Vikipedii:Päivän multimedia

Freddi-ciklonan kirjutez (angl.: Hurricane Freddy). Se oli olmas vn 2023 uhokun 4. päiväspäi keväz'kun 14. päivhäsai, jäb kaikiš hätkeližembaks kaceltud ciklonaks. Libui merespäi Indonezijan randoidenno, ristikoiči Indišt valdmert, saihe Madagaskaran i Mozambikan randoihesai, sid' väll'düi da hajeni. Videon hätkeližuz om 1 min 22 s, 17. keväz'ku 2023, tegi amerikaižen NASA:n Goddard-keskuz.
Image description / Oписание изображения
in English / на русском.

Täs voib nähta medijan valitud failoid formitamha Vikipedijan jagusen Pälehtpol't / Здесь можно увидеть избранные файлы мультимедиа, иллюстрирующие Заглавную страницу раздела Википедии на вепсском языке.

VEP: Failoiden purde - Päivän medijanfail-projekt Vikiaitas.
EN: Source of files - Media of the day project @ Wikimedia Commons.
RU: Источник файлов - проект Медиафайл дня на Викискладе.

Udištada / Purge / Обновить

Current month /Nügüdläine ku

1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31

01

Videorolik sel'gitab, mikš veden varad oma mairhes mail'man äjiš regionoiš. Videon hätkeližuz om 2 min 4 s, 7. sulaku 2016, tegi Meike Gasser (Simpleshow foundation).

Source file/Файл-источник Toižetada Allekirjutez
Label in English / Подпись на русском

02

Virtualine tur hil'nikahadme 101955 Bennu-asteroidadme, kudamb lendab läheli Mannoks regulärižešti. Kosmine OSIRIS-REx-apparat tuli asteroidale 130 mln kilometras kuz' vot tagaz, vn 2018 3. päiväl tal'vkud. Vn 2020 videon hätkeližuz om 4 min 54 s, tegi amerikaižen NASA:n Goddard-keskuz.

Source file/Файл-источник Toižetada Allekirjutez
Label in English / Подпись на русском

03

Tämbäi (3. tal'vkud) om Baskan kelen päiv. Bernard Ečepare-runokirjutai i katoline pap' (Bernart Etxepare, 1480−1545) eli Francijas i oli ezmäižen ristitun, kudamb sädi kirjan baskan kelel. Hänen latin.: Linguae vasconum primitiae-runokogoduz («Baskan kelen ezmäižed plodud») om publikoitud ezmäižen kerdan vl 1545. Videon hätkeližuz om 6 min 34 s, 5. reduku 2022, om ottud baskankel'žes Ikusgela-openduzsaitalpäi, subtitroidenke anglijan kelel.

Source file/Файл-источник Toižetada Allekirjutez
Label in English / Подпись на русском

04

2023. voz' amerikaižen NOAA-organizacijan fotokuviden kaimdajišpäi ümbrikacundas. Siš om tulleipörtkid, mecanpaloid, lämoimägiden lavanheitandoid da äi tošt. Videon hätkeližuz om 2 min 20 s, tegi NOAA (Nacionaline valdmeren i atmosferan tedoidusiden administracii) vn 2023 tal'vkus.

Source file/Файл-источник Toižetada Allekirjutez
Label in English / Подпись на русском

05

Kahesa faktad Durangon jarmankas (bask.: Durangoko Azoka, vai Durangoko Euskal Liburu eta Disko Azoka «Durangon kirjoiden da platoiden jarmank», isp.: Feria del libro y del disco vasco de Durango), kudamb om pühätadud baskan kul'turale. Vedadas jogavottušt jarmankad vspäi 1965, se jätktase läz vit päiväd i zavodiše tämbäi, 5. päiväl tal'vkud, Durango-municipalitetas, avtonomine Baskma-ühthižkund, Ispanii. Videon hätkeližuz om 1 min 21 s, 5. tal'vku 2023, om ottud baskankel'žes Ikusgela-openduzsaitalpäi, subtitroidenke anglijan kelel.

Source file/Файл-источник Toižetada Allekirjutez
Label in English / Подпись на русском

06

Ühten kaikiš udembiš mail'man muzikžanroišpäi «fjuče reiv»-nimenke (Future Rave) ezmäine ozutez EDM Mania Recordings-platformal (AÜV, Meksik). Se om sätud läz 2019. vot tehno-žanran toižetamižel. Kompozicii: Jake Ryan & DSalva — Revival («Udessündutamine» anglijan kelespäi). Muzikvideon hätkeližuz om 2 min 38 s, 6. reduku 2023.

