Volgodonsk
Volgodonsk (ven.: Волгодонск) om Venäman lidn da lidnümbrik Rostovan agjan päivnouzmas. Se om agjan nellänz'-videnz' lidn eläjiden lugun mödhe.
Lidnanznam
|
Flag
|
| Valdkund | Venäma |
| Eläjiden lugu (2017) | 171,471 ristitud |
| Pind | 182,3 km² |
| |
| Pämez' | Lüdmila Tkačenko (reduku 2015—) |
| Telefonkod | +7−8639-xxx-xxx |
| Avtokod | 61, 161 |
| Aigvö | UTC+3 (MSK+0) |
Istorii Redigeeri
Eländpunktan aluz om pandud vn 1950 27. päiväl heinkud kuti žilo-varatoitandbaz sauvomha Cimlänskan padoseinäd i Volgan-Donan kanalad. Vl 1953 nimitihe žilod Volgo-Donsk (ven.: Волго-Донск), sil-žo vodel täuttihe Cimlänskan vezivaradint. Žilo sai lidnan statusad vn 1956 2. päiväl kül'mkud.
Volgodonsk šingotase atomreaktoriden tegimel («Atommaš») i mašinansauvomižen toižil tegimil, sauvondmaterialiden pästandal (puižed apakod, beton, raudbetontegesed), sömtegimištol (maidkombinat, kalakombinat, leibtegim), Rostovan AES:an ekspluatacijal (vll 2001−2010 Volgodonskan AES) i järedal jogiportal, mugažo kodihimijan tegim radab.
Geografijan andmused Redigeeri
Lidn sijadase Cimlänskan vezivaradimen padoseinänno, Donan hural randal, 50 m. ü.m.t. keskmäižel korktusel. Vezivaradimen pind om 35 m ü.m.t. kortte. Irrigacine Donan magistraline kanal zavodiše lidnas. Matkad Rostovhasai Donal om 189 km päivlaskmha orhal, 241 km avtotel vai raudtel. Lähembaine lidn om Cimlänsk 5 km pohjoižhe orhal, avtotedme vai raudtedme Donan vastrandal.
Volgodonsk om lidnümbrikon üks'jäine eländpunkt. Röunatab Volgodonskan rajonanke suves i päivlaskmas, Cimlänskan rajonanke lodehes i pohjoižes, Dubovskojen rajonanke päivnouzmas.
Eläjad Redigeeri
Vn 2010 Venäman rahvahanlugemižen mödhe eläjiden lugu oli 170 841 ristitud. Kaikiš suremb lidnan ristitišt oli 181..184 tuhad eläjid vl 1991−1998 (184 tuh. rist. vl 1995).
Rahvahad (2010): venälaižed — 92,7%, ukrainalaižed — 2,8%, toižed rahvahad — 4,5%.
Professionaližen keskopendusen aluzkundad oma pedagogine i medicinine[1] kolledžad, nell' tehnikumad, sauvondškol i Sal'skan kozakišton proflicein filial. Kaks' üläopendusen aluzkundoiden filialad: «MIFI»-tedoiduzkeskuz (Moskv) i Donan valdkundaline tehnine universitet (Rostov Donal) — Tehnologijoiden institut.
Homaičendad Redigeeri
Irdkosketused Redigeeri
- Volgodonsk-lidnan Duman oficialine sait (gorduma.org). (ven.)
- Lidnan Administracijan oficialine sait (volgodonskgorod.ru). (ven.)
| Volgodonsk Vikiaitas |
| Rostovan agjan lidnad | ||
| Aksai | Azov | Bataisk | Cimlänsk | Doneck | Gukovo | Kamensk Šahtil | Konstantinovsk | Millerovo | Morozovsk | Novočerkassk | Novošahtinsk | Proletarsk | Rostov Donal | Rusked Sulin | Sal'sk | Semikarakorsk | Šahti | Zernograd | Zverevo | Taganrog | Vauged Kalitv | Volgodonsk | ||