Uren' (ven.: Уре́нь) om Venäman lidn, lidnankund da avtotesol'm Alalidnan agjan pohjoižpäivnouzmas. Se om Urenin rajonan administrativine keskuz.

Uren'
Урень
Lidnanznam
Coat of arms of Uren.png
Valdkund Venäma
Eläjiden lugu (2017) 12,385 ristitud
Pind 20 km²
Uren' Урень
Pämez' Aleksandr Blagovarov
(sügüz'ku 2015—)
Telefonkod +7-83 154-xx-xxx
Avtokod 52, 152
Aigvö UTC+3 (MSK+0)

IstoriiRedaktiruida

Eländpunkt mainitase ezmäižen kerdan vl 1719 kuti vanhuskolaižiden Tröhsvätskoje-žilo (ven.: село Трёхсвятское). Uren'-raudtestancii radab 1920-nziden voziden keskespäi. Oli radnikžiloks vspäi 1959. Sai lidnan statusad vl 1973.

Uren' šingotase biohimižen tegimel, sömtegimištol (voitegim, leibtegim), mugažo mebel'- i omblendfabrikad ratas lidnas.

Geografijan andmusedRedaktiruida

Lidn sijadase rajonan keskuzpalas, Ustanjogen oiktal korktal randpolel (nitmar.: Ышта 253 km pitte, Volgan hurapol'ne bassein), 110 m ü.m.t. keskmäižel korktusel. «Alauz'lidn — Kirov»-raudtekeskust jagab lidnad poleti, «Alauz'lidn — Kirov»-mante ümbärdab lidnad lodehespäi. «Uren' — Kotlas»-avtote augotase lidnas. Matkad Alauz'lidnhasai om 165 km suvipäivlaskmha orhal, 210 km avtotedme vai raudtedme. Lähembaižed lidnad oma Vetlug 43 km pohjoižhe orhal vai 46 km avtotedme i Šahunj 54 km päivnouzmha-pohjoižpäivnouzmha orhal, 57 km avtotedme vai raudtedme.

Artamonovo-külä (135 rist. vl 2010) i Sosnovk-žilo kaikenaigaižeta ristitištota mülüdas lidnankundha Urenin ližaks. Lidnankundan pind — 100,18 km².

EläjadRedaktiruida

Vn 2010 Venäman rahvahanlugemižen mödhe lidnan eläjiden lugu oli 12 304 ristitud, lidnankundan — 12 439 ristitud, rajonan kaks' videndest. Kaikiš suremb lidnan ristitišt oli enamba 13 tuhad eläjid vll 1979−2001 (13 560 rist. vl 1989). Kaik 12 502 ristitud elihe lidnankundas vl 2017.

Professionaližen opendusen aluzkund om Urenin industrialiž-energetine tehnikum.[1]

HomaičendadRedaktiruida

  1. Urenin industrialiž-energetižen tehnikuman sait (urencollege.ucoz.ru). (ven.)

IrdkosketusedRedaktiruida



Alalidnan agjan lidnad
Alauz'lidn | Arzamas | Balahn | Bogorodsk | Bor | Čkalovsk | Dzeržinsk | Gorbatov | Gorodec | Knäginino | Kstovo | Kulebaki | Liskovo | Lukojanov | Navašino | Pavlovo | Perevoz | Pervomaisk | Sarov | Semönov | Sergač | Šahunj | Zavolžje | Uren' | Vetlug | Viks | Volodarsk | Vorsm