma-agjan pälidn.

Vas
Vaasa (suom.)
Vasa (roč.)
 Lidnanznam
 Flag
Valdkund Suomenma
Eläjiden lugu (2020-01-01) 67,623 ristitud
Pind 369,54 km²
Vas Vaasa (suom.) Vasa (roč.)
Pämez' Tomas Häürü
(eloku 2011—)
Telefonkod +358−6
Aigvö tal'vel UTC+2,
kezal UTC+3


Sil sanal voib olda toižid znamoičendoid; miše nähta niid, tulgat tänna.

Istorii vajehta

Eländpunktan aluz om pandud vl 1606 Mustasaari (Mussor)-külän sijha. Aigan mandes ma libui, mererand tegihe edahaks, i vn 1852 suren lämoipalon jäl'ghe lidnad sirdihe udhe mererandha. Nügüd'aigan matkad Ročinman randhasai om vähemba 80 kilometrad. Vll 1855−1918 lidnan oficialine nimi oli Nikolaistad (mž. ročikš, suom.: Nikolainkaupunki) kolnuden Nikolai I-imperatoran muštoks.

Vas šingotase dizel'likutimiden tehmižel (Wärtsilä), mašiništonsauvomižel (Danfoss), elektrotehnikan pästandal (ABB) i opendusen keskuseks (koume universitetad i kahten universitetan filialad).

Geografijan andmused vajehta

Lidn sijadase Baltijan meren Botnižen lahten randal, 6 m ü.m.t. keskmäižel korktusel. Matkad Hel'sinkihesai om 370 km suvipäivnouzmha orhal, 420 km avtotedme vai raudtel.

Vl 2018 lidnan ühthine pind oli 575,14 km², sidä kesken kuivma 364,67 km², sokaz ma — 4,87 km², meri 205,60 km².

Vas jagase 48 valičemižümbrikoks, ühtetas niid 12 administrativižhe lidnanlaptha.

Eläjad vajehta

Vl 1980 eläjiden lugu oli 58 335 ristitud. Kaikiš suremb ristitišt oli 67 620 eläjad vl 2016 i om nügüd'.

Vn 2016 andmusiden mödhe, suomen kel' om mamankeleks 69,1% täht lidnalaižišpäi, ročin kel' — 22,8%, toižed keled — 8,1%.

Galerei vajehta

Homaičendad vajehta


Irdkosketused vajehta




Suomenman agjad da niiden administrativižed keskused
Ahvenanma1 (Mariehamn) | Kainu (Kajani) | Kanta Häme (Hämenlidn) | Keskpohjanma (Kokkol) | Kesksuomenma (Jüväskülä) | Kümenlakso (Kouvol) | Laplandii (Rovanem') | Pirkanma (Tampereh) | Pohjanma (Vas) | Pohjoižkarjal (Jogensu) | Pohjoižpohjanma (Oulu) | Pohjoižsavo (Kuopio) | Päijät Häme (Laht) | Sadakund (Pori) | Suvikarjal (Lapenrand) | Suvipohjanma (Seinjogi) | Suvipäivlaskmaine Suomenma (Turku) | Suvisavo (Mikoi) | Udenma (Hel'sinki)
1 Avtonomine agj.