Aš (lidn, Venäma)

Aš (ven.: Аша́, bašk. i tot.: Әшә) om Venäman lidn da lidnankund Čeläbinskan agjan päivlaskmaižes sarakos. Se om Ašan rajonan administrativine keskuz da kaikiš suremb lidn.

Aš
Аша

Lidnanznam	Flag
Valdkund	Venäma
Eläjiden lugu (2021)	29,066 ristitud
Pind	52,4 km²
Pämez'	Il'ja Lutkov (keväz'ku 2010—)
Telefonkod	+7−35 159-xx-xxx
Avtokod	74, 174
Aigvö	UTC+5 (MSK+2)

Sil sanal voib olda toižid znamoičendoid; miše nähta niid, tulgat tänna.

Istorii

Eländpunktan aluz om pandud vl 1898 kuti žilo udenno kaugedraudan Aša-Balašovo-tegimenno, nimitihe jogen mödhe. Radnikžilo sai lidnan statusad vn 1933 20. päiväl kezakud.

Aš šingotase raudan metallurgijan tegimel, mugažo lämuzarmaturan i mechimine tegimed ratas lidnas.

Geografijan andmused

Lidn sijadase rajonan suvipäivlaskmaiženno röunanno, Sim-jogen oiktal randal tobjimalaz (bašk.: Эҫем 239 km pitte, Kaman hurapol'ne bassein), 140 m ü.m.t. keskmäižel korktusel. Aš-jogi (ven.: Аша 59 km pitte) lankteb Simha oiktalpäi lidnas. Baškortostan om ani päivlaskmha lidnaspäi Aš-jogen vastrandal. Matkad Čeläbinskhasai om 263 km päivnouzmha orhal, 333 km avtotedme vai 360 km raudtedme. Lähembaižed lidnad oma Sim-lidn päivnouzmha i Min'jar pohjoižpäivnouzmha.

«Čeläbinsk — Uf»-raudte läbitab lidnad, Aš-stancii (ven.: Аша) radab sen keskuzpalas.

Aš om lidnankundan üks'jäine eländpunkt. Lidnankundan pind om 549,32 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 31 881 ristitud, rajonan pol'. Kaikiš suremb lidnan ristitišt oli 36..39 tuhad eläjid vll 1959−1998 (39 100 rist. vl 1992).

Professionaližen opendusen aluzkund om Ašan industrialine tehnikum.

Galerei

• 
  Muštnik A. Umovale i fontan (2008)
• 
  Jumalanmaman Kazanin jumalaižen jumalanpert', vn 2020 nägu (avaitihe vl 2005)
• 
  Lidnan puine pertišt (2007)
• 
  Aš-päraudtestancijan sauvused vl 2021

Irdkosketused

• Lidnankundan oficialine sait (asha-gp.ru). (ven.)