Bidgošč

Bidgošč
Bydgoszcz
Lidnanznam;	Flag;
Valdkund	Pol'šanma
Eläjiden lugu (2022)	330,038 ristitud
Pind	175,98 km²
Pämez'	Rafal Bruski; (tal'vku 2010—,; Rafał Bruski)
Telefonkod	+48−52
Aigvö	tal'vel UTC+1,; kezal UTC+2

Bidgošč (pol'š.: Bydgoszcz [ˈbɨdɡɔʂt͡ʂ], saks.: Bydgoszcz / Bromberg) om lidn Pol'šanman keskusen lodehes. Se om üks' Kujavijan da Pomorjen sodaveikundan pälidnoišpäi (toine pälidn om Torun').

Istorii vajehta

Eländpunktan aluz om pandud vl 1069 kuti zamk. Sai lidnan oiktusid Kazimir Surespäi vl 1346. Villän i keitandsolan torguindan znamasine keskuz Keskaigan.

Bidgošč šingotase kaikenvuiččel mašinansauvomižel (elektrotehnik, tömašinad, tarkoiged, mašiništ tegimišton sarakoiden täht, vagonad), himižel sarakol (organine sintez), mecümbriradmižel, sömtegimištol, finansižil holitišil, nahkan i keramikan pästandal.

Geografijan andmused vajehta

Lidn sijadase Vislan randal sen huran Brda-ližajogen lanktendanno, 28..106 m korktusil, 60 m ü.m.t. keskmäižel korktusel. Sädab aglomeracijad Torun'-lidnanke.

Klimat om ven kontinentaline. Voden keskmäine lämuz om +8,5 C°, kezakun-elokun +16,7..+19,1 C°, tal'vkun-uhokun −0,3..−1,5 C°. Ekstremumad oma −29,9 C° (viluku) i +38,3 C° (heinku). Kezaaigan minimum om −1,8 C° (kezaku), tal'vaigan maksimum om +15,9 C° (tal'vku). Ei voi panda halad heinkus-elokus vaiše. Paneb sadegid 532 mm vodes, enamba heinkus (83 mm), vähemba redukus-sulakus (26..40 mm kus). Kun keskmäine relätivine nepsuz vajehtase 70..75 % röunoiš sulakus-elokus, 86..90 % redukus-uhokus.

Eläjad vajehta

Vl 2014 lidnan eläjiden lugu oli 358 614 ristitud, vl 2021 — 341 692 ristitud. Kaikiš suremb lidnan ristitišt oli 386 855 eläjad vl 1998. Kaik 470 tuhad eläjid om ezilidnoidenke. Lidnaglomeracijan Toruninke ristitišt om läz 850 tuhad eläjid.

Sebruzlidnad vajehta

Ukrain Čerkasad, Ukrain
AÜV Hartford, Konnektikut, AÜV
Serbii Kragujevac, Serbii
Ukrain Kremenčuk, Ukrain
Saksanma Mangeim, Baden-Vürtemberg, Saksanma
Kitai Ninbo, Čžeczän, Kitai
Grekanma Patrad, Grekanma
Kazahstan Pavlodar, Kazahstan
Sur' Britanii Pert, Šotlandii, Sur' Britanii
Italii Redžo-Emil'j, Italii
Saksanma Vil'gel'mshafen, Alasaksonii, Saksanma

Irdkosketused vajehta

Lidnan tobmuden sait (bydgoszcz.pl). (pol'š.) (+ avtomatine äikel'ne känduz)

Bidgošč Vikiaitas

	Pol'šanman sodaveikundad da niiden administrativižed keskused
	Alakarpatan (Žešuv) \| Alaläšan (Belostok) \| Alasilezijan (Vroclav) \| Kujavijan da Pomorjen (Bidgošč, Torun') \| Lodzin (Lodz') \| Lüblinan (Lüblin) \| Lübušan (Gožuv-Vel'kopol'ski, Zelöna Gur) \| Mazovijan (Varšav) \| Opolen (Opole) \| Penen Pol'šanman (Krakov) \| Pomorjen (Gdan'sk) \| Päivlaskmpol'žen Pomorjen (Ščecin) \| Silezijan (Katovice) \| Suren Pol'šanman (Poznan') \| Sventokšistan (Kel'ce) \| Varminiž-Mazuran (Ol'štin)

Lidnanznam	Flag
Valdkund	Pol'šanma
Eläjiden lugu (2022)	330,038 ristitud
Pind	175,98 km²

Pämez'	Rafal Bruski (tal'vku 2010—, Rafał Bruski)
Telefonkod	+48−52
Aigvö	tal'vel UTC+1, kezal UTC+2