Čerkasad

Čerkasad (ukr.: Черка́си) om lidn Ukrainan keskuzpalas. Se om Čerkasan agjan administrativine keskuz (vspäi 1954) da kaikiš suremb lidn.

Čerkasad
Черкаси

Lidnanznam	Flag
Valdkund	Ukrain
Eläjiden lugu (2022)	269,836 ristitud
Pind	75 km²
Pämez'	Anatolii Bondarenko (kül'mku 2015—)
Telefonkod	+380−472
Aigvö	tal'vel UTC+2, kezal UTC+3

Istorii

Nügüdläine eländpunkt mainitase 1380-nziš vozišpäi. Sai lidnan statusad oficialižeks vl 1795. Kozakišton augotižlibundan znamasine keskuz.

Čerkasad šingotasoiš himižel tegimištol, mašinansauvomižel (ladimed, elevatorad, avtoiden ühthekeradand i avtobustegim), kebnal tegimištol (šuukkombinat, omblendfabrik, kengiden fabrik), sauvondmaterialiden pästandal (metalližkonstrukcijad, puižed apakod, katuzmaterialad, asfal't), sömtegimištol, mugažo kaks' mebel'fabrikad ratas lidnas.

Geografijan andmused

Lidn sijadase agjan päivnouzmas, Dnepran Kremenčugan vezivaradimen oiktal randal, 110 m ü.m.t. keskmäižel korktusel. Matkad Kijevhasai om 157 km lodeheze orhal, 186 km avtotedme vai 240 km raudtedme. Om sildoid Dnepras päliči.

Klimat om ven. Voden keskmäine lämuz om +7,7 C°, heinkun +19,8 C°, vilukun −5,9 C°. Ekstremumad oma −35 C° i +38 C°. Paneb sadegid 517 mm vodes, enamba kezakus-elokus (53..76 mm kus), vähemba keväz'kus (29 mm) i redukus (31 mm).

Čerkasad jagasoiš kahteks rajonaks: Dnepranverine (ukr.: Придніпровський) i Sosnovskii (Соснівський).

Eläjad

Vl 2015 lidnan eläjiden lugu oli 284 789 ristitud 69 km² pindal, agjan videndez. Kaikiš suremb ristitišt oli 302 tuhad eläjid vl 1991.

Irdkosketused

• Čerkasad-lidnan tobmuden sait (chmr.gov.ua). (ukr.)