Šablon:Motd/2024-08

1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31

01

Sur'-geizeran (ven.: гейзер Большой) vedenheitand Geizeriden alangištos, Kronokin kel'dtaho (11 476,2 km²) ühtennimižel pol'sarel i Tünen valdmeren lähižel zonal, Kamčatkan pol'saren keskuzpalan päivnouzm, Kamčatkan rand, Venälaine Federacii, 1. eloku 2022. Veden čudeg oleleb kerdan 70 minutas, sen korktuz sase kümnehe metrhasai, puru ülendase pol'tošt metraks. Heitand tegese nell' minutad. Videon hätkeližuz om 34 sekundad.

Source file/Файл-источник Toižetada Allekirjutez
Label in English / Подпись на русском

02

Il'man likundan vitkotud kuvaduz Šveicarijan öližes taivhas, nägu Ešinenzee-järven randaspäi (saks.: Oeschinensee 1,1 km² pindanke 1578 m ü.m.t. korktusel) vn 2022 1. elokud (Šveicarijan nacionaline päiv) Perseidad-valun aigan, Bern-kanton, valdkundan suvipäivlaskm. Voib nähta Maidted mugažo. Videon hätkeližuz om kümne sekundad (kadr kahesas sekundas läz 40 minutad aigkeskustal), tegi Žil' Loran (Giles Laurent).

Source file/Файл-источник Toižetada Allekirjutez
Label in English / Подпись на русском

03

Kut sonografii radab? Lühüd sel'gitai video ul'trakulundan kuvadamižen medicinižes tehnologijas, 5. kezaku 2015. Videon hätkeližuz om 1 min 41 s, tegi amerikaine National Institute of Biomedical Imaging and Bioengineering (NIBIB) — Nacionaline institut biomedicinižes kuvadamižes i bioinžiniringas (Betesd, Merilend-štat, AÜV).

Source file/Файл-источник Toižetada Allekirjutez
Label in English / Подпись на русском

04

Vl 520 EME persine Darii I Sur'-car' (eli vll 550−486) pani ičeze imperijan ceremonialižen Persepolis-pälidnan alust, edehko Evropan suriden imperijoiden olendad. Video om 1 min 46 s hätkte, 9. kezaku 2020, tegi Saksanman ZDF-kompanii Terra X-TV-oigendusen täht. Nügüd'aigan vaiše ruinad jäiba Persepolin sijas, i video rekonstruiruib, min se pälidn oliži pojav.

Source file/Файл-источник Toižetada Allekirjutez
Label in English / Подпись на русском

05

Lühüd sel'gitai video generativižes ratud intellektas, 25. sügüz'ku 2023. Se voib säta ut mediisüdäiolendad anttud arvoimižišpäi. Videon hätkeližuz om 2 min 2 s, tegi KI-Campus-kävutai.

Source file/Файл-источник Toižetada Allekirjutez
Label in English / Подпись на русском

06

Sitharag (latin.: Garrulus glandarius) om otnus grekan pähkmehe britanižes sadus, 8. heinku 2013. Videon hätkeližuz om 1 min 29 s, tegi Peter Trimming.

Source file/Файл-источник Toižetada Allekirjutez
Label in English / Подпись на русском

07

Tedon päižed purtked i tedoidused vn 2020 kül'mkus. Videon hätkeližuz om 11 min 48 s, 22. tal'vku 2020, tegi Prototyperspective-kävutai.

Source file/Файл-источник Toižetada Allekirjutez
Label in English / Подпись на русском

08

Man tektonižiden apakoiden i maiden naceine likund i sijaduz enččes: apakoiden levigandusen modelin animacii ühtespäi milliardad vozid tagaz. Se om sätud vn 2020 «Tektonižiden apakoiden levigandusen amuižes aigas modelid»-tedotön rezul'tataks (angl.: Extending full-plate tectonic models into deep time). Videon hätkeližuz om 40 sekundad, 16. tal'vku 2020, tegi Andrew Merdith-kävutai.

