Avaita pämenü


Hämenlidn (suom.: Hämeenlinna, roč.: Tavastehus) om lidn Suomenman suves, Kanta Häme-provincijan pälidn. Se om valdkundan nellänz'toštkümnenz' lidn eläjiden lugun mödhe.

Hämenlidn
Hämeenlinna (suom.)
Tavastehus (roč.)
Lidnanznam
Hämeenlinna.vaakuna.svg
Valdkund Suomenma
Eläjiden lugu (2018) 67 871 ristitud
Pind 2 031,53 km²
Hämenlidn Hämeenlinna (suom.) Tavastehus (roč.)
Pämez' Timo Kenakkala
(kezaku 2 013—)
Telefonkod +358-(0)3
Aigvö tal'vel UTC+2 
kezal UTC+3

EnzneRedaktiruida

Eländpunktan aluz om pandud vl 1249 kuti Kronoborg (Tavastborg)-zamk (nügüd' Häme-lidnuz), se sai lidnan oiktusid vl 1639.

Vspäi 2009 lidnan ristitišt ližadui pol'tošt kerdad, sikš miše viž lähišt kundad ühtištuihe lidnanke, sidä kesken Renko-lidnankund.

Geografijan andmusedRedaktiruida

Lidn om saudud peniš järviš ümbri, lodehline agj sijadase Vanajavesi-järven (150 km²) päivnouzmaižel randal. Hel'sinkiTampereh avtote läbitab lidnan territorijad. Matkad Hel'sinkihesai om 98 km, Tamperehesai — 75 km.

Lidnan ühthine pind om 2 031,53 km², sidä kesken kuivma 1 785,02 km², sokaz ma om 246,51 km². Hämenlidn jagase 41 nimitadud mikrorajonha i 5 küläümbrikho, vai 51 valičemižümbrikho.

Eläjad da ižanduzRedaktiruida

Vl 1751 eläjiden lugu oli 649 ristitud. Vl 2010 lidnan eläjiden lugu oli 66 827 ristitud. Kaikiš suremb ristitišt om nügüd'. Suomen kel' om mamankeleks 94,8% täht, ročin kel' — 0,4%, toižed keled — 4,8% (2016).

Hämenlidn šingotase metallkonstrukcijoiden tegimel (Rautaruukki Corporation), pakuitesen tegimel (Huhtamäki Oyj), sodaavtoiden pästandal (Patria) i libutimiden firmal (Konecranes Oyj), mugažo valdkundan da opendusen aluzkundoil.

IrdkosketusedRedaktiruida