Vauged Kalitv

Vauged Kalitv (ven.: Бе́лая Калитва́) om Venäman lidn da lidnankund Rostovan agjan keskuzpalan lodehes. Se om Vauktan Kalitvan rajonan administrativine keskuz da pala. Om «sodahoštusen lidn»-arvnimenke vn 2019 sulakuspäi.

Vauged Kalitv
Белая Калитва

Lidnanznam	Flag
Valdkund	Venäma
Eläjiden lugu (2021)	40,448 ristitud
Pind	22,11 km²
Pämez'	Väčeslav Rižkin (reduku 2016—, Вячеслав Рыжкин)
Telefonkod	+7−86 383-xx-xxx
Avtokod	61, 161
Aigvö	UTC+3 (MSK+0)

Istorii

Eländpunktan aluz om pandud vl 1703 kuti kozakišton lidnut Petr I-carin käskön mödhe, möhemba Ust'-Belokalitvenskai-stanic (ven.: станица Усть-Белокалитвенская). Kätihe stanicad Vauged Kalitv-radnikžiloks vl 1941. Toižen mail'man sodan aigan lidn oli okkupiruidud nacistižen Germanijan sodavägil (20.07.1942—19.01.1943). Radnikžilo sai lidnan statusad vn 1958 29. päiväl elokud.

Vauged Kalitv šingotase alüminijan vanundtegimen edheotandoil (pol'fabrikatad, sauvondprofil', astjad), mugažo radsor'mikoiden tegim radab lidnas.

Geografijan andmused

Lidn sijadase Severskii Donc-jogen molembil randoil (Donan oiged ližajogi), 40 m ü.m.t. keskmäižel korktusel. Kalitv-jogi (ven.: (Белая) Калитва 308 km pitte, hura) i Lihai-jogi (ven.: Лихая 69 km pitte, oiged) lanktas Severskii Doncha lidnan territorijal. Severskii Donc-jogen oiged rand om kall'oikaz, 148 metrhasai ü.m.t. kortte.

Matkad Rostovhasai Donal om 132 km suvipäivlaskmha orhal, 166 km avtotel vai raudtel. Lähembaižed lidnad oma Rusked Sulin 62 km suvipäivlaskmha orhal, 92 km avtotedme vai raudtedme, Zverevo 53 km päivlaskmha-suvipäivlaskmha orhal, 71 km avtotedme vai raudtedme, i Kamensk Šahtil 42 km päivlaskmha orhal, 57 km avtotedme vai raudtedme. Vauged Kalitv-raudtestancii radab «Kamensk Šahtil — Volgograd»-keskustal.

Tobmuz

Kaik koume futorad mülüdas lidnankundha Vauktan Kalitvan ližaks: Borodinov, Dädin, Pocelujev.

Lidnankundan tobmuden pämez' om sen Deputatoiden suiman ezimez'. Lidnankundan Administracijan pämez' om Nikolai Timošenko vn 2021 elokuspäi. Edeline lidnan Administracijan pämez' om Sergei Sägailo (tal'vku 2016 — heinku 2021).

Eläjad

Vl 1939 stanican ristitišt oli 8 200 eläjad. Vn 2010 Venäman rahvahanlugemižen mödhe lidnan eläjiden lugu oli 43 651 ristitud, lidnankundan — 44 403 ristitud, rajonan kaks' videndest. Vn 2021 lidnan ristitišt oli 40 448 eläjad. Kaik 40 831 ristitud elihe lidnas i 41 552 ristitud kaikes lidnankundas vl 2017. Kaikiš suremb lidnan ristitišt oli 47..49 tuhad eläjid vll 1989−2003 (49 500 rist. vl 1996).

Rahvahad (2010): venälaižed — 95,6 %, ukrainalaižed — 1,7 %, toižed rahvahad — 2,7 %.

Lapsiden opendusen aluzkundad oma 11 päivkodid, seičeme keskškolad (nomerad 1..6 i 17), kozakišton kadetkorpus, lapsiden sädamižen pert', tehnižen sädamižen keskuz, čomamahtoiden škol, kaks' municipališt sportškolad i olimpižen varan sportškol (meladuz baidaroil i kanoel, kebn atletik, ujund, dzüdo, futbol, čomamahtoine gimnastik, boks, ličend kall'oidme). Professionaližen opendusen aluzkundad oma Vauktan Kalitvan gumanitariž-industrialine tehnikum i Vauktan Kalitvan äiprofil'ne tehnikum.

Galerei

• 
  Istorijan kodirandantedištandmuzei (2021. voz' vai sen aigemba, istorine atamanan ohjandusen pert', kozakišton gimnazii)
• 
  Jumalanmaman Tulendan Pühäpertihe jumalanpert', vn 2017 nägu
• 
  Alüminijan metallurgižen tegimen pätulend vl 2022
• 
  Lapsiden čomamahtoiden škol (2019)
• 
  Znam lidnan röunal vl 2019
• 
  Nevondkundaline lidnanznam (1968)

Irdkosketused

• Lidnankundan tobmuden aluzkundoiden sait (belokalitvinskoegp.ru) (ven.)