Belostok
Belostok (pol'š.: Białystok [bʲaˈwɨstɔk]) om lidn Pol'šanman pohjoižpäivnouzmas. Se om Alaläšan sodaveikundan administrativine keskuz, järed raudtesol'm.
Lidnanznam
|
Flag
|
| Valdkund | Pol'šanma |
| Eläjiden lugu (2022) | 295,683 ristitud |
| Pind | 102,12 km² |
| |
| Pämez' | Tadeuš Truskolaski (tal'vku 2006—, Tadeusz Truskolaski) |
| Telefonkod | +48−85 |
| Aigvö | tal'vel UTC+1, kezal UTC+2 |
Istorii vajehta
Eländpunkt mainitase ezmäižen kerdan kirjutadud purtkiš vl 1437. Se sai lidnan statusad vl 1749. Oli tekstil'tegimišton keskuseks 19. voz'sadan toižes polespäi. Vozil 1939 (tal'vku) — 1941 (27. kezaku) da vl 1944 (heinku−sügüz'ku) Belostok mülüi NSTÜ:n Vaugedvenäman NST:ha ühtennimižen agjan keskuseks.
Geografijan andmused vajehta
Lidn om ümbärtud mecoil. Se sijadase sodaveikundan keskuzpalas, Bäl-jogen randoil (pol'š.: Biała, «vauged», Vislan oigedpol'ne bassein), 120..160 m ü.m.t. korktusil. Matkad Varšavhasai om 188 km suvipäivlaskmha, Vaugedvenäman röunhasai — 54 km päivnouzmha.
Klimat om ven valdmeren, kontinentaližen klimatan pirdoidenke. Voden keskmäine lämuz om +7,7 C°. Ekstremumad oma −35,4 C° (viluku) i +36,0 C° (heinku). Ei voi panda halad heinkus-elokus. Paneb sadegid 610 mm vodes, enamba heinkus (86 mm), vähemba kül'mkus-sulakus (31..40 mm kus).
Tobmuz vajehta
Belostok jagase lidnanlaptoikš (pol'š.: osiedle) vn 2004 redukuspäi. Eziauguižešti niiden lugu oli 27, vspäi 2006 oli 28 (muga mülütihe koumed eländpunktad lidnha), vl 2021 ližaduihe 29. lidnanlaptad.
Edeline lidnan pämez' (pol'š.: Prezydent miasta Białegostoku) om Rišard Tur (Ryszard Tur, 1998 — tal'vku 2006).
Eläjad vajehta
Vn 2011 Pol'šanman rahvahanlugemižen mödhe lidnan eläjiden lugu oli 295 198 ristitud, vl 2020 — 296 958 ristitud. Kaikiš suremb lidnan ristitišt om nügüd'. Läz 430 tuhad ristituid elihe ezilidnoidenke vl 2017.
Om erazvuiččiden religijoiden pühäpertid: katoline jumalankodikund, ortodoksine hristanuskond, judaizman pühäpert', mugažo čiganoiden sur' kund eläb lidnas.
Transport vajehta
Avtobusad oma kundaližeks transportaks lidnas. Belostok ühtenzoitab EÜ:n päivlaskmaižid maid Baltijan maidenke avto- da raudteidme i Suomenmanke.
Homaičendad vajehta
Irdkosketused vajehta
| Belostok Vikiaitas |
| Pol'šanman sodaveikundad da niiden administrativižed keskused | ||
| Alakarpatan (Žešuv) | Alaläšan (Belostok) | Alasilezijan (Vroclav) | Kujavijan da Pomorjen (Bidgošč, Torun') | Lodzin (Lodz') | Lüblinan (Lüblin) | Lübušan (Gožuv-Vel'kopol'ski, Zelöna Gur) | Mazovijan (Varšav) | Opolen (Opole) | Penen Pol'šanman (Krakov) | Pomorjen (Gdan'sk) | Päivlaskmpol'žen Pomorjen (Ščecin) | Silezijan (Katovice) | Suren Pol'šanman (Poznan') | Sventokšistan (Kel'ce) | Varminiž-Mazuran (Ol'štin) | ||