Source file/Файл-источник Toižetada Allekirjutez
Label in English / Подпись на русском

07

Fil'mdud dronaspäi londusen kinematografine video pedranvodindan Svahken sijte-rajonas (vai El'go), Engerdal-kund pohjoižhe Oslo-pälidnaspäi, Norvegijan suvi. Se om kaikiš suvemb saamalaižiden pedranvodindan rajon valdkundas. Muzik om Time of Water-kompozicii («Veden aig»), kirjuti norvegine Daniel' Gerskedal-džazanvändai (Daniel Herskedal, sünd. 1982). Videon hätkeližuz om 4 min 32 s, 1. semendku 2020.

Source file/Файл-источник Toižetada Allekirjutez
Label in English / Подпись на русском

08

Ukrainan tobmuden ezitajad tehtas äiluguižiden masskaumoiden egzgumacijad Kijevan lodehližes Buč-ezilidnas (Kijevan agj) massrikondoiden jäl'ghe. Ned oliba tehtud vn 2022 keväz'kus Venäman okkupacižil specialižil vägil ezimeletaden. Videon hätkeližuz om 1 min 30 s, 9. sulaku 2022, anglijan kelel.

Source file/Файл-источник Toižetada Allekirjutez
Label in English / Подпись на русском

09

Socialižen YouTube-verkon How To Make Everything-kanalan kävutai («kut tehta kaik») rekonstruiruib Geronan šurud (vai Geronan turbin, eolipil «tullein Eol-jumalan šur»), «miše kacta, voi oli töhöpästta sidä ezmäšt purulikutint vai ei». «Nacein, industrialine revolücii voi zavodida kahten tuhad vozid aigemba?» Rimalaine Vitruvii-arhitektor da inžener sädi kümne kirjad arhitekturas (vozil 30..20 EME), i ühtes niišpäi hän ümbrikirjuti eolipilad kodvas, kudamb ozutab atmosferižen il'man (tullein) likundan londust. Voz'sadoiš šur-turbin jäi tehnižes bobuštuseks i bobaižeks. Videon hätkeližuz om 16 min 47 s, 25. eloku 2024, anglijan kelel.

Source file/Файл-источник Toižetada Allekirjutez
Label in English / Подпись на русском

10

Rolik sel'gitab, kut tedomehed «voidas säta uziden vauktušiden äjüt kaikenvuiččuden problemoiden pätandan täht, sen paloin läžundad i söndtavaroiden varuitomuz» ratud intellektan kävutandanke. Videon hätkeližuz om 7 min 12 s, 19. heinku 2022, tegi Royal Society (Londonan kunigazline sebr londusen tedoiden šingoteses).

Source file/Файл-источник Toižetada Allekirjutez
Label in English / Подпись на русском

11

Japonine Hayabusa2-zond (om töhöpästtud 3. tal'vku 2014) laski 162173 Rügu-asteroidan pindale tošti vn 2019 11. päiväl heinkud, miše kerata muretud ambundal gruntan kodvid. Kosmosapparat läksi asteroidalpäi vn 2019 kül'mkus i pördui kodvid Maha vn 2020 5. tal'vkud. Varastadas, miše vl 2031 apparat tuleb toižele, penele punotajale heredas 1998 KY₂₆-asteroidale. Ezmäine fotokuva om tehtud 8,5 metrad korktuselpäi, sid' laskend pindale oli, i jäl'gmäine kuva — 150 metrad korktuselpäi. Se oti kahesa minutad realižuses. Vn 2020 heinkun videon hätkeližuz om 35 sekundad, tegi Japonine aerokosmižiden tedoidusiden agentuz (JAXA).

Source file/Файл-источник Toižetada Allekirjutez
Label in English / Подпись на русском

12

Wikimedia Deutschland-organizacijan i sen F5-ühthendan digitaližes varuitomudes publine suim varuitomuden paketan märid (saks.: Sicherheitspaket) vaste Brandenburgan verajanno Berlinan Keskuzrajonas, Saksanma, 16. reduku 2024. Mugoine paket oli vahvištadud vl 2018 Avstrijas i kosketi käskusid kriminalas, varuitomuden policijas, telikundas i telekommunikacijoiš. Miting kucui loptä sen «kaclendan paketan» legitimižust. Videon hätkeližuz om 27 sekundad.

