Honkong

Honkong
香港 *(Sängan)* (kit.)
Hong Kong (angl.)
Lidnanznam;	Flag;
Valdkund	Kitai
Eläjiden lugu (2014)	7,112,688 ristitud
Pind	1,104 km²
Pämez'	Län Čženjin
Telefonkod	+852
Aigvö	UTC+8

Honkong (kit.: 香港 Sängan, angl.: Hong Kong), täuz' oficialine nimi om Honkongan eriline administrativine agj (kit.: 香港特別行政區 Sängan tebe sinčžencüi, angl.: Hong Kong Special Administrative Region), om Kitain pala. Se om Azijan rahaazjoiden znamasine keskuz da joudai port penidenke valdkundmaksoidenke.

IstoriiRedigeeri

Vozil 1841−1997 Honkong nügüdläižiš röunoiš oli Suren Britanijan kolonijal. Vl 1843 Viktorii-lidnan aluz oli pandud, nügüd' nece nimituz jäi läheližiden pohtan da mägenocan nimiš.

TobmuzRedigeeri

Honkongal om ičeohjanduz. Ičeze päkäskuz, Käskusenandai Nevondkund, ohjastuz ministrusidenke oma Honkongas. Vn 1984 kožundkirjutesen mödhe, Sur' Britanii andoi ottud kortomha territorijad Kitaile znamoičendanke jätta territorijan käskusištod da ohjandusen formad vajehtuseta 50 vodeks.

Geografijan andmusedRedigeeri

Honkongan territorijan kart

Honkong sijadase Kitain suvipalas, Koulunan pol'sarel, kahtel surel sarel (Honkong i Lantau) da völ 260 pen't sart, Kitain Suvimeren randal. Lidnaspäi pohjoižpolehe om Šen'čžen' (ani röunan taga 33 km pitte), päivlaskmpolehe 60 kilometras om toine Kitain specialine administrativine agj — Makao.

Randanpird — 733 km^[2]. Kaikiš korktemb čokkoim om Taimošan'-mägi, 958 m ü.m.t..

Klimat om subekvatorialine mussonine. Vihmsezonan aigan voib panda 500 mm sadegid kus. Ei oleskele manrehkaidusid, toroksäd oma paksud.

Lidnfartaloiden territorii otab penemb nelländest kaikes territorijaspäi, toižed agjan koume nelländest oma puištod.

Administrativine jagandRedigeeri

Kaik om 18 administrativišt ümbrikod (angl.: district) Honkongas. Käskusištos de facto om severz'-se erižid lidnoid da žiloid, no niil eile administrativišt statusad i valdatusid, ned oma erazvuiččiden ümbrikoiden palad.