Kinšas

Kinšas (fr.: (Ville de) Kinshasa; edel 1966 vot — Leopol'dvil'), om Kongon Demokratižen Tazovaldkundan pälidn, se-žo agj om, KDT:n surembaine lidn da koumanz' Afrikas eläjiden lugun mödhe (Lagosan da Kairan jäl'ghe, Johannesburganke tazomäras).

Kinšas
Kinshasa

Lidnanznam	Flag
Valdkund	Kongon Demokratine Tazovaldkund
Eläjiden lugu (2012)	9,546,000 ristitud
Pind	9965 km²
Pämez'	Andre Kimbuta Jango
Telefonkod	+243
Aigvö	UTC+1

Kinšas om kahtenz' francijankel'hine lidn surtte mail'mas Parižan jäl'ghe.

Istorii

Lidnan aluz oli pandud vl 1881 žiloks torguimha. Vspäi 1960 om valdkundan pälidnaks.

Tobmuz

Kinšas om lidn (fr.: ville) da üks' KDT:n 11 agjaspäi (fr.: province) ühtes.

Lidn-agj alajagase 4 administrativižhe ümbrikho (fr. district), ned — 24 kommun:ha (fr. commune).

Valdkundan parlamentan ühtnijad agjaspäi: 8 ezitajad ratas-išttas Senatas, 59 — Nacionaližes Suimas.

Geografijan andmused

Kinšas seižub Kongo-jogen hural randal, alemba jogikändant. Brazzavil'-lidn, Kongon Tazovaldkundan pälidn, sijadase Kinšasan kohtha, jogen oiktal randal. Kaks' pälidnad seištas toine toižen kohtha — nece olend om üks'jäine mail'mas.

Klimat om subekvatorialine kuivan sezonanke (kezaku-sügüz'ku).

Eläjad

Edel ripmatont (vs 1960) alaman kel' oli oficialižen.

Ižanduz

Kaikenvuitte ümbriradai tegimišt om olnu lidnas, mugažo laivoiden sauvomine da kohenduz om. Sen ližaks, metallurgine kompleks om Maluku-rajonas.

Openduzsijad

Lidnas om 11 valdkundališt da 40 privatišt institutad da universitetad. Ned oma sijatud tazomäras kaikid ümbrikoidme.

Transport

Kinšasan rahvahidenkeskeine Ndžili-lendimport (FIH) om surembaine valdkundas. Se om civiližen da sodaznamoičendanke ühtes, ühten lendahtamižsarganke.

Ehtatuz sidob lidn Brazzavilinke, 4 kilometrad Kongo-joges iliči.

Sebruzlidnad

Kinšasal om kuz' sebruzlidnad:

• Turkanma Ankara (Turkanma)
• Brazzavil', Kongon Tazovaldkund
• Bel'gii Brüssel', Bel'gii (vspäi 2002)
• Dakar (Senegal)
• Iran Tehran, Iran
• Šablon:NED Utreht, Alamad

Irdkosketused

• Kinšas-lidnan oficialine sait. (fr.)

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.