Source file/Файл-источник Toižetada Allekirjutez
Label in English / Подпись на русском

09

Paradan repeticijan Fly Our Flag-pala («lenda meiden flag») Ripmatomuden päiväle: üks' punolendim kandab Singapuran flagad leten lidnan-valdkundan keskuzpalan päl, kaks' tošt punolendint kaimdas sidä, 13. heinku 2024. Singapur oigendab ičeze 59. Ripmatomuden päiväd (angl.: National Day) tämbäi, 9. päiväl elokud, vn 1965 kožundakt Malaizijanke om vahvištadud sil voz'päiväl. Videon hätkeližuz om 44 sekundad.

Source file/Файл-источник Toižetada Allekirjutez
Label in English / Подпись на русском

10

Termosüdäitukuine reakcii: sen aigan atomoiden kebnembad südäitukud ühtištasoiš, muga jüžmakombad himižed elementad sätas (saksan kelel). Video om 1 min 33 s hätkte, 5. kezaku 2023, tegi Saksanman ZDF-kompanii Terra X-TV-oigendusen täht.

Source file/Файл-источник Toižetada Allekirjutez
Label in English / Подпись на русском

11

«Koumes minutas Man keskusennoks» (angl.: Three minutes to the centre of the Earth) om sel'genzoitai video meiden planetan strukturas. Videon hätkeližuz om 3 min 33 s, 27. heinku 2023, tegi Royal Society (London).

Source file/Файл-источник Toižetada Allekirjutez
Label in English / Подпись на русском

12

Amerikaiž-evropine kosmine Habbl-teleskop (NASA/ESA) tegi elliptižen NGC 1132-galaktikan ut fotokuvad, 5. uhoku 2008. Videon hätkeližuz om 5 min 55 s.

Source file/Файл-источник Toižetada Allekirjutez
Label in English / Подпись на русском

13

Mel'burnan tramvaiverkon maršrutan nomer 96 sauvondan vitkotud kuvaduz, sidä kesken dronaspäi, Viktorii-štat, Avstralii. Se om lidnan kaikiš tarbhaižembiš tramvaijonoišpäi. Videon hätkeližuz om 3 min 8 s, 7. kezaku 2021.

Source file/Файл-источник Toižetada Allekirjutez
Label in English / Подпись на русском

14

Egiptižen Gizan piramidoiden kompleks: sfinksan kuvapatsaz i koume päšt piramidad 3D-animacijas, sen paloin tetabad südäinägud, 21. keväz'ku 2019. 3D-model' i sätud sen alusel video oma tehtud Vikiaitan (Wikimedia Commons) ühtnijal. Videon hätkeližuz om 52 sekundad, tegi Drummyfish-kävutai.

Source file/Файл-источник Toižetada Allekirjutez
Label in English / Подпись на русском

15

Venäman raudteiden EP20-055-elektrovedim (ven.: ЭП20-055, pästandan voz' om 2016) läz Moskvan Kazanin päraudtestancijad vn 2023 4. päiväl sügüz'kud. Videon hätkeližuz om 41 sekundad.

Source file/Файл-источник Toižetada Allekirjutez
Label in English / Подпись на русском

16

Mihe-k meile mindaličud oma tarbhaižed? Mul'tiplikacine sel'gitai video, midä mindaličud znamoitas immunitetan täht i mikš ei sa heitta niid kacmata tonzilitha eskai. Videon hätkeližuz om 2 min 16 s, mülüb Explaining The Human Body-serijha («Sel'gitaden ristitun hibjad»), tegi Saksanman rahvahidenkeskeine Deutsche Welle-TVradiokanal vl 2023, anglijan kelel.

Source file/Файл-источник Toižetada Allekirjutez
Label in English / Подпись на русском

17

Ferenc List: Tüništoituz № 3, Lento placido (vitk temp), edesti 17-vozne Benedikt Kramer-pianonvändai (Benedict Kramer) vn 2005 semendkus. Audion hätkeližuz om 3 min 46 s.

