UkrainanVovčansk-lidn (Har'kivan agjan pohjoine röunmanno) Venäman ambundoiden da bombardiruindan jäl'ghe, om muretud läz täuzin. Videon hätkeližuz om 1 min 37 s, 2. kezaku 2024, tegi Ukrainan nacionaline policii. Image description / Oписание изображения in English / на русском.
Täs voib nähta medijan valitud failoid formitamha Vikipedijan jagusen Pälehtpol't / Здесь можно увидеть избранные файлы мультимедиа, иллюстрирующие Заглавную страницу раздела Википедии на вепсском языке.
Kaddiš (vai kadiš, evr.: קדיש «pühä») om pühätadud Ülähäižele gimn, lugese judaizman loičendradnikoičendan aigan. Audion hätkeližuz om kümne minutad, 22. reduku 2023, tegi C. Suthorn.
Verez sel'gitai video valdmeriden redustoitandas plastmassal. Sen hätkeližuz om 1 min 25 s, 23. heinku 2018, tegi Surfrider Foundation Europe, anglijan kelel.
Marching Song of the First Arkansas («Ezmäižen Arkanzasan marš-pajo», 1864) om Rahvahanikoiden sodan AÜV:oiš ühteks kaičenus pajoišpäi, kudambid pajatadas tähäsai, edesti Stephen Griffith. Ozutab muzaveriden ristituiden tazooiktust. Videon hätkeližuz om 4 min 24 s, 29. semendku 2024.
«Kaitiaki, andim i tedomez'» (angl.: The Kaitiaki, the Sensor, and the Scientist) om udenzelandižen valdkundaližen «Tedo tehnologižiš innovacijoiš»-konkursprograman dokumentaline video veden ladun andimen sädamižes kodvimha sidä kundaližiš sijiš i monitoringan täht (oz., jogiden redustoitandan). Se om üks' lühüdpiduzližiš rolikoišpäi «Sidodud innovacijoihe näht»-serijas (Connected for Innovation). Kaitiaki om maorin taivhan, meren da man käskii. Vn 2023 videon hätkeližuz om 6 min 42 s.
Vitkon televizijan ozutez: Bergenan jono (norv.: Bergensbanen) minut minutan taga jonusen frontaližes kameraspäi, Norvegii, ühtenz' pala koumespäi. Jono ühtenzoitab Bergenad Hönefoss-lidnanke (Suren Oslon region), 371 km pitte 39 stancijanke, se om avaitud vl 1909. Videon hätkeližuz om 2 časud 30 min 8 s, 9. reduku 2009, tegi Norvegijan valdkundaline teleoigendai korporacii (Norsk rikskringkasting, NRK).
«Kordel'je-torg Lionas» (franc.: La Place des Cordeliers à Lyon), Francii, 1895. Se om Lümjer-velliden ezmäižiš fil'mfragmentoišpäi, dokumentaline bigifil'm. Lidnan torg om fil'mdud päivän kiruhaigan. Videon hätkeližuz om 36 sekundad, om ottud Lumière! Le Cinématographe (1895–1905)-purtkespäi.
Neciš mul'tfil'mas starinoičese tetaban Zangemann-melestegijan i himokaclijan mastaroičijan Ada-neičukaižen istorijad. Ada zavodib apparatižen (angl.: hardware) da programholitusen (software) kodvid, i sen processas el'gendab, kut om tarbhaine ohjata tehnologijoid hänen i toižiden täht. Videon hätkeližuz om 31 min 33 s, 8. reduku 2024, tegi Free Software Foundation Europe lapsiden täht, anglijan kelel.
Sel'gitai video ul'traruskedsinižes sädegoičendas, tegi Saksanman Federaline radnikoičend radiacijanvastaižes kaičendas (saks.: Bundesamt für Strahlenschutz, lüh. BfS päfateranke Zal'cgitter-lidnas) vl 2014: «Meiden päiväine. Sen sädegoičend andab vauktust da lämut, muga ristitun hüvä olend tuleb. No päiväižen ul'traruskedsinine sädegoičend voib toda pahut-ki tervhudele». Videon hätkeližuz om 3 min 29 s, anglijan kelel.
