Korenovsk

Korenovsk (ven.: Корено́вск) om Venäman lidn da lidnankund Krasnodaran randan keskuses. Se om Korenovskan rajonan administrativine keskuz.

Korenovsk
Кореновск

Lidnanznam	Flag
Valdkund	Venäma
Eläjiden lugu (2022)	42,504 ristitud
Pämez'	Maksim Šutilev (keväz'ku 2019—)
Telefonkod	+7−86 142-xx-xxx
Avtokod	23, 93, 123
Aigvö	UTC+3 (MSK+0)

Istorii

Edeline lidnanznam

Eländpunktan aluz om pandud kuti Korenovskai-stanic vl 1794. Se sai lidnan statusad vl 1961, nimitihe nügüdläižikš.

Korenovsk šingotase sömtegimištol: maidon konservkombinat, saharan tegim, oluden tegim, kuivatud rahtmaidon (maidveden) tegim, lindfabrik, elevator i «Agro-Kompleks»-lihamaidkombinat ratas lidnas. Om sauvondan edheotandoid. Lidn om maižanduzrajonan keskuseks (villän i maploduiden kazvatuz, živatvodind). Topografijan sodapalakund om lidnan röunoiš.

Geogarfijan andmused

Lidn sijadase Hura Beisužok-jogen (ven.: Бейсужёк Левый 161 km pitte, Azovmeren bassein) hural randal tobjimalaz, 40 m ü.m.t. keskmäižel korktusel. Matkad Krasnodaran röunhasai om 60 km suvipäivlaskmha. Lähembaižed lidnad oma Ust'-Labinsk 30 km suvipäivnouzmha orhal i Timašovsk 40 km lodeheze orhal.

Kaks' žilod i kaks' futorad mülüdas lidnankundha Korenovskan ližaks. Lidnankundan pind — 32,45 km².

Eläjad

Vn 2010 Venäman ravahanlugemižen mödhe lidnan eläjiden lugu oli 41 166 ristitud. Vll 1996−2017 ristitišt vajehtihe 40..41 tuhad röunoiš (41 876 rist. vl 2016). Kaikiš suremb lidnan ristitišt om nügüd'. Vl 2017 kaik 41 823 ristitud elihe lidnas i 43 264 ristitud kaikes lidnankundas.

Rahvahad (lidnan eläjad, enamba 1% vl 2010): venälaižed — 91,5%, armenijalaižed — 3,0%, ukrainalaižed — 1,9%, toižed rahvahad — 2,4%, rahvahuden ozutandata — 1,2%.

Ortodoksižen hristanuskondan viž jumalanpertid i Jumalanmaman Emäganpäivän naižjumalankodi oma saudud lidnas.

Korenovskan politehnine tehnikum om lidnan rofessionaližen opendusen aluzkundaks.

Edeline lidnankundan pämez' (Administracijan pämez') om Jevgenii Pergun (2012 — tal'vku 2018).

Tetabad sündnuded

• Aleksandr Maršal (Aleksandr Min'kov) (sünd. 1957) — Venäman pajatai da muzikankirjutai.

Transport

«Don»-avtote (M4-trass) mäneb lidnan lodehližedme röunadme.

Korenovsk-raudtestancii sijadase «Krasnodar — Volgograd»-keskustal. Punolendimiden polk baziruiše sijaližel lendimportal, om restavriruidud vodele 2021.

Galerei

• 

  Ird i sild jaugnikoiden täht (2009)

• 

  Kubanin Uziden Moknikoiden jumalanpert', vn 2011 nägu (letihe vll 2004−2011)

• 

  Ird lidnas (2009)

• 

  Korenovsk-päraudtestancijan sauvuz vl 2007

Irdkosketused

• Lidnan tobmuden sait (korenovsk-gorod.ru). (ven.)