Source file/Файл-источник Toižetada Allekirjutez
Label in English / Подпись на русском

18

Dronan lenduz Grüneval'dan mectuzpertiš ümbri (saks.: Jagdschloss Grunewald), Grüneval'd-järven suvipäivnouzmaine rand Saksanman Berlin-pälidnas, 21. kezaku 2019. Pert' om saudud 1540-nzil vozil, se om Berlinan kaikiš vanhemb kaičenus zamkan toižendan sauvuz. Videon hätkeližuz om 3 min 25 s.

Source file/Файл-источник Toižetada Allekirjutez
Label in English / Подпись на русском

19

Lühüd video Bil'baon populärižiš festivališ (avtonomine Baskma-ühthižkund, Ispanii) baskankel'žes Ikusgela-openduzsaitaspäi, ližatud subtitroidenke anglijan kelel. Videon hätkeližuz om 1 min 39 s, 17. eloku 2024.

Source file/Файл-источник Toižetada Allekirjutez
Label in English / Подпись на русском

20

Video 4K tarkoiktusenke apollon-lipkaižen (latin.: Parnassius apollo) suugas mikroskopan al. Sen hätkeližuz om 1 min 46 s, 9. sügüz'ku 2018.

Source file/Файл-источник Toižetada Allekirjutez
Label in English / Подпись на русском

21

Hakkai-mägen kervačte (japon.: 八海山ロープウェー Hakkaisan Rōpuwei) sügüzliženke lehtištonke tagamal Muikamači Hakkaisan-mägisuks'kurortal, Niigatan prefektur, Japonijan keskuzpalan pohjoine. Videon hätkeližuz om 47 sekundad, 29. reduku 2014 vai sen aigemba.

Source file/Файл-источник Toižetada Allekirjutez
Label in English / Подпись на русском

22

Bretonin artistad vätas pismäižil, harjenedas edel heiden finališt koncertad Strakonice-lidnan zamkas, sadas kilometrad suvhe Pragaspäi, Čehanma, 28. eloku 2022. Jogavozne 25. International Bagpipe Festival-aigtego (Rahvahidenkeskeine buraksoitoižen festival') zavodiše tämbäi, 22. päiväl elokud. Videon hätkeližuz om 1 min 33 s.

Source file/Файл-источник Toižetada Allekirjutez
Label in English / Подпись на русском

23

Živat Ochotona princeps-erikospäi tegeb kucundoid rahvahaližes Maunt-Reinir-puištos (angl.: Mount Rainier National Park 953,5 km² pindal), Vašington-štatan päivlaskmaine pala, AÜV:oiden lodeh, 24. eloku 2019. Se om mägiden imetaiživat Jänišanvuiččed-heimkundan Ochotonidae-sugukundaspäi, endemine Azijan i Pohjoižamerikan täht. Tedoiduz ozutab, miše erikon živatad tundištadas sen toižid eričuid heiden kidan eriližusiden mödhe, se om tarbhaine peniden živatoiden täht surel territorijal. Videon hätkeližuz om 1 min 0 s.

Source file/Файл-источник Toižetada Allekirjutez
Label in English / Подпись на русском

24

Video sel'genzoitusita Suomenman nügüdläižes sigavodindas, Laukaa-kund läz Jüväsküläd, vn 2014 uhoku. Siš sigafermas «pidihe emäsigoid ahthiš stajiš (...) Živatoiden honused oliba redukahad lujas, äi kärbhaižid oli sauvuses. Boloznid venundaspäi oliba emäsigoil. Živatoiden jondvezi oli redukahan». Järgeližešti sigad ei elägoi hätken niiš arvoimižiš, sikš miše kačustadas heid edel kaks'vottušt igäd, se om seičeme procentad sigan elon varastadud maksimaližes hätkeližusespäi (27 vot). Videon aig om 3 min 51 s.