«Kulundan matk päaivoihe» (angl.: Journey of Sound to the Brain) om animiruidud openduzvideo ristitun kulemižes, vai kulundsistemas. Se ozutab, kut kulundad matkatas südäikorvas, i sid' ličtas päaivoihe, ned interpretiruidas i napridas el'geta. Edenoin pojav südäikorvan cochlea om spiralinvuiččen forman elim. Se mülütab hibusenvuiččid stajid, kudambad vasthaottas kulundköläidusid i kätas niid voimusižikš el'gendamha kulundnervale himižikš signaloikš. Videon hätkeližuz om 2 min 27 s, 20. tal'vku 2017, tegi amerikaineNational Institute on Deafness and Other Communication Disorders (Betesd, Nacionaline institut kulemižen kadondas i toižiš kommunikativižiš palahtelendoiš), se om AÜV:oiden Tervhuden institutoiden palaks.
Sätud vn 2023 kezal amerikaiženNASA:n Goddardan kosmostedoidusiden institutal (GISS) sel'gitai video Man pindan lämuziden andmusiden analizas. Se mülütab kuivman i meren pindoiden lämuzid joga kus vspäi 1880 tähäsai. Videon hätkeližuz om 1 min 7 s, tegi NASA's Scientific Visualization Studio.
Sätud amerikaižil Keskusil läžundoiden kontroliš i varutusiš lühüd video politikas. Videon hätkeližuz om 30 sekundad, 20. sulaku 2017, tegi U.S.' Centers for Disease Control and Prevention.
Necil päiväl viž vot tagaz Honkongan policii ozuti kovut i pani arestan alle vasthalibujid Honkongan politehnižen universitetan blokadan aigan, Kitai. Videon hätkeližuz om 1 min 10 s, 18. kül'mku 2019, tegi Voice of America.
UkrainanVovčansk-lidn (Har'kivan agjan pohjoine röunmanno) Venäman ambundoiden da bombardiruindan jäl'ghe, om muretud läz täuzin. Videon hätkeližuz om 1 min 37 s, 2. kezaku 2024, tegi Ukrainan nacionaline policii.
Sel'gitai video Amuižen Riman veziinfrastrukturas — akvedukad. Videon hätkeližuz om 14 min 17 sekundad, 16. uhoku 2023, tegi Ancient Rome Live-projekt Amerikan institutan rimalaižes kulturas täht (American Institute for Roman Culture), anglijan kelel.
Täuz' dokumentaline «Apollonan matkad»-fil'm (angl.: The Journeys of Apollo) amerikaiženNASA:nApollo-programan missijoiš Kudmaižennoks (1961–1972, 32 satusekast lendust vll 1968–1972). Videon hätkeližuz om 57 min 44 s, tegi NASA missijoiden 40-voččele jubilejale.
Ei amu amerikaiženKalifornijan universitetanBerkliš seismologižen laboratorijan inženerjouk modernizirui edahašt seismišt stancijad Farallon-saril, kudamb om tarbhaine kritižešti i jäl'gestab San Andreas-katkelmast. Se stancii om Kalifornii-štatan manrehkaidusiden aigaližen endustusen sisteman palaks i kogoneb andmišpäi, a ned töhöpästtas MyShake-ližaprograman funkcijad manrehkaidusen endustuses. Videon hätkeližuz om 5 min 6 sekundad, 5. keväz'ku 2024.
Dokumentaline video Kenijangeotermaližes energijas. Kaceltas sen edeližen kävutandan riskoid i varastamatomuzid. Videon hätkeližuz om 4 min 12 s, 7. kezaku 2018, tegi Stokhol'man ümbrišton institut (Stockholm Environment Institute).
Videorolik sel'gitab, mikš veden varad oma mairhes mail'man äjiš regionoiš. Videon hätkeližuz om 2 min 4 s, 7. sulaku 2016, tegi Meike Gasser (Simpleshow foundation).
Tämbäi (3. tal'vkud) om Baskan kelen päiv. Bernard Ečepare-runokirjutai i katoline pap' (Bernart Etxepare, 1480−1545) eli Francijas i oli ezmäižen ristitun, kudamb sädi kirjan baskan kelel. Hänen latin.: Linguae vasconum primitiae-runokogoduz («Baskan kelen ezmäižed plodud») om publikoitud ezmäižen kerdan vl 1545. Videon hätkeližuz om 6 min 34 s, 5. reduku 2022, om ottud baskankel'žes Ikusgela-openduzsaitalpäi, subtitroidenke anglijan kelel.