Source file/Файл-источник Toižetada Allekirjutez
Label in English / Подпись на русском

13

Lühüd ühtenzoituz tegihe illegitimižiden ühtnendoiden sijas elektroverkonke Mpumelelo- i Česngko Kresent-irdoiden risttenno formalitomas Senangeno-žilos, Filipi Ist, Keiptaun, Suviafrikan Tazovaldkund. Videon hätkeližuz om 25 sekundad, 9. tal'vku 2020.

Source file/Файл-источник Toižetada Allekirjutez
Label in English / Подпись на русском

14

«Nanuk Pohjoižespäi» (angl.: Nanook of the North) om vn 1922 amerikaine dokumentaline mustvauged bigifil'm. Sen režissör, prodüser i scenarist om Robert Flaerti (Robert J. Flaherty), tegi Pathé Exchange-kompanijan täht. Flaertin ezmäine täuz'piduzline fil'm, toi znamasišt kommertišt satust i panendad kinematografha. Om fil'mdud Kanadan Gudzonan lahten randal, starinoičeb inuitoiden veroližes elos. Tegii mäni 16 kud rahvahan keskes ecmäs raudkivendod (löuzi, no vajagan ladun), fil'mzi i sid'-žo ozuti inuitoile, ku oli tehtud vigoid fil'mdandan aigan, ka sai nevondoid heišpäi. Videon hätkeližuz om 1 čas 18 min 3 s; toine fail kuvan lujetud ladunke om Vikiaitas (kacu vn 2024 3. semendkud).

Source file/Файл-источник Toižetada Allekirjutez
Label in English / Подпись на русском

15

Bans Off Our Bodies («Meiden hibjoiden kel'dandad»), vn 2022 protestad abortan oiktusen poles Nju Jork-lidnas, Nju Jork-štat, AÜV. Sil-žo vodel suimad da protestad abortan oiktusen poles i sidä vaste mäniba mail'man suriš lidnoiš AÜV:oiden Ülembaižen käskuzkundan pätandan jäl'ghe abortan strokuiš. Videon hätkeližuz om 2 min 1 s, 14. semendku 2022, tegi Rhododendrites-kävutai.

Source file/Файл-источник Toižetada Allekirjutez
Label in English / Подпись на русском

16

Veden mareigun buraudusen täuz' process käzipompan abul, Pakistan. Videon hätkeližuz om 26 min 23 s, 21. viluku 2020, tegi My Village Food Secrets-kävutai, urdu-kelel.

Source file/Файл-источник Toižetada Allekirjutez
Label in English / Подпись на русском

17

Vn 1919 saksalaiž-danine čomamahtoine «Vauktusennoks»-bigifil'm (dan.: Mod lyset) dram-žanras. Režissör i scenarijan tegii Hol'ger Madsen (Holger-Madsen), prodüsirui Nordisk Film. Süžet tedoidab uskon, armastusen i armahtusen temoid sen aigan, kut henged napridas löuta ičeze sijad ristitkundas. Lopuks pähenged oigetas tehta pühäpaginoid mail'madme. Asta Nil'sen (Asta Nielsen) vändi pärolid (Izabel'-grafanak). Videon hätkeližuz om 55 min 31 s.

Source file/Файл-источник Toižetada Allekirjutez
Label in English / Подпись на русском

18

Raudasižen naglan sulamine üläkondensatoran abul. Lühüd elektrine čep' oli tehtud sen ladimen täht 3000 F vägevudenke naglan abul. Elektrojoksuz tuha amperad znamoičendanke vedi naglad suladusele. Kibinad sünduiba nozolan raudan pindal rattemata. Videon hätkeližuz om 28 sekundad, 20. tal'vku 2021.

Source file/Файл-источник Toižetada Allekirjutez
Label in English / Подпись на русском

19

Rosttumatoi teraz tulese raudkivendospäi alüminotermižen reakcijan mahtusel. Ližatas segoitushe kriolitad i kal'cijan ftoridad metallan paremban erigoičendan täht šlakoišpäi. Rosttumatoman terasen valuz tegihe satuseks. Videon hätkeližuz om 34 sekundad, 9. keväz'ku 2022, tegi Bilovitskiy-kävutai.

Source file/Файл-источник Toižetada Allekirjutez
Label in English / Подпись на русском

20

«Parižalaine naine: Ozahuden dram» (angl.: A Woman of Paris: A Drama of Fate) om vn 1923 amerikaine mustvauged bigifil'm, armastusen dram ülembaižes sur'il'mas. Fil'm tuli satusekahan kommertižikš. Sen režissör, prodüser i scenarijan tegii oli Čarli Čaplin, hän-žo ühtni muzikan fil'male kirjutamižhe vl 1976. Vändiba pärolid Edna Pörviens (Mari Sent-Kler), Karl Miller (Žan Millet), Adol'f Menžu (Pjer Revel' ). Videon hätkeližuz om 1 čas 21 min 25 s.

