Avaita pämenü

Bolivii, täuz' oficialine form — Bolivijan Äirahvahaline Valdkund (ispanijaks: Estado Plurinacional de Bolivia, kečuaks: Buliwya Achka nasyunkunap Mama llaqta, aimaraks: Wuliwya Suyu, guaranikš: Tetã Volívia), om valdkund Suviamerikan keskuzpalas. Sen oficialine pälidn om Sukre, no parlament da radonoigendajan tobmuden organad sijadasoiš La Pas-lidnas.

Bolivijan Äirahvahaline Valdkund
Estado Plurinacional de Bolivia (isp.)
Buliwya Achka nasyunkunap Mama llaqta (kečuaks)
Wuliwya Suyu (aimaraks)
Tetã Volívia (guaranikš)
 Flag
Flag of Bolivia.svg
 Valdkundznam
Coat of arms of Bolivia.svg
Pälidn Sukre
Eläjiden lugu (2018) 11 306 341[1] ristitud
Pind 1 098 581 km²
Bolivijan Äirahvahaline Valdkund Estado Plurinacional de Bolivia (isp.) Buliwya Achka nasyunkunap Mama llaqta (kečuaks) Wuliwya Suyu (aimaraks) Tetã Volívia (guaranikš)
Kel' ispanijan, kečuan, aimaran, guaranin da völ 33 valdkundkel't
Valdkundan pämez' Evo Morales
Päministr hän-žo
Religii hristanuskond, inkanizm
Valüt bolivijan boliviano (BOB)
Internet-domen .bo
Telefonkod +591
Aigvö UTC−4

EtimologiiRedaktiruida

Valdkundan nimituz om anttud Simon Bolivaran oiktastuseks, hän oli üks' liderišpäi ispaniž-amerikaižiden sodoiden ripmatomudes aigan.

IstoriiRedaktiruida

Vn 1825 6. päiväl elokud Bolivii tedištoiti ripmatomudes Ispanijaspäi.

Jäl'gmäine Konstitucijan udištamine oli vl 2009.

Geografijan andmusedRedaktiruida

 
Bolivijan topografine kart.

Bolivii om röunoiš Čilinke (röunan piduz — 860 km) da Perunke (1075 km) suvipäivlaskmas da päivlaskmas, Brazilijanke pohjoižes da pohjoižpäivnouzmas (3423 km), Paragvainke suvipäivnouzmas (750 km), Argentinanke suves (832 km).

Valdkundan kaikiš korktemb čokkoim om Saham-vulkan, 6542 m valdmeren pindan päl. Leved Paragvai-jogi jokseb Atlantižhe valdmerhe, no valdkund om mererandatoi.

Londuseližed pävarad oma londuseline gaz, kivivoi, tin, cink; toižed varad oma vol'fram, antimonii, hahktin, litii, raudkivend, kuld, hobed, mec, gidroenergii.

TobmuzRedaktiruida

 
Bolivijan parlamentan pert' Murillo-torgul La Pasan keskuses.

Bolivii om unitarine konstitucine prezidentine tazovaldkund. Valdkundan pämez' om prezident (isp.: Presidente del Estado Plurinacional de Bolivia), hän-žo om ohjastusen pämeheks. Kaik rahvaz valičeb händast videks vodeks, enamba kaht strokud ei sa. Prezident paneb ministrid radnikusile.

Parlament om kaks'kodine Äirahvahaline Nacionaline Suim (isp.: Asamblea Legislativa Plurinacional). Üläkodi, Senat (isp. Cámara de Senadores), kogoneb 36 ühtnijaspäi, sidä kesken nell' ristitud kaikuččes departamentaspäi. Alakodi, Ezitajiden (Deputatoiden) Kodi (isp. Cámara de Diputados) mülütab 130 ezitajad-ühtnijad. Kaik rahvaz änestab parlamentan ühtnijoid videks vodeks.

Käskuzkundaline tobmuz om Bolivijan Ülembaine käskuzkund (isp.: Corte Suprema de Justicia de Bolivia). Se om üks'jäine tobmuden sarak koumespäi, kudamb sijadase oficialižes Sukre-pälidnas.

Bolivijan päjärgvaličendad oliba vn 2019 20. päiväl redukud, valitihe prezidentad i parlamentan molembiden kodiden ühtnijoid. Nügüdläine Evo Morales-prezident sai 47,08% da radab nelländen strokun jäl'geten.

Administrativiž-territorialine jagandRedaktiruida

   Kacu kirjutuz: Bolivijan administrativiž-territorialine jagand.

Bolivii jagase 9 agjaha (departamentha, isp.: departamento). Agjad alajagasoiš provincijoikš (niid om 112, isp. provincia), ned — kantonoikš (isp. cantón).

EläjadRedaktiruida

Bolivijas elädas bolivijalaižed. Kaik 10 027 254 ristitud elihe valdkundas vl 2012.[2]

Ristitišt augotižlibundan mödhe (2009): mestizo (evropalaiž-indejalaižed) — 68%, indejalaižed (aimara i kečua tobjimalaz) — 20%, evropalaižed — 5%, čolo / čola — 2%, afrikalaižed — 1%, toiženke augotižlibundanke — 1%, märhapanendata — 3%.

Bolivijan kaikiš surembad lidnad (enamba 200 tuh. ristituid vn 2012 rahvahanlugemižen mödhe, surembaspäi penembha): Santa Krus de la Sjerr, El' Al'to, La Pas, Kočabamb, Oruro, Sukre (pälidn), Tarih.

IžanduzRedaktiruida

Bolivijan päeksport om londuseline gaz, kivivoi, soi, cinkkivend da tin.

HomaičendadRedaktiruida

IrdkosketusedRedaktiruida