Pavlodar

Pavlodar (kazahan i venän kelil: Павлодар) om lidn Kazahstanan pohjoižpäivnouzmas. Se om Pavlodaran agjan administrativine keskuz.

Pavlodar
Павлодар

Lidnanznam	Flag
Valdkund	Kazahstan
Eläjiden lugu (2018)	334,906 ristitud
Pind	400 km²
Pämez'	Nuržan Ašimbetov (sulaku 2016—)
Telefonkod	+7−7182-xxx-xxx
Aigvö	UTC+6

Istorii

Eländpunktan aluz om pandud vl 1720. Se sai lidnan statusad vl 1861.

Pavlodar šingotase kivivoinümbriradajal tegimel, raudan i alüminijan metallurgijal, himižel i mašiništonsauvomižel tegimil, sauvondmaterialiden sarakol (katuzmaterialad, elektrokabeläd).

Geografijan andmused

Lidn sijadase Irtiš-jogen oiktal randal, Päivlaskmaižel Sibirin alangištol, 123 m ü.m.t. keskmäižel korktusel.

Alištunuded akimatale kuz' žilod: Pavlodarskoje, Kenžekol', Baidali, Dolgoje, Leninskii i Mojil'di.

Eläjad

Vl 2010 lidnan eläjiden lugu oli 320 362 ristitud. Kaikiš suremb ristitišt om nügüd'. Vl 2018 kaik 360 048 ristitud elädas alištunuzidenke akimatale eländpunktoidenke. Islaman koume pühäpertid, ortodoksižen hristanuskondan päjumalanpert' i katoline jumalanpert' oma olmas lidnas.

Rahvahad (2018, enamba 0,4%): kazahlaižed — 46,2%, venälaižed — 42,3%, ukrainalaižed — 4,0%, saksalaižed — 2,2%, totarlaižed — 2,0%, vaugedvenälaižed — 0,5%, toižed rahvahad — 2,8%.

Sebruzlidnad

• Pol'šanma Bidgošč, Pol'šanma (vspäi 1997)
• Turkanma Denizli, Turkanma (1995)
• Venäma Omsk, Omskan agj, Venäma (2015)

Irdkosketused

• Pavlodaran akimatan oficialine sait (akimat-pvl.gov.kz). (ven.) (kazah.)