Avaita pämenü


Volhov (ven.: Волхов, suom.: Olhava) om Venäman lidn da järed raudtesol'm Leningradan agjan keskuses. Se om Volhovan rajonan administrativine keskuz da kaikiš suremb lidn.

Volhov
Волхов
 Lidnanznam
Coat of Arms of Volkhov (Leningrad oblast).png
 Flag
Flag of Volkhov (Leningrad oblast).png
Valdkund Venäma
Eläjiden lugu (2015) 46 076 ristitud
Pind 108,21 km²
Volhov Волхов
Pämez' Vitalii Napsikov (2 014-)
Telefonkod +7-81 363-xx-xxx
Avtokod 47
Aigvö UTC+3 (MSK+0)

Südäiolend

IstoriiRedaktiruida

Eländpunktan aluz om pandud vl 1918 kuti Volhovstroi-žilo sauvomha Volhovan GES (sauvoihe vozil 1918-1926). Vl 1933 sidä ühtištuihe lähižen Zvank-radnikžilonke da raudtestancijanke da anttihe lidnan statusad. Vspäi 1940 lidn om olmas nügüdläižen nimenke.

Geografijan andmusedRedaktiruida

Lidn sijadase Olhavanjogen molembil randoil, 33 m valdmeren pindan päl keskkorktusel. Matkad Piterihesai om 141 kilometrad päivlaskmha.

Volhov-1 sijadase jogen hural randal, Volhov-2 — oiktal randal.

EläjadRedaktiruida

Vl 2010 eläjiden lugu oli 47 182 ristitud. Rajonan ristitišton pol' eläb Volhovas.

Rahvahad (vn 2010 Venäman rahvahanlugemižen mödhe, enamba 0,4%): venälaižed — 93,4%, ukrainalaižed — 1,0%, armenijalaižed — 0,8%, čiganalaižed — 0,8%, azerbaidžanlaižed — 0,5%, vaugedvenälaižed — 0,5%, toižed — 1,7%, rahvahuden ozutandata — 1,3%.

Erased igähižed rahvahad: karjalaižed — 20 rist. (0,04%), suomalaižed — 10 rist. (0,02%), estilaižed — 8 rist. (0,02%), vepsläižed — 7 rist. (0,01%)[1].

Ižanduz da transportRedaktiruida

Ižandusen päsarakod oma himine tegimišt, gidroenergetik da sömtegimišt, mugažo alüminijantegim da mebel'fabrik oma olmas.

Koume specialižen keskopendusen aluzkundad om lidnas: tegimišton da transportan tehnikum, alüminijan tegimišton kolledž da transportsauvondan kolledž.

Koume sildad om lidnas Olhavas päliči: avtotesild, raudtesild da sild jaugnikoiden täht.

HomaičendadRedaktiruida

IrdkosketusedRedaktiruida