Katovice

Katovice
Katowice
Lidnanznam;	Flag;
Valdkund	Pol'šanma
Eläjiden lugu (2021)	286,960 ristitud
Pind	164,64 km²
Pämez'	Marcin Krupa; (tal'vku 2014—)
Telefonkod	+48−32
Aigvö	tal'vel UTC+1,; kezal UTC+2

Katovice (pol'š.: Katowice [katɔˈvit͡sɛ], saks.: Kattowitz) om lidn Pol'šanman suves. Se om Silezijan sodaveikundan administrativižeks keskuseks.

Istorii

Eländpunkt mainitase küläks vl 1598, toižed-ki aigaližembad eländpunktad oliba nügüdläižen Katovicen territorijal. Šingotaškanzihe teravas 19. voz'sadal erazvuiččiden kivendoiden varoiden tagut, saksalaižed oliba ristitišton enambuses, i vhesai 1921 oficialine nimituz oli Kattovic. Se sai lidnan oiktusid vl 1865.

Katovice om kivihilen samižen da raudan metallurgijan keskuz eziauguižešti i nügüd'aigan. Järed raudtesol'm (15 stancijad da platformad) holitab 12 mln passažiroid vodes. Lidnan effektivine infrastuktur, veskoitud ühthine šingotez i ofispindoiden ližaduz kändihe popularižeks toižen biznesan vedandad.

Geografijan andmused

Lidnan administrativine jagand (2006)

Lidn sijadase Vislan i Oderan basseinoiden vezijagandal, 245..352 m korktusil, 266 metrad ü.m.t. keskmäižel korktusel.

Klimat om ven kontinentaline. Keza om päivoikaz, tal'vaig om pil'vesekaz lujas. Voden keskmäine lämuz om +9,0 C°, kezakun-elokun +17,3..+19,1 C°, tal'vkun-uhokun −1,6..+0,1 C°. Ekstremumad oma −30,0 C° (uhoku) i +37,2 C° (uhoku). Kezaaigan minimum om −0,3 C° (kezaku), tal'vaigan maksimum om +18,8 C° (uhoku, tal'vku). Paneb sadegid 723 mm vodes, enamba heinkus (104 mm), vähemba kül'mkus-sulakus (39..49 mm kus). Kun keskmäine relätivine nepsuz vajehtase 66..72 % röunoiš sulakus-heinkus, 80..86 % sügüz'kus-uhokus.

Eläjad

Vl 2014 lidnan eläjiden lugu oli 303 314 ristitud. Kaikiš suremb lidnan ristitišt oli 368 621 eläjad vl 1987.

Katovice om Üläsilezijan konurbacijan (5,3 mln eläjid 5400 km² pindal vl 2021) keskuzlidn, üks' kaikiš äirahvahaližembišpäi Pol'šanmas istorižešti.

Läz kaks'kümned üläopendusen aluzkundad ratas lidnas, sada tuhad üläopenikoid. Znamasine om Silezijan universitet Katovices^[1] (pol'š.: Uniwersytet Śląski w Katowicach, lüh. UŚ, alusenpanend 1968, 19,5 tuh. üläopenikoid vl 2022), sen fakul'tetoiden tobj pala sijadase neciš lidnas.

Transport

Avtobusad, lidnoidenkeskeižed tramvaid (konurbacijan 62 km teid 200:späi), ezilidnelektrojonused i velosipedad (92 km veloteid vl 2021) oma kundaližeks transportaks lidnas da sen ümbrištos.

Rahvahidenkeskeine civiline Katovice-lendimport^[2] (KTW / EPKT, 5,6 mln passažiroid vl 2023) sijadase 30 kilometras pohjoižhe lidnan keskuzpalaspäi. Tehtas reisid Evropan surihe lidnoihe, sezonižid čarterreisid Keskmeren äjihe lebutahoiže.

Homaičendad

↑ Silezijan universitetan Katovices sait (us.edu.pl). (pol'š.) (angl.)
↑ Katovice-lendimportan sait (katowice-airport.com). (pol'š.) (čeh.) (saks.) (angl.) (ukr.)

Irdkosketused

Lidnan oficialine sait (katowice.eu). (pol'š.) (angl.)

Katovice Vikiaitas

	Pol'šanman sodaveikundad da niiden administrativižed keskused
	Alakarpatan (Žešuv) \| Alaläšan (Belostok) \| Alasilezijan (Vroclav) \| Kujavijan da Pomorjen (Bidgošč, Torun') \| Lodzin (Lodz') \| Lüblinan (Lüblin) \| Lübušan (Gožuv-Vel'kopol'ski, Zelöna Gur) \| Mazovijan (Varšav) \| Opolen (Opole) \| Penen Pol'šanman (Krakov) \| Pomorjen (Gdan'sk) \| Päivlaskmpol'žen Pomorjen (Ščecin) \| Silezijan (Katovice) \| Suren Pol'šanman (Poznan') \| Sventokšistan (Kel'ce) \| Varminiž-Mazuran (Ol'štin)

[1] Silezijan universitetan Katovices sait (us.edu.pl). (pol'š.) (angl.)

[2] Katovice-lendimportan sait (katowice-airport.com). (pol'š.) (čeh.) (saks.) (angl.) (ukr.)

[1]

[2]

Lidnanznam	Flag
Valdkund	Pol'šanma
Eläjiden lugu (2021)	286,960 ristitud
Pind	164,64 km²

Pämez'	Marcin Krupa (tal'vku 2014—)
Telefonkod	+48−32
Aigvö	tal'vel UTC+1, kezal UTC+2