Source file/Файл-источник Toižetada Allekirjutez
Label in English / Подпись на русском

21

Paineged jogavoččes Kristkindl-torgusespäi (angl.: Christkindlmarket, oleleb edel katoližid Raštvoid) Čikago-lidnan Deili-torgul (Daley Plaza), Illinois-štat, AÜV, 14. tal'vku 2014. Videon hätkeližuz om 1 min 4 s.

Source file/Файл-источник Toižetada Allekirjutez
Label in English / Подпись на русском

22

Pohjansüvenijad töd Govanus-kanalas (angl.: Gowanus Canal), Nju Jork-lidnan Bruklin-rajon, AÜV. Videon hätkeližuz om 2 min 23 s, 20. sulaku 2022.

Source file/Файл-источник Toižetada Allekirjutez
Label in English / Подпись на русском

23

Reportažan kadrad Gindenburg-dirižablin (angl.: Hindenburg airship) onetomudes vn 1937 6. päiväl semendkud Leikherst-sodabazanno Mančester-lidnankundas, Nju Džersi-štat, AÜV. Dirižabl' 97 ristitunke oli passažirine, paloi lophu 34 sekundas, 36 ristitud pölištuiba, teravan ištutamižen-ki tagut. Dirižabliden kadrad Nju Jorkan päl oma ozutadud mugažo. Sen jäl'ghe kel'tihe vezinikan kävutandad dirižabliš, onetomuz zavodi niiden eran lopud. Videon hätkeližuz om 5 min 27 s, om ottud Prelingeran arhivoišpäi, anglijan kelel.

Source file/Файл-источник Toižetada Allekirjutez
Label in English / Подпись на русском

24

AÜV:oiden sodamerivägiden orkestr (United States Navy Band) edestab Raštvoiden populärišt hristianišt «Tün' ö, pühä ö»-gimnad i kättepajod (saks.: Stille Nacht, heilige Nacht), Vašington-pälidnan DAR Constitution Hall-sauvuz, 21. tal'vku 2014. Sädi melodijad avstrine Franc Gruber-muzikankirjutai da organanvändai vn 1818 24. päiväl tal'vkud katoližen Jozef Mor-papin sanoile (Joseph Mohr). Videon hätkeližuz om 5 min 34 s.

Source file/Файл-источник Toižetada Allekirjutez
Label in English / Подпись на русском

25

Raštvoiden jolkan vitkotud kuvaduz kaks'žiruižel Kolambii-karuselil Santa Klar-lidnas, Kalifornii, AÜV, 16. kül'mku 2016. Videon hätkeližuz om 36 sekundad. Toine mugoine karusel' sijadase Illinois-štatan Gerni-žilos.

Source file/Файл-источник Toižetada Allekirjutez
Label in English / Подпись на русском

26

Neciš amerikaižen NASA:n rolikas ozutase, kut tarkas astronomad keraziba ühthe tehtud kosmižen Habbl-teleskopan abul Kaikusen kaikiš edahaižembad fotokuvad (angl.: Hubble eXtreme Deep Field «Habbl:an lujas süvä avaruz») sadud voz'kümnes vhesai 2012 andmusiden alusel. Sil taivhan läz üks' pala koumekümnes kahtes millionaspäi om ozutadud. Videon hätkeližuz om 2 min 43 s, 25. sügüz'ku 2012.

Source file/Файл-источник Toižetada Allekirjutez
Label in English / Подпись на русском

27

Jupiter-planetan Sur' Rusked läip särahtoitab. Vn 2024 videon hätkeližuz om 2 min 0 s, tegi amerikaižen NASA:n Scientific Visualization Studio («Tedoližen vizualizacijan studii»).

Source file/Файл-источник Toižetada Allekirjutez
Label in English / Подпись на русском

28

Animiruidud lühüd fil'm OSIRIS-REx-kosmosapparatan missijas 101955 Bennu-asteroidannoks (kudamb lendab läheli Mannoks regulärižešti), Päiväižen sisteman augotižlibundas i aigaližes Mas. Videon hätkeližuz om 6 min 0 s, 18. kül'mku 2014, tegi amerikaižen NASA:n Goddardan kosmoslendusiden keskuz (Goddard Space Flight Center).

