Sitharag

Sitharag vl 2008

Valdkund:	Živatad
Tip:	Sel'gjäntkeižed (Chordata)
Klass:	Lindud (Aves)
Heimkund:	Pasklindunvuiččed (Passeriformes)
Sugukund:	Kroikoinvuiččed (Corvidae)
Heim:	Sitharagad (Garrulus)
Erik:	Sitharag

Latinankel'ne nimi

Garrulus glandarius (Linnaeus, 1758)

Areal

Sistematik
Vikierikoiš

Kuvad
Vikiaitas

ITIS 560214

NCBI 56783

Sitharag (latin.: Garrulus glandarius) om Kroikoinvuiččed-sugukundan levitadud lind. Erištadas 34 alaerikod.

Lindun toižed nimed paginoiš: näriž, paskharag, räč, sitkokoš, sitnäč, sitnäriž.

Leviganduz

Sitharagan alaerikod elädas Evrazijadme (päiči Edahaižes Pohjoižes i lujas räkiš maiš) i Afrikan pohjoižes.

Meclind päpaloin. Kalaidab arealan tobjas palas, om kezalinduks sijidme, suves eläb ühtes tahondas.

Ümbrikirjutand

Sitharag om näkan surtte. Täuz'kaznu erič om 15 sm kortte, 32..37 sm pitte händanke, suugiden maihutuzkeskust sase 50..58 santimetrhasai, 129..197 grammad vedutte (nominativine alaerik).

Höunhišt om loštai rohled. Händ om pit'kahk, znamasine leved harj om päl. Hibjan muju om koričma rusttan ližamujunke. Suugad, händ, erasil-se alaerikoil pän üläh-ki oma mustad. Händan üläh om vauktan mujun, ougiden höunhed oma loštabad taivazmad mustoidenke jonoidenke. Pän muju om rusked Sibirin närišil, vauged burjonoidenke evropižil alaerikoil.

Naprib eläda peitoiči pezoitelendan aigan, nägub hüvin jättud aigan. Nagranzoitab, mahtab toštta erazvuiččid kulundoid (oz., kirvhen iškendoid), ristitun än't da paginoid.

Valitud alaerikod

G. g. hibernicus (Witherby & E. J. O. Hartert, 1911) — Irlandii.
G. g. rufitergum (E. J. O. Hartert, 1903) — Sur' Britanii (Šotlandijan keskuz i suvipala, Anglii, Uel's), Francijan lodeh.
G. g. glandarius (Linnaeus, 1758) — Pohjoine i Keskmäine Evrop päivnouzmha Pečor-jogen alangišthosai i Ural-mägiden päivlaskman pautkihesai.
G. g. fasciatus (A. E. Brehm, 1857) — Pirenejan pol'sar'.
G. g. corsicanus (Laubmann, 1912) — Korsik.
G. g. ichnusae (O. Kleinschmidt, 1903) — Sardinii.
G. g. albipectus (O. Kleinschmidt, 1920) — Apenninan pol'sar', Sicilii, Dalmacijan mererandišt.
G. g. graecus (Keve-Kleiner, 1939) — Balkanižen pol'saren päivlaskmaine pala, sidä kesken kontinentaline Grekanma.
G. g. ferdinandi (Keve-Kleiner, 1943) — Bolgarijan päivnouzm.
G. g. cretorum (R. Meinertzhagen, 1920) — Krit.
G. g. glaszneri (Madarász, 1902) — Kipr.

Kacu mugažo

Harag

Homaičendad

Sitharag Vikiaitas