Source file/Файл-источник Toižetada Allekirjutez
Label in English / Подпись на русском

25

«Laudan taga Sezar Veganke» (isp.: A la mesa con César Vega) — Urugvain politikanmez' i agronom (sünd. 1962) starinoičeb fruktoiden da maploduiden vastusenpidajas kulutamižes. Vl 2019 mez' ballotiruihe valdkundan prezidentan radnikushe näht, sai kilt, no valitihe händast valdkundan parlamentha ezitajaks Montevideospäi. Tämbäi (25. eloku) om Urugvain ripmatomuden päiv (Declaratoria de la Independencia, Brazilijan imperijaspäi vl 1825). Videon hätkeližuz om 3 min 48 s, 4. sulaku 2019.

Source file/Файл-источник Toižetada Allekirjutez
Label in English / Подпись на русском

26

Vägestusen parad Parižan päzutandan jäl'ghe vl 1944, Toižen mail'man sodan aigan. Videon hätkeližuz om 8 min 41 s, 20. eloku 1944, tegi US National Archives.

Source file/Файл-источник Toižetada Allekirjutez
Label in English / Подпись на русском

27

Saksalaižen Rihard Štraus-muzikankirjutajan simfonižen Don Žuan-poeman fragment (Op.20 Don Juan, 1888), edesti Frankfurtan radion Simfonine orkestr (saks.: Radio-Sinfonie-Orchester Frankfurt) Dmitrii Kitajenkon ohjandusen al. Änetuz tegihe Alte-operas vn 1992 11. päiväl sügüz'kud, Gessen-federacijanma, Saksanma. Audion hätkeližuz om 1 min 48 s.

Source file/Файл-источник Toižetada Allekirjutez
Label in English / Подпись на русском

28

Ühthižed nägud Džimelid-mägelpäi (saks.: Dschimels «kaks'jaižed» latinan kelen gemellus-sanaspäi, 2781 m i 2777 m ü.m.t., Samedan-lidnankund i Bergün Filizur-kund Graubünden-kantonan suvipäivnouzmas, Šveicarii, 28. eloku 2022. Videon hätkeližuz om 2 min 50 s.

Source file/Файл-источник Toižetada Allekirjutez
Label in English / Подпись на русском

29

Genoman redaktiruind CRISPR-Cas9-instrumentan abul — avaidusen istorii. Tedomehed Džennifer Dudna (Jennifer Doudna), Martin Džinek (Martin Jinek) i Emmanuel' Šarpantje (Emmanuelle Charpentier) ümbrikirjutadas ičeze tedoidusid, kudambad veiba CRISPR:ad kävutandannoks tehnologijas genoman inžiniringan täht. Videon hätkeližuz om 12 min 57 s, 6. reduku 2019, tegi Wonder Collaborative-kävutai.

Source file/Файл-источник Toižetada Allekirjutez
Label in English / Подпись на русском

30

Läbinägui pumaterial: ümbrikacund, vaumičendan mahtused, ozutesed, 9. heinku 2016. Sätud vl 2016 openduzsanad läbinägujan pumaterialan vaumičendas ičeze käzil oma ližatud. Videon hätkeližuz om 6 min 49 s, anglijan kelel, tegi Digital Naturalism Laboratories-kävutai.

Source file/Файл-источник Toižetada Allekirjutez
Label in English / Подпись на русском

31

Vikimedijan uz' bazine hel'be (skin) vikipedijoiden täht om edestadud videos. Se om sätud kut uziden funkcijoiden serii i «Vektor»-hel'pken vajehtused, nimitadud «radlaudan paremboičendoikš» (angl.: Desktop Improvements). Se linni pästtud kävutajile vl 2022. Videon hätkeližuz om 1 min 53 s, 7. kül'mku 2023, tegi Victor Grigas-kävutai, anglijan kelel.

Source file/Файл-источник Toižetada Allekirjutez
Label in English / Подпись на русском