Pohjoižmeri

Pohjoižmeri (alam.: Noordzee, angl.: North Sea, dan.: Nordsøen vai Vesterhavet, franc.: Mer du Nord, norv.: Nordsjøen, pohj.-friz.: Weestsiie, päivl.-friz.: Noardsee, roč.: Nordsjön, saks.: Nordsee, šotl.-kel't.: An Cuan a Tuath, šotl.: German Ocean) om madal meri šel'fal Evrazijan lodehližes laptas. Sijadase Pohjoiževropas, Suren Britanijan, Norvegijan i Danijan keskes. Mülütadas Pohjoižmert Atlantižen valdmeren basseinha.

Pohjoižmeren fotokuva Man kaimdajaspäi

Ühthižed andmused

Pind — 750 tuh. km².

Randanpird — läz 6000 km.

Veden mülü — 94 tuh. km³.

Süvüz voib olda 725 metrhasai, keskmäine süvüz om 95 m.

Geografijan andmused

Pohjoižmeri om ümbärtud Evropan kuivusel päiči pohjoižpalas. Ühtenzoitase La Manš- da Pa-de-Kale-sal'mil Atlantižen valdmeren päpalanke, Skagerrak-, Kattegat-, Danijan sal'mil da Kilän kanalal Baltijan merenke. Norvegijan meri om olmas pohjoižhe, läm' Pohjoižatlantine joksmuz putub Pohjoižmerhe sišpäi.

Pohjoižmeri lainištab Norvegijan, Ročinman, Danijan, Saksanman, Alamaiden, Bel'gijan da Suren Britanijan randad.

Sarištod: Pohjoižfrizan sared, Päivnouzmaižfrizan sared, Päivlaskmaižfrizan sared, Orkneisared da Šetlandsared.

Järedad joged, kudambad langetas Pohjoižmerhe: Glomm, El'b, Vezer, Rein, Maas, Šel'd da Temz.

Ižanduz

Kaik meri om jagadud ekonomižihe zonoihe lähevenujiden valdkundoiden keskes.

Londuseližed varad oma kivivoi, londuseline gaz, kala, lete, gravii. Mail'man tetab kivivoin "Brent"-segoituz sase Norvegijan ižanduzzonas.

Sured lidnad da portad (častomaraižen mödhe): Bergen, Oslo, Gamburg, Bremen, Amsterdam, Rotterdam, Antverpen, London, Gull', Njukasl-apon-Tain, Edinburg da Aberdin.

Irdkosketused

• Pohjoižmeren basseinan strategii Evropižen Laudkundan saital (ec.europa.eu). (angl.)