Source file/Файл-источник Toižetada Allekirjutez
Label in English / Подпись на русском

29

Jügun kormaduz hoppervagonan katusele Moskvan rengazraudtel (se-žo Moskvan raudten Pen' rengaz), Andronovk — Vladikino-Moskovskoje keskust renghan suves i päivlaskmas, Venälaine Federacii. Nägud edel raudten rekonstrukcijad passažirlikundan täht. Jügujonuz ajab častomaraižen mödhe. Vn 2013 videon hätkeližuz om 2 min 7 s.

Source file/Файл-источник Toižetada Allekirjutez
Label in English / Подпись на русском

30

Freddi-ciklonan kirjutez (angl.: Hurricane Freddy). Se oli olmas vn 2023 uhokun 4. päiväspäi keväz'kun 14. päivhäsai, jäb kaikiš hätkeližembaks kaceltud ciklonaks. Libui merespäi Indonezijan randoidenno, ristikoiči Indišt valdmert, saihe Madagaskaran i Mozambikan randoihesai, sid' väll'düi da hajeni. Videon hätkeližuz om 1 min 22 s, 17. keväz'ku 2023, tegi amerikaižen NASA:n Goddard-keskuz.

Source file/Файл-источник Toižetada Allekirjutez
Label in English / Подпись на русском

31

Praznikambuškelend Uden voden kanman voziden 2012 i 2013 röunal ühesa časud ehtal Sidnei-lidnas, Uz' Suviuel's-štat, Avstralii. Vitkotud kuvaduz, nägu Šark-Ailendalpäi («akuloiden sar'», Port Džekson). Videon hätkeližuz om 46 sekundad, 1. viluku 2013, tegi Justin Hulford-kävutai.

Source file/Файл-источник Toižetada Allekirjutez
Label in English / Подпись на русском

Next month /Jäl'ghine ku

1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31

01

Šablon:Motd/2025-01-01 (vep)

Source file/Файл-источник Toižetada Allekirjutez
Label in English / Подпись на русском

02

[[File:Šablon:Motd/2025-01-02|thumb|none|200px|Šablon:Motd/2025-01-02 (vep)]]

Source file/Файл-источник Toižetada Allekirjutez
Label in English / Подпись на русском

03

Šablon:Motd/2025-01-03 (vep)

Source file/Файл-источник Toižetada Allekirjutez
Label in English / Подпись на русском

04

Kut pidab pesta maploduiden lehtesid slokostindan aigan, solan ližadusenke vai ei. Videon hätkeližuz om 49 sekundad, 25. viluku 2012, tegi populärine amerikaine kulinarine America's Test Kitchen-TV-šou (jätktase vspäi 2001 tähäsai).

Source file/Файл-источник Toižetada Allekirjutez
Label in English / Подпись на русском

05

Ühesažiruine eländpert' Ukrainan Har'kiv-lidnan Saltivkan rajonas (Nepokorönnih-ird) Venäman FAB-500-aviašlibakon putundan jäl'ghe vn 2024 redukun 30. päivän ehtal. Äi ristituid oliba roimahtud konstrukcijoiden al, eziandmusiden mödhe koume ristitud pölištuiba (heiden kesken lapsed) i 36 ristitud oliba satatadud. Videon hätkeližuz om 1 min 34 s, 31. reduku 2024, tegi Ukrainan Ekstraordinarižiden situacijoiden ministruz.

Source file/Файл-источник Toižetada Allekirjutez
Label in English / Подпись на русском

06

Pohjoižamerikan Jellouston-lämoimägen ülälavanheitandan jäl'gusiden endustuz: tuhkan lanktendad. Videon hätkeližuz om 56 min 46 s, om tehtud AÜV:oiden Geologižel radnikoičendal (United States Geological Survey / USGS) vn 2016 semendkus, anglijan kelel.

Source file/Файл-источник Toižetada Allekirjutez
Label in English / Подпись на русском

07

Šablon:Motd/2025-01-07 (vep)

Source file/Файл-источник Toižetada Allekirjutez
Label in English / Подпись на русском

08

Šablon:Motd/2025-01-08 (vep)

Source file/Файл-источник Toižetada Allekirjutez
Label in English / Подпись на русском

09

Video sel'gitab geoinženerijan toižendad — ohjandust päiväižen sädegoičendal. Kaceltas sen riskoid, negativišt vastamižpainegt, voimusižid laptaližid effektoid. Videon hätkeližuz om 5 min 12 s, 22. kezaku 2018, tegi Saksanman fond Genrih Böll-kirjutajan nimed, anglijan kelel.

Source file/Файл-источник Toižetada Allekirjutez
Label in English / Подпись на русском