Knäginino

Knäginino (ven.: Княги́нино) om Venäman lidn da lidnankund Alalidnan agjan keskuzpalan suvipäivnouzmas. Se om Knägininon rajonan administrativine keskuz (vn 1944 kül'mkuspäi).

Knäginino
Княгинино

Lidnanznam
Valdkund	Venäma
Eläjiden lugu (2021)	6,563 ristitud
Pind	7 km²
Pämez'	Roman Jašin (viluku 2018—)
Telefonkod	+7−83 166-xx-xxx
Avtokod	52, 152
Aigvö	UTC+3 (MSK+0)

Istorii

Eländpunkt mainitase ezmäižen kerdan M.I. Vorotinskii-ruhtinasen hengeližes kirjeižes vn 1569 uhokus kuti Knäjinino-žilo (ven.: село Княинино). Sai makundan lidnan statusad vn 1779 28. päiväl tal'vkud, generališt planad vl 1784. Lidnan nimituz oli Knäginin. Anastihe lidnan statusad vl 1926 da nimitihe Knäginino-žiloks. Kändihe lidnanvuiččeks žiloks vl 1968. Radnikžilo sai lidnan statusad tošti vn 1998 keväz'kun 17. päiväl.

Knäginino šingotase maidtegimel i omblendfabrikan (eriližsobad vägistrukturiden täht).

Geografijan andmused

Lidn sijadase rajonan päivlaskmas, Imz-jogen oiktal randal tobjimalaz (ven.: Имза 91 km pitte, Suran hurapol'ne bassein), 120 m ü.m.t. keskmäižel korktusel. Knägink-jogi (ven.: Княгинка) lankteb Imzha oiktalpäi. Matkad Volghasai (Čeboksaran vezivaradim) om 30 km pohjoižhe, Alauz'lidnan keskushesai om 85 km lodeheze orhal vai 105 km avtotedme. Lähembaižed lidnad oma Sergač (raudtestancii) 43 km suvipäivnouzmha orhal vai 45 km avtotedme, Perevoz (raudtestancii) 39 km suvipäivlaskmha orhal vai 50 km avtotedme, i Liskovo 23 km pohjoižhe orhal vai 27 km avtotedme.

Gorškovo-külä (273 rist. vl 2017) mülüb lidnankundha Knägininon ližaks. Lidnankundan pind — 10,95 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 6 708 ristitud, lidnankundan — 6 964 ristitud, rajonan koume videndest. Kaikiš suremb lidnan ristitišt oli 6 700 eläjad vl 1856, läz 7 tuhad eläjid vll 1996−2017 (7 092 ristitud vl 2016). Kaik 7 335 ristitud elihe lidnankundas vl 2017.

Rahvahad (2010): venälaižed — 94,2%, čuvašalaižed — 1,3%, toižed rahvahad — 4,5%.

Professionaližen opendusen aluzkund om Alalidnan valdkundaline inženeriž-ekonomine universitet (lüh. Knägininon universitet), sen nell' institutad kudespäi sijadasoiš Knäginino-lidnas. Ülä- i keskopendusen programmad mändas universitetas, kaik om läz 4,3 tuhad üläopenikoid.

Galerei

• 
  Alalidnan valdkundaline inženeriž-ekonomine universitet vl 2010
• 
  Jumalanmaman Emäganpäivän jumalanpert', vn 2010 nägu
• 
  Knägininon omblendfabrik vl 2015
• 
  Lidnan kul'turkeskuz (2010)
• 
  Lidnan avtostancii vl 2010

Irdkosketused

• Lidnankundan lehtpoled rajonan oficialižel admknyaginino.ru-saital. (ven.)