Bataisk (ven.: Батайск) om Venäman lidn, lidnümbrik da raudtesol'm Rostovan agjan suvipäivlaskmas. Se om Rostovan Donal suvine ezilidn, agjan kudenz' lidn eläjiden lugun mödhe.

Bataisk
Батайск
 Lidnanznam
 Flag
Valdkund Venäma
Eläjiden lugu (2018) 126,769 ristitud
Pind 77,68 km²
Bataisk Батайск
Pämez' Igor' Lübčenko
(reduku 2019—)
Telefonkod +7−86 354-xx-xxx
Avtokod 61, 161
Aigvö UTC+3 (MSK+0)

Istorii vajehta

Eländpunktan aluz om pandud vl 1769 kuti Bataiskai-slabad (ven.: Батайская слобода). Ba-tai-su kändase türkižiš kelišpäi kuti «neps alangišt ojanke». Raudtestancii radaškanzi jonol Vladikavkazhasai vl 1875. Oli Bataiskan rajonan (1924−1938) keskuseks. Kätihe radnikžiloks vl 1925. Žilo sai lidnan statusad vn 1938 25. päiväl kül'mkud. Lidn oli okkupiruidud nacistoil (27.07.1942 — 07.02.1943). Mülütihe Koisug-žilod lidnha vl 1959.

Bataisk šingotase sauvondmaterialiden (raudbeton) i sauvondtegesiden (metalližkonstrukcijad, mülütimed) pästandal, transportižel mašinansauvomižel (avtoližavedamad, avtolibutimed, avialadimiden tegim, avtoveimiden edheotand), sömtegimištol.

Geografijan andmused vajehta

Lidn sijadase Donan hural randpolel, 5..7 m ü.m.t. keskmäižel korktusel. Pen' Koisug-jogi (ven.: Малый Койсуг, lankteb Donha ani lidnan taga) om lidnan lodehližeks röunaks, Azovan järgenduzkanal läbitab lidnan palad suves. Bataisk röunatab Rostovan Donal Kirovan rajonanke pohjoižes. Toižed lähembaižed lidnad oma Azov 25 km päivlaskmha orhal, 32 km avtotedme vai raudtedme, i Aksai 17 km pohjoižpäivnouzmha orhal, 24 km avtotedme vai raudtedme. Bataisk-raudtestancii radab lidnan keskuzpalas-suves. «Rostov Donal — Krasnodar»-avtotekeskust om lidnan päivnouzmaižeks röunaks.

Bataisk om lidnümbrikon üks'jäine eländpunkt. Röunatab Aksain rajonanke päivnouzmas, Azovan rajonanke päivlaskmas.

Eläjad vajehta

Vl 1939 lidnan ristitišt oli 48 tuhad eläjid. Vn 2010 Venäman rahvahanlugemižen mödhe eläjiden lugu oli 111 843 ristitud. Kaikiš suremb lidnan ristitišt om nügüd'. Ortodoksižen hristanuskondan kuz' pühäpertid oma olmas lidnas, hristanuskondan toižed jumalanpertid i loičendpertid.

Rahvahad (2010): venälaižed — 90,6%, armenijalaižed — 2,5%, ukrainalaižed — 1,5%, korejalaižed — 1,4%, toižed rahvahad — 4,0%.

Professionaližen opendusen aluzkundad Bataiskan informacižtehnologijoiden da radioelektronikan tehnikum[1] i Bataiskan raudtetransportan da sauvondan tehnikum.

Galerei vajehta

Homaičendad vajehta

  1. Bataiskan informacižtehnologijoiden da radioelektronikan tehnikuman sait (doninteh-bataysk.ru). (ven.)

Irdkosketused vajehta



Rostovan agjan lidnad
Aksai | Azov | Bataisk | Cimlänsk | Doneck | Gukovo | Kamensk Šahtil | Konstantinovsk | Millerovo | Morozovsk | Novočerkassk | Novošahtinsk | Proletarsk | Rostov Donal | Rusked Sulin | Sal'sk | Semikarakorsk | Šahti | Zernograd | Zverevo | Taganrog | Vauged Kalitv | Volgodonsk