Snežinsk (ven.: Сне́жинск, mugažo totaran i baškiran kelil) om Venäman sauptud lidn Čeläbinskan agjan pohjoižes. Se om Snežinskan lidnümbrikon administrativine keskuz.

Snežinsk
Снежинск
 Lidnanznam
Gerb Snezhinsk.svg
 Flag
Flag of Snezhinsk (Chelyabinsk oblast).png
Valdkund Venäma
Eläjiden lugu (2021) 51,751 ristitud
Pind 35 km²
Snežinsk Снежинск
Pämez' Igor' Saprikin
(tal'vku 2015—)
Telefonkod +7−35 146-xx-xxx
Avtokod 74, 174
Aigvö UTC+5 (MSK+2)

IstoriiRedigeeri

Eländpunktan aluz om pandud vl 1955 kuti Eländžilo nomer 2 (ven.: Жилой посёлок № 2) tedoidamha da sädamha südäitukuižšlibakoid. Se sai lidnan statusad vn 1957 23. päiväl semendkud Kasli-2-nimitusenke. Nimitihe lidnad Čeläbinsk-50 vll 1959−1966, Čeläbinsk-70 vll 1966−1993. Vspäi 1993 lidn om olmas nügüdläiženke nimenke oficialižikš. Sen perimetr kaičese seičemel ambundpalakundal.

Snežinsk šingotase Venäman südäitukuižkeskusel — tehnižen fizikan tedoinstitutal (läz 9 tuhad radnikoid), elektroladimiden tegimel, sauvondmaterialiden pästandal (keramine ozrikkivi, betonantegim), maižandusen abuedheotandal.

Geografijan andmusedRedigeeri

Lidn sijadase ümbrikon pohjoižpalas, Keskuralan päivnouzmaižel ezimägištol, 270 m ü.m.t. keskmäižel korktusel. Sinar-järv (ven.: Синара, 24 km²) om lidnan pohjoižrandaks, Silač-järv — suvirandaks (bašk.: Илашты, 18 km²). Matkad Sverdlovskan agjahasai om 17 km pohjoižhe orhal, Čeläbinskhasai om 111 km suvipäivnouzmha-suvhe orhal vai 128 km avtotel. Lähembaine lidn om Kasli 22 km suvhe orhal vai 27 km avtotedme.

Lidn ühtenzoitase kümnekilometrižel sarakol «Jekaterinburg — Čeläbinsk»-avtotenke. Avtonomine raudte radab Snežinskas tegimišton täht.

Lähine Randžilo (ven.: Ближний Береговой, 275 rist. vl 2010) i Klüči-külä (101 rist. vl 2010) mülüdas lidnümbrikho Snežinskan ližaks. Lidnümbrikon pind — 357,36 km².

EläjadRedigeeri

Vn 2010 Venäman rahvahanlugemižen mödhe lidnan eläjiden lugu oli 48 810 ristitud, lidnümbrikon — 49 186 ristitud. Vspäi 1996 lidnan ristitišt vajehtase 48..50 tuhad eläjad röunoiš (50 500 rist. vll 2003−2005, 50 759 rist. vl 2017), kaikiš suremb ristitišt om nügüd'. Kaik 51 113 eläjad oli lidnümbrikos vl 2017.

Rahvahad (2010): venälaižed — 90,4%, totarlaižed — 3,6%, baškiralaižed — 2,9%, ukrainalaižed — 1,6%, toižed rahvahad — 1,5%.

Professionaližen opendusen aluzkundad oma: keskopendusen — Ozörskan tehnižen kolledžan Snežinskan filial[1], üläopendusen om Snežinskan fiziž-tehnine institut — Nacionaližen MIFI-südäitukuižtedoiduzkeskusen filial (MIFI-6).

GalereiRedigeeri

HomaičendadRedigeeri

  1. Ozörskan tehnižen kolledžan Snežinskan filialan sait (spt.snzsite.ru). (ven.)

IrdkosketusedRedigeeri



Čeläbinskan agjan lidnad
| Bakal | Čebarkul' | Čeläbinsk | Jemanželinsk | Jurüzan' | Karabaš | Kartali | Kasli | Katav-Ivanovsk | Kištim | Kopeisk | Korkino | Kus | Magnitogorsk | Miass | Min'jar | Näzepetrovsk | Ozörsk | Plast | Satk | Sim | Snežinsk | Suviural'sk | Zlatoust | Troick | Tröhgornii | Ust'-Katav | Üläufalei | Üläural'sk