Košice

Košice (mugažo slovakan kelel, virktas [ˈkɔʃitsɛ], mad'j.: Kassa «Kašša», saks.: Kaschau «Kašau») om Slovakijan kahtenz' lidn eläjiden lugun mödhe. Se om Košicen randan administrativine keskuz.

Košice

Lidnanznam	Flag
Valdkund	Slovakii
Eläjiden lugu (2024)	225,044 ristitud
Pind	242,77 km²
Pämez'	Jaroslav Polaček (kül'mku 2018—)
Telefonkod	+421-(0)55
Aigvö	tal'vel UTC+1, kezal UTC+2

Lidnan kart (2014)

Istorii

Eländpunkt mainitase ezmäižen kerdan vl 1230 kuti Mad'jaranman kunigahan Villa Kassa-külä. Sai lidnan ezmäižid oiktusid vl 1290, oli Mad'jaranman kunigahan joudjaližeks lidnaks. Vl 1657 universitetan aluz om pandud lidnha.

Geografijan andmused

Lidn sijadase valdkundan päivnouzmas, Gornad-jogen randal (slovak.: Hornád), 184..851 m korktusil, 208 m ü.m.t. keskmäižel korktusel. Matkad Mad'jaranman röunhasai om 20 km suvhe, Bratislav-pälidnhasai om 312 km päivlaskmha orhal vai 390 km avtoteidme.

Klimat om ven kontinentaline. Keza om päivoikaz, tal'vaig om pil'vekaz lujas. Voden keskmäine lämuz om +9,9 C°, kezakun-elokun +19,2..+20,8 C°, tal'vkun-uhokun 0..−1,9 C°. Ekstremumad oma −26,9 C° (viluku) i +38,5 C° (heinku). Kezaaigan minimum om −0,4 C° (kezaku), tal'vaigan maksimum om +16,4 C° (uhoku). Ei voi panda halad heinkus-elokus. Paneb sadegid 613 mm vodes, enamba semendkus-elokus (66..93 mm kus), vähemba vilukus-keväz'kus (24..27 mm kus). Paneb lunt 50 päiväd tal'ves keskmäras. Kun keskmäine relätivine nepsuz vajehtase 62..68 % röunoiš keväz'kus-elokus, 84..86 % kül'mkus-vilukus.

Eläjad

Vl 2014 lidnan eläjiden lugu oli 239 464 ristitud, vl 2017 — 239 095 ristitud. Kaikiš suremb lidnan ristitišt oli 240 688 eläjad vl 2011. Kaik 550 tuhad ristituid eliba ezilidnoidenke 2 709 km² pindal vl 2011.

Edeline lidnan pämez' (slovak.: primátor Košíc) om Ričard Raši (Richard Raši, tal'vku 2010 — keväz'ku 2018).

Sebruzlidnad

Mad'jaranma Abauisanto, Mad'jaranma (vspäi 2009) Mad'jaranma Budapešt, Mad'jaranma (1997) Turkanma Burs, Turkanma (2000) Pol'šanma Katovice, Pol'šanma (1991) Saksanma Kotbus, Brandenburg, Saksanma (1992) Pol'šanma Krosno, Pol'šanma (1991) Mad'jaranma Miškol'c, Mad'jaranma (1997) AÜV Mobil, Alabam, AÜV (2000) Serbii Niš, Serbii (2001)

Čehii Ostrav, Čehanma (2001) Venäma Piter, Venäma (1995) Bolgarii Plovdiv, Bolgarii (2000) Suomenma Raahe, Suomenma (1987) Pol'šanma Žešuv, Pol'šanma (1991) Ukrain Užgorod, Ukrain (1993) Italii Veron, Italii (1992) Slovakii Visoke Tatrid, Slovakii (2006) Saksanma Vuppertal', Pohjoine Rein da Vestfalii, Saksanma (1980)

Irdkosketused

• Lidnan tobmuden oficialine sait (kosice.sk). (slovak.) (angl.) (mad'j.) (saks.)